YESKIAL 14:3 - Susula Malalaok Hehelu Palak Ma Hehelu Beuk

³ “Hai hataholi daebafak fo, manasapu-manalalok-konei, hataholi ia-la, lase'o basa so'dan-nala neu sosongo-tatangok so, nalosa ala tu'da leo sala-singok dale leu. Masa bole ala nau latane Au dale hihiing-nga?

YESKIAL 14:3 ပူးပေါင်းရင်းမြစ်များ

2RAJA-RAJA 3:13

Leu boema, Elisa nafa'da mane Israel-la nae, “Tao le'e de, emi moke au tulu-fali emi? Ka'da meu leo emi ina-aman, nabin-nala meu!” Boema, Yoram nataa nae, “Ta! Nana Manetualain nde manatutu'u enok, soaneu fe ami 3 neu mane Moab-pa.”

MAZMUR 101:3

neukose au ta po'ilotak tatao-nono'i mangalauk-ka fa. Au ta hii hataholi manafali deak-ka, tatao-nono'in fa, ma au ta nau sanga langa he'dik o fas.

MAZMUR 66:18

Metema au nau dudu'a-dodoo mangalauk nai au daleng dale soona, tao leo bee-o, Manetualain ta nau namanene fan.

AMSAL 15:29

Metema hataholi malole-a hule-haladoi soona, Manetualain namanene, tehu Ana ta taoafik neu hataholi malelesik-ka fa.

AMSAL 15:8

Manetualain sipok hataholi malole-a huhule-haladoin; tehu Ana ta hii hataholi mangalauk-ka tunu-hotun fa.

AMSAL 21:27

Manetualain nape'da dale nasak, hataholi malelesik-ka tunu-hotun fa, nakalenak, metema ana tunu-hotu no muu-dauk.

AMSAL 28:9

Metema, o ta tunga Manetualain hoholo-lalanenfa soona, neukose Manetualain boeo, malua o huhule-haladoim.

YESAYA 1:15

Metema, emi so'uk emi limam-ma, fo emi hule-haladoi soona, Au ta nau taoafik neu fan. Au ta paluu emi huhule-haladoim dede'un-na de'ubee fa, ma Au ta nau amanene fan, nana emi manisa la'i ba'uk-ka nenik emi limam ndia so.

YESAYA 33:15

Emi hapu makatatakak, metema emi kokolak, ma tao-no'i hata fo ndoos-sa. Boso sanga nanalak nenik lulumu-eese hataholi nuu taa-hata taak-ka, ma boso sipo doi sosolo dalek. Boso tunga mo hataholi fo, ana tutu'u kanisak, do tatao-nono'i mangalauk fe'ek.

YEREMIA 11:11

Hu ndia de, Au, fo Manetualain, fe nasanene'dak ae, neukose Au eni fe sila susa-soe de sila ta hapu laladeak fa. Metema ala lalo bebou, loke tutulu-fafalik neme Au-a mai soona, Au ta nau amanene fa.

YEREMIA 17:9

Hataholi daebafak-ka dalen-na ta hapu neuk mala fan, malelahik lena basa hata-hata lala'en-na ma he'di-laun matuina nanseli.

YEREMIA 21:2

“Moke natutu'duk neme Manetualain soaneu ita, nana Nebukadnezar fo Babel manen mo soloda'dun-nala sanga sapu ita kotan. Fafa'kama neukose Manetualain tao manada'di beuk soaneu ita, fo ana laka-nakaseti. Nebukadnezar le'a heok ndia soloda'dun-na.”

YESKIAL 11:21

Tehu hataholi fo, ana nau sene-do'ok neu sosongo-tatangok fo, ta kandaak ma nanamaluak-ka, neukose Au hukus, nanahu sila ha'da-tatao mangalaun ndia.” Manetualain Fo Mademaina, Ana kokolak nae leondia.

YESKIAL 14:2

Boema, Manetualain nafa'da au nae,

YESKIAL 14:4

Hu ndia de, mafa'da mae Au, Manetualain Fo Mademaina, helu nai leo ia, ‘Ba'eneu hataholi Israel fo, ana nase'o basa so'dan-na neu sosongo-tatangok-ka so, ma ana po'ilotak aoinan-na tu'da leo sala-singok-ka dale neu, boema ana mai noke nanoli-nafa'dak neme nabi esa mai soona, neukose Au nde ataan nenik natataak fo nandaa, ba'eneu sosongo-tatangok makadotok sila-la!

YESKIAL 14:7

Ba'eneu hataholi Israel do hataholi nusa dea fo, manaleo manai leoina Israel-la tala'da, fo dook-ka leme Au mai, ma lase'o aoinan-nala neu sosongo-tatangok, boema loke nanoli-nafa'dak neme nabi esa mai soona, nemen-na fo Au nde fe natataan-na.

YESKIAL 20:16

Au kokolak nasanene'da mahelek ndia, nanahu ala ta taoafik neu Au paletang-ngala fa, ala la'olena Au hoholo-lalaneng, ma ala tao langgenggeo fai Sabat-ta. Ala hii ka'da sene-do'ok neu sila sosongo-tatangon-nala.

YESKIAL 20:3

“Hai hataholi daebafak fo, manasapu-manalalok-konei, kokolak moo mauli-malangan sila-la, fo mafa'das mae Au, Manetualain Fo Mademaina, nafa'da nae leo ia, ‘Emi mapalani manseli, moke natutu'duk neme Au mai! No Au, Manetualain fo maso'dak-ka na'den-na, Au ta nau emi moke Au natutu'duk fa! Au, Manetualain Fo Mademaina, nde manakokolak-ka.’

