YESKIAL 13:6 - Susula Malalaok Hehelu Palak Ma Hehelu Beuk

⁶ Sila ninitan-nala, ta la'e fan, ma sila dede'a nafa'da elan-nala, pepekok. Ala manaku lae, sila leni Manetualain hala hehelun-na, te se'kona Au beita adenu ita sila fa. Da'di tao leo beek fo, sila lamahena sila dede'a nafa'da elan sila-la, ala da'di?

YESKIAL 13:6 ပူးပေါင်းရင်းမြစ်များ

1RAJA-RAJA 22:12

Basa nabi fe'e kala lakaheik de lafa'da lae, “Sapu ma Ramot leona, te neukose Ama Manek hapu buna-boan. Neukose Manetualain fe Ama Manek sengi.”

1RAJA-RAJA 22:15

Mikha losa Mane Ahab-pa matan boema, manek-ka natane nae, “Au ma Mane Yosafat a bole meu sapu ma Ramot do ta?” Mikha natan-nae, Sapu man leona, “Te tao leo bee o Ama Manek hapu buna-boan. Neukose Manetualain fe Ama Manek sengi.”

1RAJA-RAJA 22:27

Madenus fo ala taon leo bui dale neu, ma fen na'a ma ninu ka'da faa anak mesan, losa au falima'i nga no so'da-molek.”

1RAJA-RAJA 22:37

nanahu mate manek-ka so. Boema ala fali leona, de latoi Ahab popolan-na nai Samaria.

1RAJA-RAJA 22:6

Boema Ahab naloo nakabubua fafa'kama nabi natun haa boema natanes nae, “Au bole u sapu a Ramot do ta?” Lataa lae, “Bole! Neukose Manetualain fe kota ndia neu Ama Manek.”

AMSAL 14:15

Hataholi nggoak-ka, namahele neu basa dede'a-kokolak lala'en-na, tehu hataholi manatee-tenok-ka, ho'i nakeketuk besa-besa.

YEREMIA 14:14

Tehu Manetualain nataa nae, “Nabi sila-la leni hala pepeko-lelelok pake Au na'deng-nga; Au ta adenu sila fa, ma manafe paleta taak do kokola O sila fa. Ninita-ninitak fo ala tui-bengak-ka ta neme Au mai fa; Ala neuk dede'a-dede'ak sosoa-ndandaan taak, fa ka'da ala tao aon-nala.

YEREMIA 23:16

Manetualain Fo Manakoasa nafa'da neu laun Yerusalem-mala nae, “Boso mamanene basa nabi-la hala-kokolan fo ala fe mamahehenak fo ka'da louk tatas esa. Ka'da sila landuku-lalosak sila mesak-kasa meneunala te Au hala-haituang-nga ta ndia fa.

YEREMIA 28:1

Teuk ndia boe nai bula kalima, manek Zedekia paleta neu teuk ka haan-na, Azur anan Hananya nde-been-na nabi esa neme kota Gibeon, ana kokolak no au nai Manetualain Uman. Ana nafa'da neu au nai imam-mala ma laun-nala matan

YEREMIA 28:15

Au anduku-alosak basa sila-la neu Hananya, boema au afa'da seluk ae, “Hai Hananya, mamanene! Manetualain ta nadenu o fa; O taom-ma leoina ia namahele neu ka'da dede'a-kokolak pepeko-lelekok.

YEREMIA 28:2

nae Manetualain Fo Manakoasa, fo Israel Manetualain-na, nafa'da nae leo ia, “Manek Babel-la be'i-balakain Au tao alu'u son.

