YESKIAL 17:20 - Susula Malalaok Hehelu Palak Ma Hehelu Beuk

²⁰ Neukose, Au pilu Au dalang-nga neu, fo Au ho'u-an. Neukose, Au on leo Babel neu, fo Au hukun nai naa, nanahu ana ta lilineka neu Au fa.

YESKIAL 17:20 ပူးပေါင်းရင်းမြစ်များ

2 SEMUEL 18:9

Nai lelek Absalom sa'e nala keledein lain, de ana la'o boema, no kaiboik, natongo no Dauk solda'dun-nala. Keledei ndia, ana la'ok tunga ai manituk-la huun-na, tehu ai sila-la kaba'oanak, nalosa Absalom langan-na soloka'do-na ai ndanak esa. Keledei-a nalaik nakandoo, tehu Absalom la'oelan lona-lona nahele neme ndia.

2TAWARIKH 33:11

Hu ndia de Manetualain nadenu basa Asyur malanga solda'du matuaina-nala fo leu sapu-la Yehuda. Ala ho'u-la Manasye nenik ai kakaik, boema ala langen, de ala foo lenin leo Babel neu.

AYUB 10:16

Metema, au hapu buna-boak, leomae ta ba'uk fa, O usi au sama leo singa, ma O matu'du seluk, O koasam-ma, fo ka'da, soaneu O makabibiik au.

PENGKHOTBAH 9:12

Hataholi daebafak-ka ta bubuluk faihi'da fain-na losa fa. Sama leo hihi'ik-ka nala manupui-a ma dala nala i'ak-ka, leondiak boe, soe-a tuni la'e hataholi daebafak-ka nai faik fo ana ta bubuluk-kana fa.

YEREMIA 2:35

emi mafa'da mae emi salam ta, ma emi mae Au ta amanasa seluk emi so'on. Tehu Au fo Manetualain, neukose huku emi, nanahu emi ta nau manaku, mae emi masala fa.

YEREMIA 2:9

Manetualain nafa'da nae, “Besak ia, Au adede'a seluk o Au anan-ngala, ma Au aketu-ala'di tititi-nonosin-nala

YEREMIA 34:21

Zedekia fo manek Yehuda, no basa manaho'u paletan-nala neukose Au fes lo hataholi-hataholi fao lahiik tao lisa-la. Neukose Au fes lo soloda'du Babel-lala, fo besak ia ala la'o ela emi so ndia.

YEREMIA 37:17

Makabuin-na boema manek Zedekia nadenu hataholi no au u ata nai uma manek-ka. Nai ndia no nafufunik ana natane neu au, ade hapu hala-haituak neme Manetualain mai. Au ata ae “Hapu.” Boema au tama seluk ae neukose “Ama Manek nanafek lo manek Babel-la.”

YEREMIA 50:44

Sama leo meo asu to'da neme lasi ina dale fo deka no Lee Yarden, ma ana mai leo mook fo bi'i lopo-la mamana nana'a na'u-nala, neukose Au leondiak, Manetualain mai fo ana tao-na hataholi Babel-la lalai la'o ela sila kota no kaiboianak. Boema neukose Au hele malangan esa fo ana paleta leoina ndia. Hapu se fo nananakasasamak no Au? See napalani tao dede'ak neu Au? Ade hapu malangan esa fo la'ban Au?

RATAPAN 1:13

Nakona ha'i-a neme lalai mai fo na'a losa au daleng dale. Ana lona hihi'ik nai au matang-nga, fo au tu'u u. Boema Ana po'ilotak au mesang-nga doi-doso fai katemak esa dalen-na.

RATAPAN 4:20

Ala ho'u-la manek fo Manetualain helek-ka, hataholi fo ami mamahenan da'dileo manafe maso'dak, ma manamasulu-mahapa soaneu musu nook-ka.

YESKIAL 12:13

Tehu neukose, Au pilu Au dalang-nga neu, fo Au ho'u-alan. Boema, neukose Au on leo kota Babel-la neu, fo nai naa, neukose ana beita nita kota ndia fa te, maten so.

YESKIAL 15:8

Ala ta lilineka neu Au fa, hu ndia de, Au tao dae ndia da'di moo solokaek. Au ManetualainFo Mademaina, nde manakokolak-ka.”

YESKIAL 17:19

No Au, Manetualain fo maso'dak-ka na'den-na, Manetualain Fo Mademaina, neukose Au huku mane Yehuda, nanahu ana la'olena hehelu-balataan no manek Babel-la so, te se'kona ana soo nenik Au na'deng-nga, soaneu ana tao natetun.

YESKIAL 18:24

Tehu metema, hataholi malole esa, ana ta tao tatao-nono'i malole so'on, boema ana mulai tao tatao-nono'i mangalauk, ma tatao-nono'i nanamaluak lala'en fo, hataholi mana tao tatao-nono'i mangalauk-kala biasa tao-no'in; ade, hataholi ndia, neukose naso'da nahele do? Ta! Neukose, lafandele heni basa tatao-nono'i malolen sila. Neukose maten, hu kande sala-singon, ma ana ta lilineka neu Au fa.

YESKIAL 32:3

Nai lelek, leoina-kala lakabubua soona, neukose Au dala ala o nenik Au dalang-nga, fo Au po'ilotak leoina-kala, ala loso o leo dae ma'dak lain mai.

YESKIAL 38:22

Neukose, Au hukun nenik he'di-laus, ma nado'do-napauk-ka. Neukose Au fe u'daina, ma u'da eis, ha'i ma belerang-nga tu'da la'en no solda'dun-nala, ma la'e leoina makadotok fo, manalook-kana.

HOSEA 2:2

Manetualain nafa'da nae, “Hai Au anang-ngala lemin, au saong ta emi inam so'on, ma ndia saon ta Au fa. Hu ndia de madede'a moon, fo ela ana boso hohonge ma ana boso boe da'di manasosoa-piaok seluk bai.

HOSEA 7:12

Tehu, neukose Au lona hihi'ik, fo nai lelek ala la'ok tunga ndia soona, Au ho'u-alas, sama leo hataholi-a ho'u-na manupui-a. Neukose Au hukus, nanahu Au bubuluk basa sila tatao-nono'i mangalaun-na so.

MIKHA 6:2

Hai letek-kala, hai daebafak-ka buin-nala lemin, mamanene Manetualain kalaan-na. Nanuu dede'ak no Anan Israel, de neukose Ana kalaak-kasa.

LUKAS 21:35

Nana Faik ndia neukose ana mai sama leo hihi'ik esa neu basa hataholi manai daebafak ia poi na.