YESKIAL 17:23 - Susula Malalaok Hehelu Palak Ma Hehelu Beuk

²³ Au falak-kana, nai lete mademaina manai Israel-la. Neukose, nanupu nai naa, fo nabuna-naboa, boema, ana da'di ai kaiou nanakoa-nanakiok. Basa manupui mata-matak lala'en-na, neukose landunu nai lain, ma lafuni aoinan-nala, nai sa'on dale.

YESKIAL 17:23 ပူးပေါင်းရင်းမြစ်များ

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

MAZMUR 80:8

Ou Manetualain, Fo Manakoasa, tao mabebeu ami; mete ami no dale malole fo ela ami maso'da.

KIDUNG AGUNG 5:15

Ein-na, sama leo batu marmar fulak-ka diin-nala, nakadiditak-kana nenik lilopilas isik. Heo-haan lolen-na sama no letek manai Libanon-nala, ma nanahelek sama leo ai aras.

YESAYA 2:2

Nai fai-fai manamaik-ka pupukuk fo Manetualain Uma mamanan-na tapasosola namadema ma napadeik natetu nai letek-kala ma pupukuk-kala lain. Leoina lala'en-na, beenongo leo naa leu,

YESAYA 27:6

Nai tepo-lelek manamaik-ka, leoina Israel-la, neukose sama leo ai maoka-ka, ma nakapepela boema ana taon-na daebafak-ka, henun nenik boan-nala.

YESAYA 49:18

Mete ma makanae, leo o boboa-kaisum muu, o laum-mala, lakabubua basa, de ala mai leo o mai so. No Au, Manetualain fo maso'dak-ka, Au afa'da ae, tete'ek-ka, neukose o dalem-ma namatua, nanahu o laum-mala, sama leo ina manaka'bing-nga, dalen-na namatua, nanahu lilo-henun.

YEREMIA 31:12

Neukose ala mai neme pupukuk Sion-na mai no mata-pana malengak, nanahu Au fefeng neu sila-la, nde gandum, mina, angol, sapi ma bi'ilopo. Sila neukose sama leo osi bubu'u-palusa fo oa ai manadaik, ma ala ta to'a-ta hata esa boen.

YESKIAL 20:40

Nana nai dae Israel-la, fo nai Au lete malalao-malalafung-nga poin-na, emi basa-basam-mala, fo leoina Israel-la, neukose sene-do'ok neu Au. Nai naa, neukose Au amahoko, fo Au sipok emi tutunu-hohotum, emi tunu-hotum malolem-mala, emi fe-fe hehelim-mala.

YESKIAL 31:6

Basa manupui manai lalai lala'en-na, landunu lai ndanan-nala lain, bana fuik-kala lu'u lai ndanan-nala dae, fo ala bongi anan-nala. Basa leoina matuaina manai daebafak-ka lalaena, langatuuk fo ala hahaeaon-nala lai huun-na.

YESKIAL 36:8

Tehu Au afa'da o, hai lete-letek Israel-la lemin, neukose o ai-mala ladoo beu, fo laboa seluk fe Au anang Israel.

YESKIAL 40:2

Nai ninitak esa dalek, Manetualain noo au leo dae Israel-la neu, de Ana pe'da au nai lete mademaina esa poin-na. Au ita nai au matang-nga, uma bubuak esa, nalupa kota esa.

DANIAL 4:8

Mate'en-na, Danial fo loken lae Beltsazar boe, fo na'den-na sama leo au lamatua daebafang-nga na'den-na ndia, ana mai. Danial dalen-na henuk no lamatua daebafak malalao-malalafuk-kala duladalen-na. Au tuin au me'ing ndia boe ae,

DANIAL 4:9

“Hai, Beltsazar, fo hataholi malelaina-la mauli-malangan-na, au bubuluk ae o dalem-ma henuk no lamatua daebafak malalao-malalafuk-kala duladalen-na, nalosa ta hapu bibila-babaak nananafunik ba'eneu o fa. Nenene au me'ing-nga nde ia, fo mafa'da mangalele'do sosoa-ndandaan.

HOSEA 14:7

Neukose, laso'da ma lamade'u, sama leo bubu'u-palusa, fo nanupu su'di nai bee boe, lole-napun, sama leo ai setun-na, naboomeni, sama leo ai kaiou-a!

HOSEA 14:8

Neukose, ala fali ma'is leo Au mai, fo ala leo nai Au nasulu-nahapang dale. Neukose so'dan-nala, boetai da'di tetu-temak, sama leo gandum-ma moli nai tina maoe-maisik-ka, ma sama leo osi angol-la. Na'den-nala nanakoa-nanakiok, sama leo oe angol Libanon-na.

MIKHA 4:1

Nai fai-fai manamaik-kala, pupukuk, fo Manetualain Uma mamanan-na, neukose napadeik natetu ma boetai namadema lena heni letek-kala ma pupukuk-kala. Leoina lala'en-na, faa beosu leo naa leu.

MATEOS 13:32

Ai sawi ia nde bee na ai de'ek esa, lutuanak nanseli. Tehu metema ana moli fo namatua soona, ba'u lena basa bubu'u-palusa lala'ena. Huu na, ba'u na seli, de nalosa manupui la mai landunu lai ndananala.”

MARKUS 4:32

Tehu makanaema ana moli soona, ana dadi ai matuaina nai ai nanasele kala tala'da. Ndana nala eloaka, de nalosa manupui la mai fo landunu lai lain.”

LUKAS 13:19

Heheo-hihilun sama leo nakandandaaak mana maik ia: Hataholi esa ho'i na sawi de'ek esa, beoma neu selen leo osin dale neu. Ai de'ek ndia moli boema ana da'di ai huk matuaina, de manupui la tao ndunu nala nai ai ndia ndana nala.”

YOHANIS 12:24

Au dede'ang ia, tete'e ka la'en: Makanaema ha'de de'ek esa, ta selen leo dae dale neu, fo ha'de de'ek ndia po'o fan, soona neukose ana da'di de'ek esa nahele. Tehu makanaema ha'de de'ek ndia po'on nai dae dale, soona besa ka ana moli, fo nabuna-naboa ha'de de'e ba'u.

GALATIA 3:28

Nai dede'ak ia dalek, hataholi Yahudi no hataholi ta Yahudi, ata no malanga na, ma tou ka no ina ka, sama so. Emi basa-basa mala da'di esa, hu ka nde Kristus Yesus.

KOLOSE 3:11

Basa dede'ak sila la mate'e na nde, leomae hataholi Yahudi do hataholi ta Yahudi, hataholi nanasunat do hataholi nanasunat beitaak, hataholi manamai do hataholi malela ha'da tak, ata do malangan boeo, basa-basas sama, nanahu Kristus nde basa hata lala'e na, ma Ana da'di esa no basa hata lala'e na!

NINITAK 11:15

Boema ata nusa so'da kahitu puu pupuu na, boema nai nusa so'da ka hala kala nananamanenek bela na seli nafa'da nae, “Koasa soaneu paleta daebafa ka besak ia nai ita Manetualain ma Mane Mana Fe So'dak fo nanahelu ka, liman dale. Neukose Ana paleta losa dodoo na!”