YESKIAL 16:15 - Susula Malalaok Hehelu Palak Ma Hehelu Beuk

¹⁵ Tehu o pake sala, o mata makeem-ma, boema o na'de kaboomenim-ma. Su'di touk see la'ok tunga ndia soona, o sungu moon.

YESKIAL 16:15 ပူးပေါင်းရင်းမြစ်များ

1RAJA-RAJA 11:5

Salomo sene-do'ok neu Astoret, fo leoina Sidon lamatua daebafa inan-na, ma lamatua daebafa Molokh fo nanamaluak fo leoina Amon-na sene-do'ok-ka.

1RAJA-RAJA 12:28

Ana tai dodoo basa dede'ak ndia boema, ana tao na sapi lilopilas nanadoki-dulak dua, boema nafa'da laun-na nae, “Leoina Israel-la lemin! Dook-ka nanseli so, emi meu leo Yerusalem meu fo hule-haladoi. Mulai neme besak ia mai buas ia-la nde da'di emi lamatuam fo no emi kalua meme Masir mai!”

2RAJA-RAJA 17:7

Samaria tu'da, nanahu hataholi Israel-la, lasala-lasingo neu sila Manetualain, fo manasoi-tefa-nalas leme mane Masir-ra mai, de nos kalua leme nusak ndia mai. Ala sene-do'ok neu lamatua daebafak fe'ek-kala,

2RAJA-RAJA 21:3

Aman Hizkia, tao nakalulutuk lamatua daebafak-ka mamana sosongo-tatangon-nala, ana nafofo'a falik-kasa. Ana tao mei tunu-hotuk, fo ana sene-do'ok neu Baal, ma ana tao Lamatua Daebafak Inak Asyera, dodoki-dudulan, sama leo Ahab, fo manek Israel-la tao-ka. Manasye sene-do'ok neu nduuk-kala boe.

MAZMUR 106:35

Nakalenak, ala leo-lapalasa loo leoina sila-la ma ala na'da hataholi fo, ta lalelak Manetualain ndia, so'dan-nala eno-dalan.

YESAYA 1:21

Kota fo makahulun-na ana lilineka, besak ia sama leo ina manasosoa-piaok-ka! Makahulun-na laun-nala ndoos ma matetuk, ma ta lasapepeko-lasandandali fa, tehu besak ia, kanisak-kala leo lai dalek.

YESAYA 48:1

Mamanene leon, hai Yakob tititi-nonosin, Yehuda tititi-nonosin fo, manapake Israel na'den-na, o mafa'da mae, o manaku Israel Manetualain-na, ma o soo menik Manetualain na'den-na. Tehu, o hala-kokolam sila-la, ta neme o dale ndoom-ma mai fa.

YESAYA 57:8

Emi pasak emi dodoki-dudula manggenggeom-ma neu emi umam-ma lelesun-na, bafan-na. Emi la'oela Au so. Emi o'duheni, emi bua papakem-ma, de kae leo pepe'uk fo, emi tao mamaloan nenik emi hataholi susue-lalai tou-ta'em ma ina-anafe'om, de emi se'ban, fo ana sungu no emi, soaneu emi tao matetu emi dale hihiim-ma.

YEREMIA 2:20

Manetualain nafa'da nae, “Dook-ka so, o ta nau da'di ata neu Au fa; o ta nau tunga, do sene-do'ok neu au fa. Nai pupuku mademaina-la esa-esak lain, ma nai aihuuina-la esa-esak huun-na, o sene-do'ok neu lamatua daebafak, fo manafe dae-a nalole.

YEREMIA 3:1

Manetualain nafa'da nae, “Metema touk esa elaheni saoinan-na, boema tou fe'ek saon-na inak ndia, soona touk fo inak ndia sao elan-na, ta bole ho'i falik-kana, da'di leo saoinan fa, nana dede'ak ndia, neukose tao nalutu nusak ia. O fo Israel, o manuu susue tou-ta'ek ma ina anafe'ok makadotok nanseli so, hapu nai bee, besak ia, o nau fali ma'im-ma leo Au mai!

YEREMIA 7:4

Boso mamahele manake'di-ndiuk fo lafa'da lae, ‘Ita nee-nee lino-linok, Manetualain Uman ia. Tete'ek-ka, Manetualain Uman ia!’

YESKIAL 16:16

O ho'i-ma, o bua papakem nggelok fo, o balias neu o mamana sosongo-tatangom-mala. O da'di ina manasosoa-piaok, ma o mase'o o aopaam-ma, neu touk lala'en-na.

YESKIAL 16:25

O tao manggenggeo, o mata makeem-ma. O mase'o o aopaam-ma, neu su'di touk see fo ana la'ok tunga ndia, ma o hohonge makandondoo henin.

