YESKIAL 16:38 - Susula Malalaok Hehelu Palak Ma Hehelu Beuk

³⁸ Neukose Au huku o, nanahu hohonge-a, ma o tao kanisak sila-la. Neukose Au hukuisa o, nai Au nasa-melung-nga dalek.

YESKIAL 16:38 ပူးပေါင်းရင်းမြစ်များ

KEJADIAN 38:11

Basa boema Yehuda nafa'da Tamar fo manafeun ndia nae, “Fali mu'u ma leo o ina-amam uman muu, fo leo meme ndia da'dileo inafalu losa au anang Syela namatua.” Ana nafa'da nae leondia nanahu ana bii boso nalosak neukose Manetualain taonisa Syela boe, sama leo ka'an duas. Boema Tamar fali ne'un leo ina-aman uman neu.

KEJADIAN 38:24

Fafa'kama basa bulak telu boema, Yehuda hapu halak lae Tamar fo manafeu na da'di manasosoa-piaok ma nailu so. Boema Yehuda fe paletan-na, “Meu malan fo hotumisan!”

KEJADIAN 9:6

Hataholi daebafak-ka, nananakadada'dik sama leo Au; hu ndia de, ba'eneu see, fo ana taonisa hataholi soona, neukose hataholi taonisa hataholi ndia boe.

KELUARAN 21:12

“See fepa hataholi fe'ek losa maten soona, muse hukunisan.

YEREMIA 18:21

Tehu besak ia, Manetualain, nemen-na fo sila anan-nala mates no la'as-sa, do mates nai natee-natatik-ka dalek. Nemen-na fo sila inan-nala mopo saotoun-nala ma anan-nala; nemen-na fo to-mane-la mates nanahu he'di-laus neninin-na ma hataholi muli soluk-kala mates nai natee-natatik-ka dalek.

YESKIAL 16:40

Neukose, ladenu hataholi makadotok tapa o, nenik batu, ma ala kekee o aopaam-ma nenik tafaina.

YESKIAL 23:24

Neukose loo solda'du makadotok, kaleta musu-la, ma kaleta manafua tua-lepa-la, fo ala sapu-la o neme kii mai. Ala pake babaa fanak, ma ti'ilanga bai, fo lakahapi-la o. Neukose, Au po'ilotak-kasa laketu-lala'di o, tunga sila hoholo-lalanen.

YESKIAL 23:25

Hu kande Au amanasa o, de Au po'ilotak-kasa, ala tao o no ta pake dale susue-lalaik fa. Neukose, ala kee heni o panam-ma, ma o di'idoom-ma, boema ala ho'u-la o anam-mala fo ala tu'us leo ha'i lai neu, fo ha'i-a hotu nisas.

YESKIAL 35:6

Hu ndia de, no Au Manetualain fo maso'dak-ka, na'den-na, mamates-sa nde been-na, o ua-nalem nde ndia, de neukose o ta mala mamates-sa deak fa. Emi masala so, nana emi tao tatao-nono'ikanisak, hu ndia de, kanisak-ka boeo, neukose ana usi nahele emi.

YESKIAL 36:18

Au amanasas, nanahu ala tao tatao-nono'ikanisak makadotok nai nusak ndia, ma ala tao langgenggeon nenik sila sosongo-tatangon-nala.

IMAMAT 20:10

Metema, hataholi Israel esa, ana hohonge no hataholi fo bei sila leoina esa saoinan-na soona, muse hukunisan no inak ndia.

NAHUM 1:2

Manetualain ta nau hataholi nakasusu'dik no fan, hataholi manala'ban-nana, tao leo bee-o ana hapu huhukuk No nasa-meluk nanseli, Ana balas nape'da dalen-na neus.

ZEFANYA 1:17

Manetualain nafa'da nae, “Neukose, Au fe susa-soe ba'uk-ka, leo hataholi daebafak-ka neu, nalosa lafangganggao, sama leo hataholi pokek-ka. Lasala-lasingo neu Au so, de besak ia, neukose daan-nala faa sama leo oe-a, ma popolan-nala laboo lai dae lain.”

BILANGAN 35:16

Tehu metema, hataholi esa, ana pake tafa-sisilo, do batu, do ai, fo ana taonisa hataholi soona, hataholi ndia nde been-na, hataholi kanisak; nasala so, de muse huku nisan.

BILANGAN 35:21

do ana tutun boema maten soona, hataholi ndia nde been-na hataholi kanisak; ana nasala, de muse huku nisan. Hataholi fo nanatao nisak ndia, tolano ka'a-fa'din, bole taolisa hataholi kanisak ndia. Metema, latongo loon soona, ala bole taolisan.

BILANGAN 35:31

Hataholi kanisak esa, muse nanahuku nisak. Ana ta bole soi huhukuk dia, nenik doik fa.

NINITAK 16:6

Hataholi daebafak mangalau kala taolisa Manetualain hataholi kamahehele nala ma nabi nala so. Besak ia O fes linu daak. Memak ndia nandaa soaneus!”