YESKIAL 16:41 - Susula Malalaok Hehelu Palak Ma Hehelu Beuk

⁴¹ Neukose, ala hotuheni o umam-mala, ma ladenu basa inak-kala, mete o huhukum-ma. Neukose, Au tao ate'e o sosoa-piaom, nenik enok ndia. Neukose, o ta baba'e fe o tou susue-lalaim-mala, bua palsen so'on.

YESKIAL 16:41 ပူးပေါင်းရင်းမြစ်များ

2RAJA-RAJA 25:9

Nebuzaradan hotu heni Manetualain Uman-na, manek-ka, uma manen-na, ma basa hataholi nananita-nalelak manai Yerusalem-mala, uman-nala.

AYUB 34:26

Ana fapak sila hu ka nde sala-singon-nala, Ana huku sila nai lea matan.

YESAYA 2:18

Neukose mopo makandondook sosongo-tatangok-kala.

YESAYA 27:9

Tehu, Israel sala-singon-nala, ka'da hapu do'o do ampon neun, mete ala loli lakalulutuk lamatua daebafak-kala, sama leo ha'o-a. Basa boomenik, ma lamatua daebafa Inak Asyera dulan-na, muse nanatao nakalulutuk boe.

YEREMIA 39:8

Ndi te hataholi Babel-lala hotuheni manek-ka uma manen, ma laun-nala uman, ma ala tao latu'u Yerusalem papala nanadaman-nala.

YEREMIA 52:13

Nebuzaradan de'de heni Manetualain Uman-na, uma manek-ka, ma basa hataholi nananita-nalelak nai Yerusalem uman-na.

YESKIAL 11:9

Neukose, Au o emi kalua meme kota ia dalek mai, fo Au fe emi leo hataholi nusa dea-la neu. Au ta aketu huhuku mamates neu emi fa.

YESKIAL 16:33

Ina manasosoa-piaok esa, muse ana hapu sese'ba-babaek, tehu nasafalin-na, o nde fe o tou susue-lalaim-mala, bua palsen, nakalenak bai, o fufu'dis menik doik, fo ela ala mai leme basa mamanak lala'en-na mai, fo ala sungu loo o.

YESKIAL 23:10

Ala o'du lakaholak-kana no nakasetik, boema ala taolisan nenik tafaina, de ala loso-la anan-nala. Inak-kala kokolak na'den-na, nai basa mamanak lala'en-na.

YESKIAL 23:27

Neukose, Au tao ate'e o nasa sasao-anam manafo'am-ma, ma basa sosoa-piaok lalaen fo, o taon nai lelek o bei meme Masir-ra. Neukose o ta mamahena neu sosongo-tatangok matak leo beek-ka, do mafandele Masir so'on.”

YESKIAL 23:48

Neukose, Au tao amopo basa tatao-nono'i mangalauk leondiak-ka, nai basa nusak-ka lala'en-na. Au tataong ndia, neukose ana da'di nasanene'dak ba'eneu inak lala'en-na, fo ela ala boso hohonge, sama leo hataholi ka'a-fa'di ka duak sila-la.

YESKIAL 37:23

Neukose, ala ta tao langgenggeo seluk aoinan-nala, nenik ala tao sala-singok, ma sene-do'ok neu sosongo-tatangok fo, nanamaluak ndia so'on. Neukose, Au soi-po'is leme mamanak fo ala tao sala-singok-ka mai, nalosa ala mulai lalelesi Au. Neukose Au tao alalaos, fo ala da'di Au anang, ma Au da'di sila Manetualain.

YESKIAL 5:15

Metema, Au amanasa o, ma Au huku o soona, basa leoina manai o boboa-kaisum-ma, lame'da bibii-namata'uk nanseli. Neukose, ala hakinonoli o, ma ala pela-malua mete o.

YESKIAL 5:8

Hu ndia de, Au, Manetualain Fo Mademaina, afa'da ae o musum-ma nde been-na, nde Au. Neukose, Au huku o nai leoina fe'ek-kala matan.

MIKHA 3:12

Hu kande emi tatao-nono'i mangalaum ndia, de neukose lakauuk Sion sama leo hadeoe, neukose Yerusalem da'di ai-batu madodouk, ma pupukuk fo Manetualain Uman-na, neukose ana da'di nula na'u-aiana.

ZAKHARIA 13:2

Nai faik ndia, neukose Au lose heni sosongo-tatangok-kala na'den-na, neme dae ia mai, nalosa ta hapu hataholi esa boen, bei nafandelen bai. Neukose, Au usi heni basa hataholi fo ana manaku aoinan-na nabi, sama-sama loo sila fo duladale mangalauk-ka koasan-nalas.

ULANGAN 13:11

Boema, basa leoina Israel-la lala'en-na, neukose lamanene la'eneu kanisak ndia, fo ala bii-lamata'u, nalosa hataholi esa boen, ta napalani tao tatao-nono'i mangalauk ndia so'on.

ULANGAN 13:16

Muse tao nakabubua laun manai kota ndia, hata-heton lala'en-na, fo madodous leu dae loak dale, soona muse hotuheni kota ndia, no basa hata-heton lala'en-na, fo da'di neu tutunu-hohotuk ba'eneu emi Manetualaim-ma. Basa ndia soona, la'oela basa hata-heto nanahotu henik sila-la, muse la'oelas leme ndia, fo ala da'di ai batu manatapasasalak, boema, ta bole mafofo'a falik kota ndia so'on.

ULANGAN 22:21

soona muse no inak ndia, leo ina-aman lelesun-na neu. Fo basa touk manai kota ndia, ala tapan nenik batu, losa maten nai mamanak ndia. Inak ndia, ana tao tatao-nono'ik esa, neni mamaek fe ita leoinan, nanahu lelek bei nai ina-aman uman, fo ana beita saoana fa, te ana sungu hai no touk so. No huhukuk ndia de, emi tao mamopo tatao-nono'i mangalauk ndia.

ULANGAN 22:24

Nai dede'ak ndia dalek, ala muse loo duas, leo kota deak neu, fo ala tapas nenik batu, losa mates. Muse taonisa anafe'oanak ndia, nanahu ana ta nggasi, fo noke tutulu-fafalik fa, te se'kona, manada'dik ndia, ana da'di nai kota dale, de ana nggasi soona, hataholi-la lamanene. Ma muse taonisa touk ndia, nanahu ana sungu no anafe'oanak fo, hataholi fe'ek adu-natane basan so. No hataholi ka duak sila-la mamaten ndia de, emi tao mamopo tatao-nono'i mangalauk ndia.

1 TIMOTIUS 5:20

Hataholi mana tao sala-singo ka, muse kena-ka'in nai basa salani kala matan, fo ela salani fe'e kala, ala bii.