YESKIAL 16:18 - Susula Malalaok Hehelu Palak Ma Hehelu Beuk

¹⁸ O ho'i-ma, Au fe o bua papake madulak-kala, fo o pakes neu dodoki-dudulak sila. O sipo-ma, Au fe o mina setun ma boomenik-ka boema, o tunu-hotu fen neu dodoki-dudulak sila.

YESKIAL 16:18 ပူးပေါင်းရင်းမြစ်များ

YEREMIA 1:16

Neukose Au huku Au anang-ngala, nanahu lasala-lasingo, ma lasadea Au. Ala fe basa tutunu-hohotuk neu lamatua daebafa fe'ek-kala, ma ala dokik dodoki-dudulak, fo ala sene-do'ok neun.

YESKIAL 14:14

Leomae Noh, Danel ma Ayub, ala leo leme mamanak ndia, tehu sila telu tatao-nono'i malolen-na, hapu soi-tefa-na ka'da sila telu samanen-na mesak-kana. Au, Manetualain Fo Mademaina, nde manakokolak-ka.

YESKIAL 16:10

Basa boema, Au fe o pake ba'du madulak, ta'bueis kapa louk, temak fefeo langak abalutu, ma ba'du manalu abalutu.

YESKIAL 16:17

O ho'i-ma, Au fe o lilopilas, lilofulak-kala, de o tao dodoki-dudula touk, fo o tao tatao-nono'i mangalauk moo dodoki-dudulak sila.

YESKIAL 16:19

Au fe o nana'ak neme ha'desopo malole, fanioe ma mina setun fo isi ndoos. Tehu, o tunu-hotu fe basa sila-la, neu sosongo-tatangok sila-la, fo ta matetu-mandaa dalen-nala. Au, Manetualain Fo Mademaina, nde manakokolak-ka.

YESKIAL 23:41

Beoma langatuuk leu pepe'u manahiik lain. Nai matan-nala, hapu mei esa, henuk no nana'a-nininuk, boema Au fes boomenik ma mina setun-na, lai mei ndia lain boe.

YESKIAL 27:16

Basa manadangan fo maleme nusa Siria mai, ala asa bua dangam-mala, ma o bua-lo'a makadotom sila-la. Ala bae lenik batu poemata fo dulan-na momo'dok, tema pila balanggeok, tema nanaseu-sook nenik bunga, tema abalutu, batu poemata koral, ma batu pilas dalima.

HOSEA 2:7

Neukose, ana usi tou susuen-nala, tehu ana ta dai fas. Neukose ana sangas, tehu ana ta hapu fas. Boema neukose nafa'da nae, ‘Neukose au fali u'ung-nga leo au saotou makasososang-nga u, nanahu au ha'da-tatao makahulung-nga, malole lena neme besak ia mai.’

ULANGAN 32:38

Sila la'a paa mina fo, emi tunu-hotuk-ka ma linu angol fo, emi tunu-hotuk-ka. Maloos fo, ala mai tulu-fali emi, nemen-na fo, ala da'di emi manasulu-mahapam.