YESKIAL 12:11 - Susula Malalaok Hehelu Palak Ma Hehelu Beuk

¹¹ Mafa'da mangalele'dos, mae hata fo o taon ndia nde been-na, dulak beek fo, neukose ana la'e sila, fo nde: neukose sila da'di hataholi nanatu'u-tapak, ma hataholi nanafook.

YESKIAL 12:11 ပူးပေါင်းရင်းမြစ်များ

2RAJA-RAJA 25:11

Basa boema, laun bei manai kota dale-la, nde tuka malelaina-la, fo bei ela hataholi-la, nde hataholi nuu-taa hata-taak-kala, ma hataholi manamalaik leo hataholi Babel-la leu-a, Nebuzaradan foo nini la'iesak-kasa leo Babel neu.

2RAJA-RAJA 25:7

Ala taolisa solda'dun-nala, neme matan-na. Basa ndia boema, ala e'do heni Zedekia mata de'en-nala, boema ala langen, de loon leo Babel neu.

YEREMIA 10:17

Hei Laun Yerusalem-mala lemin, ala sapu-la emi! Hu ndia de malai beno'u leon-na!

YEREMIA 15:2

Metema ala latane neu o lae, sila muse leu leo bee leu, soona matas mae leoia, ‘Manetualain nafa'da nae, fo nananaketu basak soaneu maten nanahunamahe'di soona nemena fo maten nanahu he'di-laus. Fo nananaketu basak soaneu mate nai netee-natatik-ka dalek soona, nemena fo maten nai natee-natatik dalek. Fo nananaketu basak soaneu maten nanahu la'a-ndoes-sa soona, nemena fo maten nai la'a-ndoes-sa dalek! Fo nananaketu basak soaneu nanafook, nemena fo nanafua nenik da'di leo nanafook-ka!’

YEREMIA 52:15

Basa boema laun fo manai kota ndia nde been-na ela ka'da hataholi nuu-taa hata-taak-ka, ma hataholi mana malaik leo Babel leu-a Nebuzaradan fu'a neni la'iesak-kala leo Babel.

YESKIAL 12:3

Hu ndia de, hai hataholi daebafak fo, manasapu-manalalok-konei, poti-ma o bua-lo'am neu popotik esa dalek, bei dai le'do-a beita tenak ia fa, sama leo hataholi nanatu'u-tapak-kala biasa taon. La'oela o umam-ma no le'do-le'dok, nai fai lele'don-na, sama leo hataholi fo loon leo mamana tu'u-tapak neu. Nai hataholi malenalanga-masa'basook sila-la matan, tao bolok neu o umam-ma papalan-na, soona ho'i-ma o popotim-ma, fo kalua tunga bolok ndia. Masaa-ma, popotik ndia, fo makahatu kiu-kiu soona, la'o leona; potiketu o mata-panam, fo ela o boso mete mita enok fo o tunga ndia. Nemen-na fo, basa leoina Israel-la lala'en-na, lita basa hata fo o taon ndia, fo ela ana da'di nasanene'dak ba'eneu sila. Fafa'kama ala bubuluk, lae sila nde malenalanga-masabasook-ka.”

YESKIAL 4:1

Manetualain nafa'da nae, “Hai, hataholi daebafak fo, manasapu-manalalok-konei, ho'i-ma batu bata esa, fo pe'dan neu o matam-ma, fo dokik kota Yerusalem-ma dulan-na neu lain

YESKIAL 4:3

Boema ho'i-ma ulebesi esa, fo mapadedeik-kana neu o ma kota ndia tala'da, fo ana da'di papala besi. Basa soona, masale leo kota ndia fo nono'kabai, o nde makahapi-ma kota ndia. Neukose ndia da'di dulak ba'eneu leoina Israel-la.

ZAKHARIA 3:8

Mamanene leon, hai Imam Matuaina Yosua, boeo emi, imam-imam fo manada'di Yosua nonoon-nala lemin, emi basa-basam-mala nde been-na, salaok neme emi maso'dam manamaim-mala, malole. Nai tepo-lelek ndia, neukose Au adenu Au atang fo loken lae, ‘Manabuku beuk’.