YESKIAL 17:24 - Susula Malalaok Hehelu Palak Ma Hehelu Beuk

²⁴ Basa ai manai nusak-ka, neukose ala bubuluk, lae Au nde, Manetualain-na. Au lo'oheni ai mademaina-la, Au fe ai kaba'ok-kala lamadema. Ai maso'dak-ka, Au fen namatuu ma ai tuuk-ka, Au fen nanupu fo nakapela. Au fo Manetualain, kokolak basa so, de basa Au hala-kokolang lala'en-na, neukose nanatao natetuk.”

YESKIAL 17:24 ပူးပေါင်းရင်းမြစ်များ

AYUB 40:12

Hei, mete hataholi manakoao-ndaeaok-ka, fo ne'e maloe langan-na! Tutu makasosopuk, hataholi mangalauk-ka, neme mamanan-na.

AYUB 5:11

Ndia nde Manetualain, fo manaso'u namadema hataholi taidaek-ka, ma manataon-nala hataholi manato'a-taak-ka naua-nanale.

MAZMUR 89:38

Nusan-na nahele, sama leo bulak-ka, fo sakasii manalilinekak nai ko'as-sa.”

MAZMUR 89:45

O tao mete'e koasan-na lole-napun, O tapa kandela manen-na, neu dae lain.

YESAYA 22:19

Hu ndia de, neukose Au kaluaheni o neme o kandela nangatutuum-ma mai, ma Au akonaheni o, neme o pangkat mademaina-ma mai.

YESAYA 26:5

Manetualain nakadadaek hataholi manakoao-ndaeaok-ka; Ana tao nakalulutuk sila kota musun-na ma Ana taon-nan, nakatetepak no dae bafan-na.

YESKIAL 12:25

Au, Manetualain Fo Mademaina, kokolak neu leoina Israel-la, ma basa hata fo Au afa'dan, tao leo bee-o neukose ana da'di no lai-laik. Mamanene leon, hai leoina malenalanga-masa'basook-kala lemin! Nai tepo-lelek o maso'da, neukose Au akalala'ok basa hata lala'en fo, Au afa'dan neu o. Au, Manetualain Fo Mademaina, nde manakokolak-ka.”

YESKIAL 18:1

Manetualain nafa'da au nae,

YESKIAL 21:26

Au, Manetualain Fo Mademaina, kokolak basa so. Makonaheni o ti'ilanga manem-ma, ma se'iheni o fefeo langam-ma leona. Besak ia, o ha'da-tataom nasafali so. So'u madema hataholi nuu taa-hata taak-kala, fo fes koasa. Makonaheni basa manakoasa-la, na'de matua-mademan-nala!

YESKIAL 22:14

Tehu nai lelek Au huku basa o soona, o bei mapalani, do o bei mabe'i-balakaik soaneu o so'uk o limam-ma do ta? Au, Manetualain Fo Mademaina, kokolak basa so, de neukose Au tao hata fo, Au kokolak basan so.

YESKIAL 24:14

Au, Manetualain Fo Mademaina, kokolak basa so. Fain-na losa so, ba'eneu Au mulai tao hata esa. Neukose, Au ta afandele heni o sala-singom fa, ma Au ta fe do'o do ampon neu o, do Au sue-lai o fa. Neukose o nanahukuk, nandaa no o tatao-nono'im lala'en-na. Au Manetualain Fo Mademaina, nde manakokolak-ka.”

YESKIAL 36:36

Soona leoina titia-tataik fo, bei elak-kala, neukose ala bubuluk lae Au, Manetualain nde nafofo'a falik kota-kota fo, lakalulutuk sila, ma foi-fala seluk, tina tokotik-kala. Au fo Manetualain, nde manakokolak-ka, de tao leo bee-o, neukose nanatao natetuk.”

YESKIAL 37:14

Neukose, Au fuu ani hahaek leo sila aoinan-na dale neu, fo Au tao aso'das, boema Au fes ala leo lai sila nusan-na. Soona besak-ka ala bubuluk, lae Au nde, Manetualain-na. Au, fo Manetualain nde manakokolak-ka, de tao leo bee-o, neukose nanatao natetuk.”

DANIAL 5:21

Nanausi henik neme hataholi daebafak-ka dalek mai ma dudu'a-aafin da'di sama leo bana-manu dudu'a-aafin. Naso'da no keledei fuik-kala, na'a na'u sama leo sapi-a, ma ana sungu nai moo maloa dale, de nakadoe dinis. Mate'en-na, ana manaku nae Manetualain Fo Mademaina koasa hataholi daebafak-ka nusan-na, ma Ana fe nusak ndia neu su'di see fo Ana helen.

AMOS 9:11

Manetualain nafa'da nae, “Neukose fain-na losa, Au tao-a Dauk nusan-na fo'a seluk. Besak ia, nusak ndia da'di sama leo uma fo ana tu'u neu so. Tehu neukose Au tao ahii papala nanadaman-nala, fo Au afofo'a falik-kana, fo ana da'di sama leo makahulun eli.

BILANGAN 17:8

Balahaa, fo nai lelek Musa neu leo Manetualain Lalaa Teman dale neu, te nita Harun ai tete'en-na, fo nde leo Lewi-a ai tete'en-na, nanupu so. Ai tete'ek ndia napako, nabuna, de naboa ketapang boak, tehu boan-na lasik so!

MATEOS 24:35

Lalai a no daebafa ka neukose mopos, tehu Au dede'a-kokolang lahele losa dodoo na.”

LUKAS 1:33

Ma neukose Ana paleta sama leo manek neu Yakob tititi-nonosin losa dodoo na. Nusa na neukose ta hapu mate'e na fa.”

LUKAS 21:33

Lalai a ma daebafa ka neukose ala sapu-lalo, tehu Au dede'a-kokolang lahele losa dodoo na.”