YESKIAL 14:19 - Susula Malalaok Hehelu Palak Ma Hehelu Beuk

¹⁹ Bole da'di, Au fe he'di-laus leo nusak ndia neu, ma Au nasa-melung lua ponu-ponu soaneus, nalosa nau hataholi do bana-manu boe, neukose mate-mopos.

YESKIAL 14:19 ပူးပေါင်းရင်းမြစ်များ

2 SEMUEL 24:13

Gad mai de nafa'dan, Manetualain paletan ndia nae, “Ama Manek helek-ka, nde beek-ka: Soe la'a-ndoes-sa tuni-ndeni-na nusak ia, nai teuk telu dalen-na, do Ama Manek nalai, hu kande musu-a usi nahele Ama Manek, nai bulak telu dalen-na, do he'di-laus la'e nusak ia, nai faik telu dalen-na? Besak ia, Ama Manek ho'i nakeketuk leona, fo beek kande, au muse anduku-alosak-kana neu Manetualain.”

2 SEMUEL 24:15

Boema, Manetualain fe he'di-laus neu hataholi Israel-la, mulai neme fafaik ndia losa faik fo Manetualain naketu basak-ka so. De mate hataholi liun hituhulu nai basa Israel-lala'en-na.

1RAJA-RAJA 8:37

Metema la'andoes do he'di-laus sa'e na nusak ia, ma ani mato'bi ka, lama-bobo'i do lamak-kala tao lalutu bubu'u-palusa nala, do metema musu a sapun-na O ana mala do he'di-laus sapun-nalas soona,

2TAWARIKH 20:9

lae metema sila hapu huhuku-dodokik nanahu sila sala-singo-nala, ma natee-natatik, he'di-laus, do la'andoes tuni-ndeni nalas soona, ala mai neu O fo lapadeik leu uma mamaso-kasasi ia matan-na. Nai sila toto'a-sosota-na dalek, sila hapu hule-haladoi neu O, ma neukose O mamanene ma O tulu-falis.

2TAWARIKH 6:28

Metema la'andoes do he'di-laus do anin mato'bik-ka tao nalutu bubu'u-palusa, he'di la'us-sa, do lama-ka, do metema musu-a sapu-na O anam-mala, do he'di-laus mai fo tuni ndeni-na nusak ia soona,

2TAWARIKH 7:13

Metema Au ta fe u'dan-na mai do Au haitua lamak-ka mai soaneu la'aheni buna-boak manai daebafak-ka do Au fe he'di-laus neu Au anang-ngala,

MAZMUR 91:3

Neukose Ana natapo'i o neme susa-soe nananafunik-ka, ma neme he'di laus fo neni mamates.

MAZMUR 91:6

neukose soe fo, ana mai nai fai makahatuk-ka, do nakalulutuk fo manatuni-ndenik-ka, nai fai le'dohanan-na.

YESAYA 34:3

Neukose popolan-nala, ta nananatoi-natonok fa, tehu ka'da nanapo'ilotak, fo ela pulus fo laboo. Letek-kala neukose pilas, nanahu sila daan-na, ana faa la'es.

YESAYA 37:36

Le'odaek ndia boe, Manetualain ata nusa so'dan-na, ana mai leo hataholi Asyur-rala ofun-na neu, de ana taonisa solda'du lifun natun esa faluhulu lima. Balahaa fafaianak te, popolan-nala lalefu-le'ak.

YEREMIA 14:12

Leomae ala oka aon-nala boeo, Au ta nau taoafik neu sila nalolou fo loke tutulu-fafalik fa; ma leomae ala fe Au tunu-hotu nanatunuk ma tunu-hotu gandum, boeo neukose Au ta amahoko neu hataholi sila-la fa. Nasafalin-na neukose Au tao amate-amopos nenik natee-natatik, la'a-ndoes ma he'di-laus.”

YEREMIA 21:6

Neukose au isa basa kota ia laun-nala; leomae hataholi daebafak do bana-manu boeo, neukose mates nanahu he'di-laus fo mabela ina.

