YESKIAL 11:16 - Susula Malalaok Hehelu Palak Ma Hehelu Beuk

¹⁶ Hu ndia de, manduku-malosak Au hala hehelung-nga nde ia, neu o nanoom fo manai mamana tu'u-tapak, mae Au nde o sila leo leoina manai dook eli-la. Tehu nai lelek fo sila bei leo lai naa, neukose Au sama-sama o sila.

YESKIAL 11:16 ပူးပေါင်းရင်းမြစ်များ

MAZMUR 31:20

O dale malolem-ma, ba'uk-ka nanseli, de O sadian ba'eneu hataholi kamahehelek-ka! Basa hataholi-la lita tatao-nono'i malole, fo O taon ba'eneu sila fo manamasulu-mahapa neu O-a.

MAZMUR 44:11

O po'ilotak ami malai neme ami musum-ma mai, de ala kalo leni ami hata-hetom-mala.

MAZMUR 90:1

Musa, fo Manetualain atan-na, huhule-haladoin. Ou Manetualain, O nde ami mamana nasulu-nahapan, neme bobongik leo bobongik neu.

MAZMUR 91:1

Hataholi fo, nasulu-nahapa neu Manetualain Fo Mademaina, ma ana leo nai Manakoasa li'da susuen-na dalek soona,

AMSAL 18:10

Manetualain ndia, sama leo uma puni madema mateaina; hataholi dale ndoos-sa, neu leo naa neu, de ana hapu mamanak fo, nee-nee lino-linok.

YESAYA 4:5

Boema nai pupuku Sion-na, ma basa hataholi fo lakabubua nai ndia, Manetualain nakadada'dik ko'as-sa nai fai lele'don-na, boema ha'imasuk ma ha'ipila mangale'dok-ka, nai fai le'odaen-na. Manetualain no koasan-na mesak-kana, neukose Ana da'di leleo fo nasulu-nahapa kota ndia lala'en-na.

YESAYA 8:14

Hu kande, Au malalao-malalafuk nanseli, Au da'di batu nakatunuk ba'eneu laun Yehuda ma Israel, ma hihi'ik fo nala laun Yerusalem-mala.

YEREMIA 26:11

Basa imam-mala, ma nabi-la lafa'da neu malangan sila-la, ma neu laun-nala nae, “Hataholi ia nad nanahuku nisak nanahu ana kalua hala-kokolak fo la'ban ita kotan ia. Emi mamanene matam so.”

YEREMIA 26:7

Basa hata fo Au afa'dak manai Manetualain uman ndia, basa imam-mala, basa nabi-la ma laun-nala lamanenen.

YEREMIA 29:11

Nana Au ia bubuluk Au dudu'a beek-ka ba'eneu emi? Dudu'a-dudu'ak sila-la ta soaneu tao amopo-amate emi fa, te soaneu emi tetu-temam, ma soaneu fe emi so'da fai manamaim-ma henuk no namahehenak-ka.

YEREMIA 29:7

Maue-maosa soaneu kota-kota fo Au tu'u-tapa emi lo mamanak-ka meu-a tetu-teman. Hule-haladoi neu Au, soaneu kota-kota sila-la palun-na, nana metema kota-kota sila hapu-dai soona, neukose emi boeo hapu-dai.

YEREMIA 30:11

Neukose Au mai, fo neukose Au soi-po'i emi. Leoina-leoina, fo mamanak Au tao tapasasala emik-ka, basas neukose Au tao amopo-amates, tehu Au ta tao emi tao leondiak fa. Tete'ek-ka neukose emi ta maladeak neme huhukuk-ka mai fa, tehu Au huhukung neu emi-a nde been-na ndos matetuk, ma nanda no nakeketun-na. Au, Manetualain, nde manakokolak-ka.”

YEREMIA 31:10

Manetualain nafa'da n, “Mamanene leona hai leoina-la lemin! Manduku-malosak Au hala-haituang-nga lo tasi selik neu: neu Au anang-ngala fo Au tao tapasalak-kala neukose Au tao akabubuas ma Au akaboboi matalololes sama leo manafoo-a nanea bi'ilopon.

YEREMIA 42:11

Bosobai bii neu manek Babel ndia. Hapu Au nai emi tala'da soaneu tulu-fali ma soi-po'i emi neme ndia koasan-na mai.

YESKIAL 20:23

Nai moo solokaek ndia boe, Au soo ae neukose, Au tao tapasasalas leo basa daebafak-ka lala'en-na leu,

IMAMAT 26:44

Tehu, leomae sila bei lai musu nusan-na boeo, neukose Au ta la'oela fas, do Au tao amopo-amates makandondook fa. Nana metema Au tao amopo-amates soona, ndia sosoa-ndandaan nae Au tao ketu Au hehelu-balatang no sila, te se'kona Au ia Manetualain, fo sila Manetualain-na.

ZAKHARIA 2:6

Manetualain nafa'da anan-nala nae, “Au tao tapasasala basa emi, leo bu'u-bu'uk lala'en-na neu so. Tehu besak ia, hai hataholi nanafook-kala lemin, malai meme Babel mai leona, fo fali me'um-ma leo Yerusalem meu.

ULANGAN 4:27

Neukose Manetualain tao tapasasala emi nai leoina fe'ek-kala tala'da, de ela ka'da emi hataholim lumanak laso'da lahele.