YESKIAL 20:8

Tehu, ala la'ban Au, ma ala ta nau lamanene Au fa. Ala ta nau tu'u-tapaheni dodoki-dudulak fo, nanamaluak sila-la fa, ma ala ta nau hahae sene-do'ok neu, sosongo-tatangok Masir sila-la boen. Nai lelek ala bei leme naa, Au sadia basa, fo sanga amanasas so.

YESKIAL 23:3

Nai lelek bei muli-solun-nala, ala leo leme Masir. Mopo na'de anafe'oanan-nala neme Masir, de ala da'di ina manasosoa-piaok.

YESKIAL 23:8

Ana sosoa-piao nakandoo, sama leo makahulun-na, ana sosoa-piao neme Masir, nai lelek mopo na'de anafe'oanan-na. Nai lelek bei anan-na, hataholi sungu non so, de ala taon da'di leo ina manasosoa-piaok.

YESKIAL 33:13

Bole da'di, Au aheluk basa, Au sanga fe hataholi malole-a naso'da, tehu metema ana mulai tao sala-singok, nana namahena neukose ana hapu so'dak, nanahu makahulun-na, ana tao tatao-nono'i malole soona, ana dudu'a sala ndia. Au ta afandele ndia tatao-nono'i malole makahulun sila-la fa, de neukose maten, nanahu sala-singon-nala

HOSEA 1:2

Lelek Manetualain, Ana kokolak makasososan-na no leoina Israel-la tunga au, Manetualain nafa'da nae, “Hosea, sao-ma ina manasosoa-piaok esa, fo neukose o anam-mala, ala da'di sama leo ndia boe. Au anang-ngala sama leo o saoinam ndia, nanahu ala ta lilineka neu Au fa, ma ala la'oela Au so.”

HOSEA 4:10

Neukose, emi mi'a neme tutunu-hohotuk fo nanatunu-hotuk-ka mai, tehu neukose emi mamala'a mahele. Neukose emi sene-do'ok neu lamatua daebafak, fo ala lamaheles fe bubu'u-palusa lalole, tehu emi laum-ma ta namade'u fa, nana emi la'oela Au so, de emi meu sene-do'ok neu lamatua daebafak fe'ek-kala.”

HOSEA 4:18

Linu basa angol bauk-ka, fo ala mafuk soona, ala sosoa-piao no dale namahokok. Ala nau hataholi nakadadaek-kasa, neme fes ha'da-holomata.

HOSEA 9:1

Hai leoina Israel-la lemin, boso boe tao seluk emi fai malolem-mala, sama leo leoina fe'ek-kala bai. Emi la'oela emi Manetualaim-ma so, ma emi ta lilineka neu fan. Nai popo'de gandum-mala esa-esak, emi mase'o emi aoinam-ma da'di leo manasosoa-piaok, ba'eneu lamatua daebafak Baal-la, ma emi mamahoko sipo gandum fo emi mafa'da mae, lamatua daebafak ndia, ana fe emi ngga'dim-ma nde ndia!

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

ZEFANYA 3:11

Nai lelek ndia, hai anang-ngala lemin, emi ta paluu mame'da mamaek so'on, nanahu emi lena-la'ban basa Au so. Neukose, Au usi heni basa hataholi manakoao-ndaeaok-ka ma hataholi fo namatutua-nadedema aon-na, soona neukose, emi ta lena-la'ban seluk Au, nai Au pupuku malalao-malalafung lain so'on.

MATEOS 3:9

Boso maedaenga emi ba'im nde Abraham de, emi ta hapu Manetualain huhuku na fa! Mafandendelek te, Manetualain hapu tao Abraham tititi-nonosin neme batu ia la mai boe!

ULANGAN 32:15

Manetualain anan-nala da'di kamasu'i-makabetek, tehu ala hii lena-la'ban paleta laao bebonu, ma lakabete nana'ak. Boema ala la'oela Manetualain fo Manamakadada'dik sila ma ala ta sipok Manasoi-manatefa palani tatibatu-na fa.

NINITAK 17:5

Nai dedei na, nanasulak na'dek esa fo nanuu sosoa-ndandaa nanabibila-babaak. Na'dek ndia nde “Babel Fo Matuaina, basa manasosoa-piaok lala'ena ma hataholi mangalauk manai daebafa ka inan nde inak ndia.”

HAKIM-HAKIM 10:6

Hataholi Israel-la, lasala-lasingo seluk neu Manetualain. Ala ta taoafik neu Manetualain fa, ma ala ta sene-do'ok-kana so'on. Ala sene-do'ok neu lamatua daebafak Baal ma Asytoret, boema leoina Siria, Sidon, Moab, Amon ma Filistin lamatua daebafan-nala.

HAKIM-HAKIM 3:6

Hataholi Israel-la, saoana sese'do-babalik loo leoina sila-la, ma ala tunga sene-do'ok hataholi sila lamatua daebafan-nala.