YESKIAL 12:23 - Susula Malalaok Hehelu Palak Ma Hehelu Beuk

²³ Nah, mafa'das mae Au, Manetualain Fo Mademaina, fe natataan-na nde ia: Neukose Au loseheni dede'a lasik ndia, nalosa ala ta kokolak-kana nai Israel so'on. Mafa'das mae, dede'a lasik ndia nggatin-na nae fain-na losa so, de dede'a nafa'da elak lala'en-na, neukose ala da'di.

YESKIAL 12:23 ပူးပေါင်းရင်းမြစ်များ

MAZMUR 37:13

Tehu Manetualain hika hataholi mangalauk-ka, nana Ana bubuluk hataholi ndia, fai mate'en-na, ana deka so.

YESAYA 28:22

Au amanene basa Manetualain Fo Mademaina ma Manakoasa, nakeketun-na, soaneu Ana tao namate-namopo nusak-ka lala'en-na. Boso makamuu-makadau hala-kokola nasanene'dak fo, au anduku-alosak-kana ia. Mahani te, neukose ta mu'dak ba'eneu emi, fo maladeak fa.

YESKIAL 12:25

Au, Manetualain Fo Mademaina, kokolak neu leoina Israel-la, ma basa hata fo Au afa'dan, tao leo bee-o neukose ana da'di no lai-laik. Mamanene leon, hai leoina malenalanga-masa'basook-kala lemin! Nai tepo-lelek o maso'da, neukose Au akalala'ok basa hata lala'en fo, Au afa'dan neu o. Au, Manetualain Fo Mademaina, nde manakokolak-ka.”

YESKIAL 16:44

Manetualain nafa'da nae, “Hai Yerusalem, neukose hataholi-la pake dede'a lasik ia la'eneu o: ‘Anafe'on-na, sama leo inan boe.’

YESKIAL 18:3

No Au, Manetualain fo maso'dak-ka na'den-na, Manetualain Fo Mademaina, dede'a bini ndia, neukose ta nanakokolak nai Israel so'on.

YESKIAL 7:2

“Hai, hataholi daebafak fo, manasapu-lalok-konei, Au, Manetualain Fo Mademaina, sanga afa'da dede'ak-ka nde ia la'e dae Israel-la: Tutuik ia nde been-na, tutuik la'eneu nusak ia, mate'en-na!”

YOEL 2:1

Puu pupuuk-ka, ma fepa malii besi ta'du-tana soe-a nai pupuku Sion fo malalao-malalafuk fo Manetualain mamana leleon-na. Dele bengge'be leon, hai laun Yehuda-la lemin! Nana Manetualain, Fain-na deka, de ana losa lai-lai.

ZEFANYA 1:14

Manetualain fai naketu-nala'din deka so, hei, ana deka nanseli so, nakalenak, ana losa no lai-laik. Faik ndia, henuk no dale he'dik-ka, nalosa solda'du palani ta'tibatu-la boeo ala nggasi beau nanahu ketu namahehenan-nala!

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

MATEOS 24:34

Bubuluk leona! Te hataholi maso'dak besak ia la beita mate fas, te basa dede'ak sila la ala da'di so.