YEREMIA 21:9

Basa hataholi fo mana leo nai kota dalek-ka neukose mates nanahu natee-natatik-ka, la'a-ndoes-sa, do he'-laus matuaina. Tehu sila fo manakaluak soaneu lata neu hataholi Babel-la fo ala bei sapu-la kota ia, soona neukose ala laladeak ma nana tao nisa tak fa.

YEREMIA 24:10

Neukose Au uni fe sila natee-natatik, la'a-ndoes, ma he'di laus matuaina, de nalosa sila basas mate, de ta hapu ela esa boen nai nusak ia, fo Au fen neu sila ma sila bei-ba'i kai manamaten-nala.”

YESKIAL 14:18

Ma leomae, na'kasa hataholi ka teluk-kala, ala leo leme ndia, tehu no Au, Manetualain fo maso'dak-ka, na'den-na, neukose ala ta hapu soi-tefa-la, su'di see boen, lena-lenak sila anan-nala boeo, ta. Ka'da sila mesak-kasa, nde laso'da.

YESKIAL 14:20

Ma leomae Noh, Danial ma Ayub, ala leo leme ndia, tehu no Au, Manetualain fo maso'dak-ka, na'den-na, neukose ala ta hapu soi-tefa-la, su'di see boen, nakalenak sila anan-nala boeo, ta. Ka'da sila mesak-kasa, nde laso'da, nanahu sila tatao-nono'i malolen-na.”

YESKIAL 14:21

Manetualain Fo Mademaina nafa'da nae, “Neukose, Au huku Yerusalem nenik Au huhukung haa, belan-na seli, fo Au tao amate-amopo, nau hataholi do bana-manu boe. Huhuku ka haak sila-la nde: natee-natatik-ka, la'a-ndoes-sa, bana makaa-makisuk-ka, ma he'di-laus-sa.

YESKIAL 21:31

Neukose, Au kaluaheni Au nasa-melung fo, manalua ponu-ponung-nga neu emi. Neukose, Au fe emi leo hataholi fo, dale susue-lalai tak-kala neu, fo ala tao lamate-lamopo emi.

YESKIAL 36:18

Au amanasas, nanahu ala tao tatao-nono'ikanisak makadotok nai nusak ndia, ma ala tao langgenggeon nenik sila sosongo-tatangon-nala.

YESKIAL 38:22

Neukose, Au hukun nenik he'di-laus, ma nado'do-napauk-ka. Neukose Au fe u'daina, ma u'da eis, ha'i ma belerang-nga tu'da la'en no solda'dun-nala, ma la'e leoina makadotok fo, manalook-kana.

YESKIAL 5:12

Metema, ba'e o laum-ma neu baba'ek telu soona, Au taoisa baba'ek esa, nanahu he'di-laus ma la'a-ndoes-sa da'di nai kota dale. Baba'ek esa, nanado'do nisak nai kota deak, ma neukose Au nggenggela-ngganggali baba'ek esa seluk, leo basa daebafak-ka bu'un-nala leu, ma neukose Au usis tataas esa nenik tafaina.

YESKIAL 7:8

Ta dook-ka so'on te, neukose emi mame'da mita, Au nasa-melung fo manalua ponu-ponung-nga. Au aketu-ala'di emi, nandaa no emi tatao-nono'im. Neukose, Au balas emi tatao-nono'im fo, ta kandaak lala'en-na.

AMOS 4:10

Au haitua he'di-laus leo emi neu, sama leo Au haituan leo Masir neu. Au taoisa emi hataholi muli-solum-mala nai natee-natatik dale, ma ala loso-la emi ndalam-mala. Au tao ahenu emi lalaa temam-ma nenik mamates, fo emi ta makataka boon-na fa. Leomae leondiak boe, emi ta nau fali leo Au mai boen.

BILANGAN 14:12

Neukose, Au tao amopo-amates nenik Au fe he'di laus madaik-ka la'es. Tehu, neukose Au tao o da'di amak, neme leoina esa matua lena, ma balakain-na lena henis!”

MATEOS 24:7

Neukose leoina esa natati no leoina esa, ma dedeo esa natati no dedeo esa, neukose la'a-ndoe sa nai basa mamanak lala'ena, ma dae manggengo ka ana da'di.