YESKIAL 16:43 - Susula Malalaok Hehelu Palak Ma Hehelu Beuk

⁴³ Au huku o nanahu, o ta mafandele, tao leo beek de, Au puli-amo'do o, nai lelek o bei muli-solum-ma. O taom-ma Au amanasa nenik, o tatao-nono'i mangalaum sila-la. Tao le'e de, o bei popo-tama seluk o ha'da-tataom nanamaluak sila-la, nenik sosoa-piaok-ka bai? Au, Manetualain Fo Mademaina, nde manakokolak-ka.”

YESKIAL 16:43 ပူးပေါင်းရင်းမြစ်များ

MAZMUR 106:13

Tehu no lai-laik, ala lafandele heni Manetualain tatao-nono'in, de ala tao no, ta loke nanoli-nafa'dan fa.

MAZMUR 78:40

Ala lalena langa-lasa'ba soo neun, la'i de'u bee, ma ala tao lakahehe'dik dalen-na, neme moo solokaek-ka.

MAZMUR 78:42

Ala ta lafandele neu koasan-na fa, ma neu faik fo, Ana soi-po'is leme musu noon-nala mai,

MAZMUR 95:10

Au pela-maluas, teuk haahulu dalen-na, Au afa'da ae, Tete'ek-ka, leoina ndia, ta lilineka fa! Ala ta taoafik neu Au paletang-ngala fa.

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.

YEREMIA 2:32

Ade hapu anafe'oanak-ka nafandele heni lilo-henun, do manaka'bing inak-ka nafandele heni ba'du ka'bin-na do? Tehu emi mafandele heni Au, doon-na seli so – neme lelek fo, ta hapu leke-nala fan.

YESKIAL 11:21

Tehu hataholi fo, ana nau sene-do'ok neu sosongo-tatangok fo, ta kandaak ma nanamaluak-ka, neukose Au hukus, nanahu sila ha'da-tatao mangalaun ndia.” Manetualain Fo Mademaina, Ana kokolak nae leondia.

YESKIAL 16:22

Nai o maso'dam da'di leo manasosoa-piaok, fo nanamaluak ndia dalek, o mafandele heni tepo-lelek o bei ana-ma, lelek o makahola-la, ma o mafoki meme o daam manalifum dale.”

YESKIAL 16:58

O muse doi-doso, fo da'di leo babalak esa neme o tatao-nono'i manggenggeok, ma nanamaluak ndia mai. Au, fo Manetualain, nde manakokolak-ka.”

YESKIAL 17:19

No Au, Manetualain fo maso'dak-ka na'den-na, Manetualain Fo Mademaina, neukose Au huku mane Yehuda, nanahu ana la'olena hehelu-balataan no manek Babel-la so, te se'kona ana soo nenik Au na'deng-nga, soaneu ana tao natetun.

YESKIAL 22:31

Hu ndia de besak ia, Au amanasas, de neukose Au tao amate-amopos nenik ha'i, nanahu sila tatao-nono'in lala'en-na. Au Manetualain Fo Mademaina, nde manakokolak-ka.”

YESKIAL 6:9

nai naa, ala laso'da nai mamana tu'u-tapak dalek. Boema, neukose ala lafandele neu Au, boema ala bubuluk, lae Au huku sila, ma Au akamumulu-akamamaek sila, nana sila dalen-nala, ta lilineka loo Au fa. Ala la'oela Au, de ala hele sosongo-tatangok-ka nggati Au so. Boema, neukose ala malua seluk aoinan-nala, nanahu basa tatao-nono'i mangalaun lala'en-na, ma tatao-nono'i ta kandaan-nala fa.

YESKIAL 9:10

Neukose, Au ta sue-lai fas. Hata fo sila taon neu hataholi fe'ek-kala, neukose, Au taon neu sila boe.”

DANIAL 9:13

Susa-soe fo nanasulak nai Musa susula hoholo-lalanen lala'en-na dalek, O mapalunis neu ami so. Tehu leomae leondiak boe, ou Manetualain fo ami Manetualaim, ami ta nau sipok-kana fo tao mamahoko O dalem-ma fa. Ami ta nau la'oela ami sala-singom makandondook fa, boeo ami ta nau taoafik neu O nanolim-mala fa.

DANIAL 9:14

O, ou Manetualain, fo ami Manetualaim, O huku basa ami nenik sua-soe fo O sadia basan so; O nakeketum-ma la'en tataas esa, ndoos ma matetuk, tehu ami ta nau mamanene O halam-ma fa.

AMOS 2:13

Besak ia, neukose Au ne'e emi losa dae lain, nalosa emi nggiso-nggasi sama leo kaleta fo henuk no gandum-ma.

HATAHOLI 7:51

Tolanoo kala langa batu manseli, ma tea na seli soaneu emi tunga Manetualain! Emi di'idoo mala pake nanseli neu Manetualain dede'a-kokolan! Emi mo emi bei ba'ikai mala matak esa! Emi la'ban Manetualain Dula Dale na tataas esa!

EFESUS 4:30

Boso tao makahehe'dik Manetualain Dula Dale na. Nana Manetualain tao ta'du-tana neu emi ninik Dula Dale ka, de emi da'di Manetualain nuun so. Dula dalek ndia boeo, nalupa bua pepe'dak esa nae, losa Fai Soi-tefa ka te, neukose ana mai neu emi.

ULANGAN 32:21

Ala tao-la au ta ahiik hata fo, Manetualain ta nde ndia fa, ma Au amanasa sila dodoki-dudula sosongo-tatangon. Boema Au tao-a, Au anang-ngala ta lahiik hataholi fo, leoina ta ndia fa, ma Au amanasa leoina nggoak-ka.