YESKIAL 11:2 - Susula Malalaok Hehelu Palak Ma Hehelu Beuk

² Manetualain nafa'da au nae, “Hai hataholi daebafak fo, manasapu-lalok-konei, hataholi ia-la nde, tutu'u tatao-nono'i mangalauk-ka nai kota ia, ma ala sele-nggali nanoli-nafa'dak fo, neni fe hataholi-a natofa-natalak.

YESKIAL 11:2 ပူးပေါင်းရင်းမြစ်များ

ESTER 8:3

Basa ndia boema, Ester neu seluk leo manek-ka neu. Ana senek, boema ana kii ma ana dokodoe, fo ela manek-ka boso pake dale tutu'u mangalauk fo Haman tutu'un, soaneu hataholi Yahudi-la.

MAZMUR 36:4

Dede'a-kokolan mangalauk-ka, ma henuk no tipu-daik-ka, ana ta tao dede'a malole, ma manatee-tenok so'on.

MAZMUR 36:5

Ana tutu'u eno mangalauk, nai pepe'un lain; ta hapu tatao-nono'i malole, nai tatao-nono'in dale fa, ma ana ta tipa mangalauk-ka fa.

MAZMUR 52:2

ndek lelek Doëg fo hataholi Edom-ma mai nafa'da Saul, nae Dauk losa nai Ahimelekh uman so.

YESAYA 30:1

Manetualain nafa'da nae, “Soe ba'eneu mauli-malangan Yehuda-la, nanahu ala la'ban Au. Ala tunga dale tutu'uk fo, ta neme Au dale tutu'ung-nga mai fa. Ala lima-lee, hehelu-balataak fo, nasei-kosalak no Au dale hihiing-nga. Hu ndia de, sala-singon-nala ladodou.

YESAYA 59:4

Emi kalaak dede'ak, te ne'ek ta, ma maketu-mala'di no ta ndoos ma matetuk fa. Emi masapepeko-masandandali ma emi matea-mahele neu hata fo, manada'di tak-ka; emi manuu dale tutu'uk, soaneu tao soe hataholi fe'ek, ma tao tatao-nono'i mangalauk.

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

YEREMIA 5:5

Malole lenak au u leo hataholi matua-madema-ma u, fo au kokolak os. Tao leo bee-o, ala bubuluk hata fo, Amak Manetualain nahiik-kana, ma noken neme sila mai.” Tehu sila basa-basas boeo, ta nau Manetualain paleta sila fa; ala ta nau tunga fan.

YESKIAL 7:26

Susa-soe ma tutui-bebenga ta malole-la, ala mai tataas esa. Neukose, emi dokodoe, fo ela basa nabi-la, lafa'da ela emi, dede'a-kokolak, tehu ala ta bisa fa. Basa imam-mala, nanolin ta, soaneu lanoli salanik-kala, ma mopo mauli-malangan nanoli-nafa'dan so.

NAHUM 1:11

Hai Niniwe, neme o dalek mai, hataholi esa to'da mai so, dalen-na henuk no dudu'a-aafi mangalauk. Ana tutu'u nai dalen dale, soaneu lena-la'ban Manetualain.