YESKIAL 16:30 - Susula Malalaok Hehelu Palak Ma Hehelu Beuk

³⁰ Manetualain Fo Mademaina, nafa'da nae, “O tao basa sila-la, sama leo manasosoa-piaok fo, bibii-mamaen ta.

YESKIAL 16:30 ပူးပေါင်းရင်းမြစ်များ

MAZMUR 78:37

Ala ta lilineka neu fan, ma ala ta ho'u lahele, hehelu-balataan fa.

AMSAL 7:21

Leondiak Inak ndia fufu'di touanak-ka nenik fufu'di-oo'dok fo mangana'u, de nalosa dalen-na tu'da.

AMSAL 9:13

Nggoak-ka nde been-na sama leo inak ba'u bafa fo dudu'a aafin taa, ma ana ta bubuluk bibii-mamaek-ka fa.

YESAYA 1:3

Sapi nalelak lamatuan-na, keledei nalelak mamana nana'an fo lamatuan-na sadiak-ka. Tehu Au anang Israel, ta; ta lalelak-kana fa.”

YESAYA 3:9

Sila heo-hilun fo manakoao-ndaeaon-na, natu'du sila tatao-nono'i mangalaun-na. Sila tao sala-singok no le'do-le'dok, sama leo makahulun-na hataholi Sodom-mala. Soe ba'eneu sila! Sila leni soe fe sila aoinan-nala.

YEREMIA 3:1

Manetualain nafa'da nae, “Metema touk esa elaheni saoinan-na, boema tou fe'ek saon-na inak ndia, soona touk fo inak ndia sao elan-na, ta bole ho'i falik-kana, da'di leo saoinan fa, nana dede'ak ndia, neukose tao nalutu nusak ia. O fo Israel, o manuu susue tou-ta'ek ma ina anafe'ok makadotok nanseli so, hapu nai bee, besak ia, o nau fali ma'im-ma leo Au mai!

YEREMIA 3:3

Hu ndia de, oe ta mai neme lalai mai, ma nai fai sele-nggalik-ka, u'dan-na ta mai fa. O hihii mae, sama leo ina mana sosoa-piaok-ka, ma bibii-mamae tak.

YEREMIA 4:22

Manetualain nafa'da nae, “Au anang sila-la, dudu'a-aafi taak-ka, ala ta lalelak Au fa. Sila sama leo ni'iana nggoa-panganaa mesan dudu'a-aafi manadain ta faaanak boen; malelainan-nai mangalauk-ka dalek, manada'di tak, nai tatao-nono'i malole dalek.”

YESKIAL 16:29

Boema, o da'di manasosoa-piaok neu hataholi Babel fo, hataholi manadangan sila. Tehu sila boeo, ala beita tao lamahoko o dalem-ma boen.”

HOSEA 9:1

Hai leoina Israel-la lemin, boso boe tao seluk emi fai malolem-mala, sama leo leoina fe'ek-kala bai. Emi la'oela emi Manetualaim-ma so, ma emi ta lilineka neu fan. Nai popo'de gandum-mala esa-esak, emi mase'o emi aoinam-ma da'di leo manasosoa-piaok, ba'eneu lamatua daebafak Baal-la, ma emi mamahoko sipo gandum fo emi mafa'da mae, lamatua daebafak ndia, ana fe emi ngga'dim-ma nde ndia!