YESKIAL 16:6 - Susula Malalaok Hehelu Palak Ma Hehelu Beuk

⁶ Basa boema, Au la'ok tunga ndia, de Au ita o daam-ma lifu, de o mafoki meme dalek, tehu Au ta nau mate o fa.

YESKIAL 16:6 ပူးပေါင်းရင်းမြစ်များ

YESAYA 14:19

tehu o loo-latem ta; o popolam-ma nanatapa henik, sama leo nupuk fo nanatipa henik, fo palani tati batu manamatek manai natee-natatik-ka dalek, popolan-nala lapaluni ketun, ma nanatapak sama-sama nos, leo bolo mamates batu dale neu, sama leo popolak fo nanaheheta-aa'ik.

YESAYA 51:23

Au fe doidosok ndia, neu hataholi manatuni-ndeni emi, fo nadenu emi mangape'uk hai meme dae lain so, fo ana heheta-aa'i emi, nono'kabai, emi da'di enok, fo hataholi-la'ok tunga lain.”

YESKIAL 16:22

Nai o maso'dam da'di leo manasosoa-piaok, fo nanamaluak ndia dalek, o mafandele heni tepo-lelek o bei ana-ma, lelek o makahola-la, ma o mafoki meme o daam manalifum dale.”

YESKIAL 16:5

Ta hapu hataholi esa boen, dalen-na tu'da kasian neu o, fo ana nau mete-nakanae o. Lelek bongi o, ta hapu hataholi sue-lai o fa, nalosa ala tapaheni o leo tina neu.

YESKIAL 16:7

Au ho'i oe, de au safeheni daak manai o aom-ma. Au ahutu o mina, nenik mina setun. Au akaboboi o, losa o mamatua, sama leo bubu'u-palusa, fo ana moli no malole. O mamatua, ma o ta mamahe'di-mapalau fa, boema o da'di anafe'oanak. O su'um-ma, mulai lamatua, ma o langadoom-ma namanalu, tehu o makahola-la. Lelek Au la'ok tunga ndia seluk te, Au ita o faim-ma losa, soaneu o leo-la'ok moo tou-ta'eanak so. Au alu'e Au ba'du manalung-nga neu o ao makaholam-ma, ma Au aheluk, Au fe Au susue-lalai ina-anafe'ong-nga neu o. Au tao hehelu-balataak o o, fo no enok ndia, o da'di Au nuung. Au, Manetualain Fo Mademaina, nde manakokolak-ka.

MIKHA 7:10

Makahulun-na musu-a nakadadaek ita nenik nafa'da nae, “Manetualain, fo emi Manetualaim ndia nai bee?” Tehu besak ia, neukose lita hata fo Manetualain taon ba'eneu ita, fo neukose ala mae. Neukose ita tita matan, ita musun sila-la kala, ma nanaheheta-aa'ik sama leo tane nai enok lain.

MATEOS 5:13

“Emi ia masi daebafak. Metema masi ka masin ta soona, ade hapu tao namasi selu kana do? Masik ndia sosoa-ndandaan ta so, de ka'da tapahenin fo hataholi la heheta-aa'i lakalulutu kana.

YOHANIS 5:25

Mamahele leona, te neukose fai na losa, nakalenak fai na losa so, soaneu hataholi manamate kala, neukose lamanene Manetualain Ana na hala na. Boema see namanenen soona, neukose naso'da.

HATAHOLI 7:34

Au ita ma Au taoafik neu basa Au hataholi kamaheheleng manai Masi ra doidoso nala so. Au amanene hoo-nggu'u nala de Au sanga kona u soaneu Au soi po'is. Besak ia mai dei! Te Au sanga adenu o fali mu'u ma leo Masir mu.’

ROMA 9:15

Nana Manetualain nafa'da Musa nae, “Au atu'du susue-lalaik neu hataholi fo Au nau atu'du Au susue-lalaing neun, ma neukose Au atu'du Au dale kasia nga neu hataholi fo Au nau atu'du Au dale kasia nga neun.”

ULANGAN 9:4

Emi boso dudu'a-dodoo nai emi dalem dale mae, metema emi Manetualaim-ma usihenis leme emi matam-ma mai, hu kande emi tatao-nono'i malolem-ma, ma lilineka neu Manetualain no emi masok fo mangatuu-ma, nusak ndia, ta se'kona hu kande leoina ndia, tatao-nono'i mangalaun-na, de emi Manetualaim-ma usihenis leme emi matam mai, ma Manetualain soi poi emi ho'i ma daen-nala hu kande nau tao natetu hala hehelun-na, no emi bei-ba'i kaim-mala fo nde, Abraham, Isak ma Yakob.

IBRANI 10:29

Huhuku na bela na seli, nanaketuk neu hataholi fo ana heheta-aa'i Manetualain Anan na. Hu ka nde hataholi ndia nakadadaek Manetualain hehelu-balataa daa na, fo nde Kristus mamate na, fo mana tao balisin neme sala-singon mai. Ndia boeo nakamumulu-nakamamaek Manetualain Dula Dalen fo mana fe do'o do ampon matua ina nanseli a.

NINITAK 14:20

Ala ka'bi angol boak sila la nai kota deak, de daa ka faa neme mamana kaka'bi angol ndia mai a, sama leo lee a faa, dodoo na kilo natun telu, ma dedema na hihii nae metel dua.