YESKIAL 13:14 - Susula Malalaok Hehelu Palak Ma Hehelu Beuk

¹⁴ Au tutu'u basa, soaneu tao atu'u papala nanadamak fo, emi losen nenik ha'o ndia, fo Au tao akalulutuk-kana neu dae lain, nalosa ela ka'da laten-na. Neukose papala nanadamak ndia tuni-na emi, fo mate la'iesak emi. Soona besak-ka, emi bubuluk mae Au nde, Manetualain-na.

YESKIAL 13:14 ပူးပေါင်းရင်းမြစ်များ

MAZMUR 11:3

Metema ha'da nggolok-ka ta nanaito-atok tunga matetun-na fa, soona hataholi ndoos-sa, ta botik langan-na fa.”

PENGKHOTBAH 3:3

faik soaneu nanisa, ma faik soaneu nakahahaik, faik soaneu ofe henin, ma faik soaneu nafofo'an.

YESAYA 28:17

Au tao ndoos ma matetuk-ka, da'di tali uukuk, ma Au tao dale ndoos-sa da'di tali sipak.” Neukose u'da batu-a, ana sasapu balisi basa masapepeko-masandandalik fo, emi dalem-ma natea neun ndia. Neukose faa, ana ba'u neni emi mamana keke'kem-ma.

YESAYA 30:13

Hu ndia de, emi masala. Emi sama leo papala nanadama mademaina, fo natandala neme lain leo dae neu; neukose no kaiboboianak, emi bala meu.

YEREMIA 14:15

Ala kokolak pake Au na'deng-nga lae, neukose natee-natatik-ka ma la'a-ndoes-sa ta tuni-ndeni nusak ia fa, te sekona Au ta adenus ala kokolak dede'ak ndia fa. Au Manetualain, afa'da neu O, Yeremia, neukose hata fo Au tao-no'in neu nabi-nabi fo Au ta adenuk sila fa. Neukose Au tao isas nenik natee-natatik ma la'a-ndoes.

YEREMIA 23:15

Manetualain Fo Manakoasa nafa'da nae, “Neukose Au fe basa nabi-nabi manai Yerusalem-mala sesele-bubu'u makaheduk soaneu nana'an-nala ma laso soaneu nininun-nala, nanahu ala tao-la hataholi-hataholi manamai nusak-ka lala'en-na ala ta fe ha'da-holomata mai Au fa.”

YEREMIA 6:15

Tunga ndoon-na, ala mae, nanahu ala tao basa, dede'a nananakamumulu-nakamamaek ndia so. Tehu lakapapalu lou, ma bibii-mamae tak-kala. Hu ndia de, neukose ala tu'da, sama leo hataholi fe'ek-kala boe; metema Au hukus soona, mopo dipon-nala. Au, fo Manetualain nde manakokolak-ka.”

YEREMIA 8:12

Hai Au anang-ngala lemin, tunga ndoon-na, emi muse mae, nanahu emi tao basa hata fo, nananakamumulu-nakamamaek ndia so! Tehu emi makapapalulou, ma bibii-mamae tak-kala. Hu ndia de, neukose emi tu'u meu, sama leo hataholi fe'ek fo, manatu'u basak-kala so; metema Au huku emi soona, mopo emi dipom-ma.

YESKIAL 13:15

Papala nanadamak ndia, ma emi fo manalose papala nanadamak ndia nenik ha'o-a, neukose mame'da mita Au nasa-melung be'i-balakain. Basa soona, neukose Au afa'da emi, ae papala nanadamak ndia mopok-kana, sama-na leo emi fo, manalose ha'o neu papala nanadamak ndia,

YESKIAL 13:21

Neukose, Au siiba'e emi tema popoti langam fo, nanuu koasa ndia, ma neukose Au soi-po'i Au anang-ngala leme emi fufu'di-oo'dom mangalaum ndia, losa dodoon-na. Soona besak-ka emi bubuluk, mae Au nde Manetualain-na.

YESKIAL 13:23

Besak ia, emi ninitam fo nanapake taa-mala, ma emi mafa'da ela dede'a masapepekok-kala, nate'e so. Au soi-tefa-ala, Au anang-ngala leme emi fufu'di-oodo mangalaum-ma mai. Soona besak-ka, emi bubuluk mae Au nde, Manetualain-na.”

YESKIAL 13:9

Neukose Au huku emi, hai nabi-nabi fo, manakokolak dede'a-nafa'da elak pepekok-kala, ma malame'i hapu ninitak-kala! Emi ta bole masok leo Au anang-ngala nakabubuan-nala dalek meu, fo fe nakeketuk so'on. Emi na'dem-mala, nanakokahenik nai Israel susula ba'in-na dalek so, ma neukose, emi ta fali leo emi dae-oem meu so'on. Soona besak-ka, emi bubuluk mae Au nde, Manetualain Fo Mademaina.

YESKIAL 14:8

Neukose Au la'ban-nana, fo Au taon da'di natutu'duk esa, ba'eneu fe'ek-kala. Neukose, Au kalua henin neme Au anang-ngala dalek mai, soona besak-ka, Au anang-ngala bubuluk lae Au nde, Manetualain-na.

MIKHA 1:6

Hu ndia de, Manetualain nafa'da nae, “Neukose, Au tao Samaria da'di ai-batu madodouk nai mook-ka, ma mamanak fo hataholi-a sele ai angol. Neukose Au tu'u kota ndia dae bubua manandefan-na leo bafak dale neu, ma Au ofe heni kota ndia uma laten-na.

HABAKUK 3:13

O nggani leo uluk muu fo soi-po'i O anam-mala ma soaneu soi-tefa-ma, O hele manek-ka. O fepa mabuu hataholi manatao sala-singok-ka mauli-malangan, O ho'i falik la'iesak basa ana manatungan-nala hahaen-na.

LUKAS 6:49

Tehu hataholi fo namanene Au dede'a-kokolang tehu ana ta tao tunga fan soona, sama leo tuka fo nafofo'a uma na te, ana ta pake fanderen fa. Metema faa loli nan soona, uma ndia no lai-laik ana tu'u neu, fo nalutu na ba'u na seli!”