YESKIAL 16:62 - Susula Malalaok Hehelu Palak Ma Hehelu Beuk

⁶² Neukose, Au tao hehelu-balataa beuk no o. Soona besak-ka o bubuluk, mae Au nde Manetualain-na.

YESKIAL 16:62 ပူးပေါင်းရင်းမြစ်များ

YEREMIA 24:7

Neukose Au fes dudu'a maneu soaneu lalelak lae, Au ia Manetualain. Soona neukose sila da'di Au anang-ngala, ma Au da'di sila Manetualain-na, nanahu ala fali lo Au-a mai no dale katematuak.

YESKIAL 16:60

Tehu, neukose Au afandele hehelu-balataak fo, Au taon no o, nai lelek o bei muli-solum-ma, ma Au tao hehelu-balataak no o, fo paken losa dodoon-na.

YESKIAL 20:37

Neukose, Au tao emi no balakaik, fo ela emi tunga Au hehelu-balataang.

YESKIAL 34:25

Naukose, Au tao hehelu-balataak o sila, ma Au anea sila so'dan-na. Neukose, Au usiheni basa bana makaak-kala leme nusak-ka lala'en-na mai, nalosa Au bi'ilopong-ngala hapu leo no nee-nee lino-linok lai mook-kala, ma lai nula-la dalek.

YESKIAL 37:26

Neukose, Au tao hehelu-balataa mole-dame o sila, fo neukose ndia da'di hehelu-balataa manaketu basa tak no sila. Neukose, Au fes baba'e-papalak, ma Au fes boetai lamade'u. Neukose, Au afofo'a Au Umang-nga neu sila daen dale, fo nahele neme ndia, losa dodoon-na.

YESKIAL 39:22

Mulai neme hatematak ndia mai, neukose hataholi Israel-la, ala bubuluk, lae Au nde, sila Aman Manetualain-na.

YESKIAL 6:7

Nai mamanak lala'en-na, hapu hataholi nanataonisak nai ndia, soona hataholi bei maso'dak-kala, neukose ala bubuluk, lae Au nde Manetualain-na.

DANIAL 9:27

Neukose manek ndia tao hehelu-balataa matea-mahelek no hataholi makadotok nai teuk 7 dalen-na. Nai tepo-lelek ndia tala'da, neukose ana tao nate'e tutunu-hohotuk ma tunu-hotuk. Basa soona, hata esa nakatata'u fo loken soona lae, Mangalauk fo manatao nakalulutuk, neukose nanape'dak nai Manetualain Uman-na, neukose nahele neme ndia, losa hataholi manape'dan neu mamanak ndia, momopo-mamates tuni-nalan; fo nde momopo-mamates fo Manetualain naketu basa soaneun so.”

YOEL 3:17

“Hai Israel, besak ia neukose emi bubuluk, mae Au nde Manetualain fo emi Manetualaim-ma. Au leo nai Sion, fo Au lete malalao-malalafung-nga. Soona Yerusalem boeo, ana da'di kota malalao-malalafuk, neukose hataholi nusa dea ta neu leo dalek neu so'on.