YESKIAL 16:11 - Susula Malalaok Hehelu Palak Ma Hehelu Beuk

¹¹ Au balias o nenik poemata, lilo-henu ma suek.

YESKIAL 16:11 ပူးပေါင်းရင်းမြစ်များ

KEJADIAN 24:22

Basa onta-la linu lakabete boema, Abraham atan-na ho'i-na ndeli lilopilas esa, de ana taon neu anafe'oanak ndia panan-na. Ma ana tao sue lilopilas dua neu lima lesun-na.

KEJADIAN 24:47

Basa ndia boema, au atanen ae, ‘O amam nde see?’ Boema, nataa nae, ‘Au amang nde Betuel, fo Nahor no Milka anan-na.’ Boema au tao ndeli lilopilas neu panan-na, ma suek pasan esa neu lima lesun-na.

KEJADIAN 24:53

Boema, ana kalua bua papakek, lilo-henu, lilofulak, lilopilas, de ana fe basa sila-la leo Ribka neu. Ana fe ka'an ma inan, bua palsen kabeliina-la.

KEJADIAN 35:4

Boema ala fe basa dodoki-dudula lamatua daebafak nusa dea fo ala ho'uk-kala leo Yakob neu, ma sila lolo'en manai di'idoon-nala boe. Yakob natoi basa bua-lo'as sila-la nai ai manituk huun-na nai deka no Sikhem.

ESTER 2:17

Ester nandaa no manek-ka dalen-na, ma ana tao namahoko manek-ka lena neme anafe'o ana fe'ek-kala mai. Hu ndia de, manek-ka nahiik-kana nanseli. Boema manek-ka tao bulamoli nusak-ka neu Ester langan-na, de ana taon da'di ina manek, nggati Ina manek Wasti a.

AYUB 42:11

Basa Ayub ka'an-nala, ma feton-na, boema basa hataholi nalela palaan-nala, ala mai donge-daman, boema ala feta sama-sama lon, nai uman. Lafa'da lae sila boeo, tunga susa neu basa susa-soe lala'en fo, Manetualain fen neu Ayub, boema ala fen kokoe-nanasik. Sila esan-na, fe Ayub doik, ma ndeli lilopilas beke esak.

KELUARAN 32:2

Boema Harun nafa'das nae, “Lui-ma emi sao anam lolo'e lilopilan-nala fo menis leo au mai.”

KELUARAN 35:22

Su'di see fo anan nau, nau touk do inak boe, ana mai fo neni faneti balias, lolo'ek, ndeli, henu, ma basa balias lilopilas mata-matak lala'en-na fo tunu-hotun soaneu Manetualain.

AMSAL 1:9

nana nanoli-nafa'dan-nala, popo-tama o dale malolem-ma, sama leo bulamolik-ka nai o langam-ma, ma henu-a tao nalole-nanapu o mata-panam.

AMSAL 25:12

Hataholi dodole maneu-a, kekena-kaka'in neu hataholi fo ana nau namanene, sama leo ndeli lilopilas, do bua-lo'a lilopilas-sa.

AMSAL 4:9

Neukose ana fe o, bunga nanabalias manahiik, fo ana da'di o ti'ilanga manem-ma.

KIDUNG AGUNG 1:10

O nasebu'um-ma mana'ahiik nai lilo-henu tala'da, o botoliim-ma mana'ahiik no henu poemata.

KIDUNG AGUNG 4:9

O tao matu'da au daleng-nga fa'ding-ngo, au saoinang-ngo, o tao matu'da au daleng-nga nenik o mata mametem-ma, nenik poemata mana'ahiik manai o henum-ma.

YESAYA 28:5

Manetualain Fo Manakoasa, neukose Ana da'di bunga mana'ahiik, ba'eneu Anan fo, bei elak-kala.

YESAYA 3:19

suek manai liman-nala, tema lalaa langan-nala,

YESAYA 3:21

ndelin-nala, ma lolo'ek manai panan-nala,

RATAPAN 5:16

Ami dale namatutuam-ma taak-kana so, ami hapu soe hu kande ami masala-masingo so.

YESKIAL 16:17

O ho'i-ma, Au fe o lilopilas, lilofulak-kala, de o tao dodoki-dudula touk, fo o tao tatao-nono'i mangalauk moo dodoki-dudulak sila.