YESKIAL 20:31

Nakalenak losa besak ia boe, emi tao manggenggeo emi aoinam-mala nenik, emi bei meni tutunu-hohotuk, ma emi tunu-hotu emi anam-mala, da'di leo tutunu-hohotuk neu sosongo-tatangok-kala. Boema, emi bei mapalani, moke natutu'duk neme Au mai? No Au, Manetualain fo maso'dak-ka na'den-na, neukose Au ta fe emi loak, fo moke natutu'duk neme Au mai fa.

YESKIAL 3:20

Metema hataholi malole esa, ana tao sala-singok, fo Au fen nasasalematak no soe-a, de neukose maten, te metema o beita fen nasanene'dak fa. Neukose ana mate, nanahu sala-singon, de naukose Au ta afandele tatao-nono'i malolen-nala fa. Tehu neukose Au oke natataak neme o mai, la'eneu hataholi ndia mamaten-na.

YESKIAL 33:30

Manetualain nafa'da nae, “Hai hataholi daebafak fo, manasapu-manalalok-konei, hataholi fo emi leoina esa, ala kokolak o na'dem-ma, nai lelek latongo lai mamanak manadeka no papala nanadamak-kala, do langatuuk lai uma-la lelesun-nala bafan-na. Sila esa nafa'da esa nae, ‘Ayo, mai fo teu tamanene, Manetualain nafa'da beek nai faik ia.’

YESKIAL 36:25

Basa ndia soona, neukose Au pisi oe neuk neu emi, fo ela emi malalaok neme basa emi sosongo-tatangom lala'en-na mai, ma neme basa hata lala'en fo, manatao nanggenggeo emi.

YESKIAL 44:12

Tehu, hu kande ala tao feta fo, sene-do'ok neu sosongo-tatangok, soaneu leoina Israel-la, de no enok ndia, ala loso leoina Israel-la, leo sala-singok dale leu, de Au, Manetualain Fo Mademaina soo, ae sila muse nanahukuk.

YESKIAL 6:9

nai naa, ala laso'da nai mamana tu'u-tapak dalek. Boema, neukose ala lafandele neu Au, boema ala bubuluk, lae Au huku sila, ma Au akamumulu-akamamaek sila, nana sila dalen-nala, ta lilineka loo Au fa. Ala la'oela Au, de ala hele sosongo-tatangok-ka nggati Au so. Boema, neukose ala malua seluk aoinan-nala, nanahu basa tatao-nono'i mangalaun lala'en-na, ma tatao-nono'i ta kandaan-nala fa.

YESKIAL 7:19

Neukose, ala tapaheni lilopila-lilofulan-nala leo enok lain neu, sama leo kadafuk-ka, nana nai faik fo, Manetualain kalua nasa-melun te, lilopilas-lilofulak, ta hapu soi-nala sila fa, te ka'da nenis leo sala-singok-ka dalek neu. Ala ta mete lilopilas lilofulak sila-la, fo lakabete, do ala ko'dos leo tein-nala dalek leu fa.

HOSEA 4:5

Lele'do-le'odaen, emi tao salak, leondiak boe, basa nabi la. Hu ndia de, neukose Au tao amopo-amate emi inam Israel.

ZEFANYA 1:3

basa hataholi daebafak-kala, ma bana-manu, ma manupui-la ma i'ak-kala boe. Neukose Au taoisa hataholi mangalauk-ka. Neukose Au tao amopo-amate basa hataholi daebafak-ka lala'en-na, neukose Au ta po'ilotak maso'dak esa boen, Au fo Manetualain dede'a-kokolang leondiak.

ZAKHARIA 7:13

Au ta ataa huhule-haladoin-nala fa, nanahu sila boeo ta lamanene Au, nai lelek Au kokolak fa.

LUKAS 20:8

Boema Yesus nafa'das nae, “Metema leondiak soona, Au boeo neukose ta afa'da emi, see nde fe hak neu Au soaneu tao basa ia la fa.”

EFESUS 5:5

Taoafik matalolole hataholi mana sosoa-piao ka, do matetu-mandaa ta ka, do mana tene peta ka ha'da-tatao matak leo sila kala, sama no sosongo-tatango ka, hataholi ndia, ta hapu da'di lima eik hataholi kamahehelek fo Kristus ma Manetualain paleta fan.

1 PETRUS 2:8

ma “Batu ndia, nde tao na hataholi a nakatunu, boema ala tu'u leu.” Hataholi sila lakatunu nana, ta lamahele Manetualain dede'a-kokolan fa. Manetualain naketu basa hataholi sila la, leondiak so.

NINITAK 2:14

Leomae leondiak boe, fo Au ta hiin nai emi dalek fa nde: Hapu hataholi nggelok nai emi dalek, ala tunga hata fo Bileam nanoli ka. Bileam nanoli Balak eno na tao leo beek fo tu'u hataholi Israe la leo sala-singo ka dalek leu, fo nde ninik ana fufu'di-oo'dos fo la'a nana'ak fo ala fe basan neu sosongo-tatango ka ma ala tao tatao-nono'i manasosoa-piao kala.

SEMUEL SUSULAK-KA ESAN-NA 28:6

Boema, noke natutu'duk neme Manetualain mai, tehu Manetualain ta nataa fa, nau tunga me'i-afek do tunga batu Urim ma Tumim-ma, do tunga nabi-la boe.