YEREMIA 29:31

haitua halak neu basa hataholi Israel-la fo nanatu'u-tapak lo Babel neu-a, la'eneu Semaya so'dan-na. “Halak ndia nae leo ia, Semaya kokolak no emi nonokabai ndia nabi; te sekona Au, Manetualain, ta nde adenu fan. Hu kande hala kokolan ndia, de ana tao-na emi memehele neu dede'a kokolak pepeko-lelelok,

YEREMIA 29:8

Au, Manetualain, Fo Manakoasa, fo Israel Manetualain-na, fe nasanene'dak neu emi, fo ela emi boso nanatipu-daik neme nabi-nabi fo ala leo nai emi tala'da, ado su'di see ndia boe fo nafa'da nae, sila bisa neuk-la le'do-fai manamaik-ka. Boso tao afik neu sila me'i-afen-nala.

YEREMIA 37:19

Ama Manek-ka nabin sila-la basa-basas laibee, fo lafa'da lae, neukose manek Babel-la ta sapun-na Ama Manek-ka ma nusak ia fa?

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

RATAPAN 2:14

Hata fo nabi-la landuku-lalosak-kana neu o, ka'da ke'di-ndiuk ma pepekok mesa-mesan. Beita la'iesa fo ala buka o sala-singom fa, nalosa hu kande ndia de, o ta tukatei-saledale fa. Nasafalin-na, ka'da ala tui-benga fe emi dede'a-kokola pepekok mamina-makeek.

YESKIAL 13:7

Au, Manetualain Fo Mademaina, afa'das ae, ‘Emi ninitam sila-la, ta la'e fas, ma emi dede'a nafa'da elam sila-la, pepekok. Emi mafa'da mae basa sila-la nde been-na, Au hala hehelung, te se'kona Au beita kokolak ita o emi fa! Hu ndia de, neukose emi da'di Au musu noong.

YESKIAL 21:23

Laun Yerusalem-mala, neukose ta lamahele lae manek Babel-la neu sapu-na sila, nanahu ala tao basa hehelu-balataak loo manek Babel-la so. Tehu dede'a nanafa'da elak ia, ana fe sila nasanene'dak nae neukose, sila nanaho'u-nak, nanahu sila sala-singon-nala.

YESKIAL 21:29

Ninitak fo, emi mitak-ka nde been-na, pepekok, ma emi kokolak dede'a nananafa'da elak-ka boeo, pepekok. Emi, hataholi mangalauk ma malelesik, de emi huhuku mate'em-ma, ana deka so. Neukose, tafaina ndia, ana te'teheni emi lesuha'im-ma.

YESKIAL 22:28

Basa nabin-nala, lafuni sala-singok sila-la, sila sama leo hataholi fo, ana lose ha'o neu papala nanadama manggenggeok-ka. Sila ninitan-nala, pepekok, leondiak boe, sila dede'a nananafa'da elan-nala. Ala manaku lae sila landuku-lalosak hala heheluk-ka nde been-na, sila sipon neme Manetualain Fo Mademaina mai, te se'kona, Au ta kokolak o sila la'iesa boen.

ZAKHARIA 10:2

Hataholi la loke natutu'duk neme sosongo-tatangok ma neme basa hataholi malelak-kala mai, tehu ala hapu natataak-ka nde been-na, ka'da masapepeko-masandandalik, ma kokola bafa louk mesan. Hapu nggelok lafa'da mangalele'do me'i-afek, tehu sila nafa'da mangalele'don-na, tao-na emi matofa-matalak, ma ala fe kokoe-nanasik-ka, sosoa-ndandaan ta. Hu ndia de, laun-na tapasasala, sama leo bi'ilopo-a. Ala male-tale, hu kande ta lanuu mauli-malangan fa.

MARKUS 13:6

Neukose hataholi ba'u ka ala mai fo ala pake Au na'de nga, fo ala ke'dindiu la hataholi ba'u ka lae, ‘Au nde sila!’

2 TESALONIKA 2:11

Hu ndia de, Manetualain haitua koasa esa neu fo, ana tao nalas latofa-latalak, nalosa lamahele neu hata fo, ta ndo sa fa.

2 PETRUS 2:18

Ala kokolak no bafa maloa, tehu louk; boema hu no sila mata mana koteo nala de, ala tao latu'da hataholi fo besa ka, ala kalua leme hataholi mana la'ok sala eno kala dalek mai.