YESKIAL 23:40

Nakalenak bai, ala laloo ta'eanak-kala leme nusa dook-kala mai, de ta'eanak sila-la, ala tao latetu sila hala naloloon ndia. Soaneu sipok fui sila-la, de hataholi ka'a-fa'di ka duak sila-la, ladiu oe, ala lose badaa nggeok neu mata loun-nala, ma ala pake sila lilo-henun-nala.

YESKIAL 23:42

Lamanene hataholi makadotok lakalupu lai deak, nanahu lamahoko lanseli. Laloo hataholi sila-la, leme moo solokaek-ka mai. Hataholi sila-la, ala o'du suek neu hataholi ka'a-fa'di ka duak sila-la liman-nala, ma ala tao bulamoli mana'ahiik-kala neu langan-nala.

DANIAL 5:16

Besak-ka au amanene lae, o bisa mafa'da-malak basa bibila-babaak lala'en-na, ma o maketu-mala'di-malak dede'a mateaina-la. Metema o hapu lees-malak susula liik ia, ma mafa'da au sosoa-ndandaan soona, neukose au fe o bua papake manek fo nalupa ba'du manalu ma lilopilas da'di neu ha'da-holomata. Fe'ek neme ndia mai, neukose au so'u o da'di manakoasa ka telu nai au nusang dale.”

DANIAL 5:29

No lai-laik, Belsyazar paleta hataholi mana'a ngga'din-nala, fo ala pake Danial ba'du manalu pila balanggeok ma bokolii lilopilas neu botoliin-na. Boema ana so'u Danial da'di manapaleta ka telu nai ndia nusan dale.

DANIAL 5:7

Ana nggasi ma noke fo ela leu laloo basa dukun-nala ma hataholi malela nduuk-kala. Lelek ala mai boema, manek-ka nafa'da nae, “Ba'eneu see fo ana hapu lees-nala susula liik ndia, ma nafa'da au sosoa-ndandaan soona, neukose au fen bua papake manek sama leo ba'du manalu ma lilopilas da'dileo ta'du-tana ha'da-holomata. Fe'ek neme ndia mai, neukose au so'un da'di manakoasa ka telu nai au nusang dale.”

HOSEA 2:13

Neukose Au hukun, nanahu ana pake fai-faik-kala, soaneu tunu boomenik fe Baal, boema ana balias aoinan-na nenik lilo-henu, fo neu usi tou susuen-nala, boema nafandele heni Au makandondook. Au, Manetualain, kokolak ae leondia.”

IMAMAT 8:9

Boema, ana pa'a fefeo langak-ka neu Harun langan-na, ma ana so'dok lilopilas neu fefeo langak ndia, fo da'di ta'du-tana, nae Harun da'di Manetualain nuun so. Musa tao basa sila-la tunga Manetualain paletan-na.

BILANGAN 31:50

Hu ndia de, ami meni esa-esak ho'in-na lilopilas, sue limak, sue eik, ndeli, lolo'ek ma faneti-la leo Tuan mai. Basa sila-la, ami fes leo Manetualain neu, da'di leo ami tunu-hotum, fo ela Ana nasulu-nahapa nehele ami.”

NINITAK 2:10

Boso bii neu doidosok fo ta doo ka soo'on te emi muse la'ola'din. Mafandendelek, te neukose Nitu tao emi nggelok leo bui dale neu soaneu emi nanaso'ba-su'dik. Neukose emi doidoso faik sanahulu dale na. Ela leo bee na emi lilineka neu Au losa mate, soona neukose Au fe emi so'da matetu ka ma manaketu basa ta ka da'dileo bua palsen sesengik.

NINITAK 4:10

mauli-malanga kaduahulu hak sila la bala leu Ndia fo nangatuuk nai kandela manek ndia lain mata na, boema ala sene-do'ok neu Ndia fo naso'da losa dodoo na. Basa boema ala tapa sila bulamoli nala neu kandela manek ndia mata na ma lae,

NINITAK 4:4

Nai kandela manek ndia boboa kaisun, hapu kandela mane fe'ek duahulu. Lasi kaduahuluha kala langatuuk lai ndia, fo bua-papake nala fulak, ma ala pake bulamoli lilopilas.

HAKIM-HAKIM 8:24

Tehu basa boema, Gideon nafa'da seluk nae, “Au nonokeng ka'da esa; ela leo been-na, emi fe la'iesak lolo'ek fo emi matona-malas neme musu-a mai, leo au mai.” (Hataholi Midian-nala biasa pake lolo'e lilopilas; sama-na leo hataholi fe'e-fe'ek fo manaleo nai moo solokaek-ka boe.)