YESKIAL 15:4 - Susula Malalaok Hehelu Palak Ma Hehelu Beuk

⁴ Sosoa-ndandaan ta, te ka'da taon da'di ai ha'i. Ma metema, ha'i-a na'aheni pe'dan duas, fo tala'dan-na, ana da'di ha'ikaak soona, ade bei hapu paken do ta?

YESKIAL 15:4 ပူးပေါင်းရင်းမြစ်များ

MAZMUR 80:16

Soi-tefa-ma, O anam fo, sama leo ai angol fo, O sele matam so, ma angol pe'duk-ka, O taom-man da'di balakaik.

YESAYA 1:31

Sama leo ha'ikaa anak esa, ana hotuheni ha'deaik-ka, leondiak boe, hataholi mana koasa-la, neukose sila tatao-nono'i mangalaun-nala, nde tao lamopo-lamates-sala, de ta hapu hata esa boen, bisa tao nate'e nakalulutuk ndia fa.

YESAYA 27:11

Metema ndanan-nala lamatuu, fo la'dis soona, inak-kala ala mai ko'o lenis fo ala taos da'di ai ha'i. Leoina ndia, ta nalelak hata-hata fa, de sila Manetualain fo, mana makadada'dik-kana, neukose ta sue-lai fas.

YESKIAL 15:3

Ade, hapu pake ain-na, fo tao buas esa do? Ade, hapu taon da'di ai lolo'ek, fo lolo'e bua-lo'as neu do?

YESKIAL 15:5

Ta hapu paken fan! Nakalenak, beita pake fan te, sosoa-ndandaan ta so. Mu'da hata no, taon leo ha'i lain neu, fo ha'i-a na'ahenin bai!”

YESKIAL 15:6

Hu ndia de, Manetualain Fo Mademaina, nafa'da nae, “Sama leo ho'i angol-la ain-na neme nula dale mai, fo hotuhenin, neukose Au tao laun Yerusalem-mala, leondiak boe!

YESKIAL 19:14

Ha'i-a, ana pila nasalolo'de mai, de na'aheni, angol ndia ndanan-nala, ha'i-a, na'aheni ndanan-nala ma boan-nala. Besak ia, ndanan-nala, ta matea-la so'on; ta bisa taon da'di, aitete'e manek so'on Nakamee kikii-makaleleuk ndia nde, hataholi-la lakamee fali-fali loon.

AMOS 4:11

Au tao amopo-amate emi nggelok, sama leo Au tao amopo-amate Sodom ma Gomora. Fo bei ela emi hataholi maso'dam-mala nde been-na, sama leo ho'i-na ha'ilutek-ka neme ha'i dale mai. Leomae leondiak boe, emi ta nau fali leo Au mai boen.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

MATEOS 3:12

Ana ho'u ooko a nai liman dale, fo ana da'i-eeko gandu ma losa balisi. Nadai gandum neu kala leo sokan dale neu, tehu gandum nala kala soona, ana hotuhenis nai ha'ipila manamate ta ka dalek.”

YOHANIS 15:6

Metema see ta da'di esa nahele no Au fa soona, neukose nanatapahenik, sama leo ai ndana ka, fo namatuu. Neukose ala tao lakabubua ai ndanak leo sila kala, fo ala tapas leo ha'i dale neu, fo ala hotuhenis.

IBRANI 12:29

Nana ita Manetualain ndia, sama leo ha'i fo manahotu naputu ka.

IBRANI 6:8

Tehu metema dae ndia nabuna-naboa fii, ma na'u ai ana madila-nggauk, soona dae ndia sosoa-ndandaan ta, de mahani te, neukose Manetualain soo-supan, fo mate'e na, nanahotu henik.