YESKIAL 11:12 - Susula Malalaok Hehelu Palak Ma Hehelu Beuk

¹² Soona besak-ka emi bubuluk, mae Au nde Manetualain-na, ma Au huku emi, nanahu emi la'olena Au nakaneneteng-ngala, ma emi ta taoafik neu Au paletang-ngala fa, nenik emi tunga leoina manai emi titia-tataim-mala, hoholo-lalanen.”

YESKIAL 11:12 ပူးပေါင်းရင်းမြစ်များ

1RAJA-RAJA 11:33

Neukose dede'ak ndia Au taon, nanahu Salomo la'oela Au so, de ana sene-do'ok neu lamatua daebafak-kala, fo nde: Astoret, leoina Sidon na lamatua daebafa inak ka; Kamos, fo leoina Moab pa lamatua daebafan-na; ma Milkom, fo leoina Amon na lamatua daebafan-na. Salomo ta tunga Au hihii-nanaung fa. Salomo ta sama leo aman Dauk fa, fo ana tunga neu Au ma ana tao tunga Au paletang-nga la.

2RAJA-RAJA 16:3

So'da-na sama leo mane-manek Israel-la, nakalenak ana tunu-hotu anamanen-na, da'di leo tutunu-hohotuk neu lamatua daebafak-ka, fo tunga tatao-nono'i manggenggeok-ka, neme hataholi fo Manetualain usihenis, leme nusa Kanaan-na, nai lelek hataholi Israel-la masok nusak ndia.

2RAJA-RAJA 18:12

Samaria tu'da nanahu, hataholi Israel-la, ta tunga neu sila Manetualain fa. Ala lalalesi hehelu-balataak, fo Manetualain taon no sila, ma ala la'olena basa Musa, fo Manetualain atan-na paletan-na. Ala ta nau lamanene, ma tunga fan.

2RAJA-RAJA 21:2

Manasye nasala-nasingo neu Manetualain, nanahu ana tunga ha'da-tatao mangalauk-ka, neme leoina fo Manetualain usihenis leme Kanaan mai, nai lelek, hataholi Israel-la masok nusak ndia.

2RAJA-RAJA 21:22

Ana ta naso'da tunga Manetualain hihii-nanaun fa, nakalenak, ana ta tunga Manetualain, fo bei-ba'i kain-nala sene-do'ok-ka fa.

2RAJA-RAJA 21:9

Tehu, hataholi Yehuda-la ta tunga Manetualain fa, ma nakalenak, hu kande Manasye, de ala tao sala-singok, fo mangalaun-na lena heni sala-singok fo nanatao-no'ik neme leoina fo, Manetualain usi henis leme Kanaan mai, nai lelek hataholi Israel-la masok kota ndia.

2TAWARIKH 13:9

Ade emi ta usiheni la'iesak Manetualain imam-imam fo Harum tititi-nonosin ma hataholi Lewi-la so hetu? Da'di neu ngganggatin-na emi ho'i su'di see fo nahiik da'di imam, sa'di hataholi ndia neni sapi esa do bi'ilopo hitu, soona emi fen da'di imam soaneu hata fo Manetualain ta nde ndia fa, nana eno-na leondiak ba'eneu leoina fe'ek-kala so'u sila imam-ma. Tehu ami ta tao leo ndiak fa.

2TAWARIKH 28:3

boema ana hotu boomenik nai Bafak Hinom-ma. Nakalenak ana tunu-hotu anamanen-na da'di leo tutunu-hohotuk neu sosongo-tatangok, tunga ha'da-tatao mangalauk neme hataholi-hataholi fo Manetualain usihenis leme nusa Kanaan-na nai lelek hataholi Israel-la masok leo nusak ndia dalek leu.

2TAWARIKH 36:14

Fe'ek neme ndia mai, Manetualain Uman fo Manetualain mesak-kana nde taon da'di Uma hehelik ba'eneun-na, mauli-malangan Yehuda-la, imam-imam-mala, ma laun-nala taon langgenggeon, nanahu ala tunga sene-do'ok neu sosongo-tatangok, ma ala tunga leoina manai sila titia-tatain-nala, maso'da masala-masingo-nala.

EZRA 9:7

Neme ami bei-ba'i kaim-mala tepo-lelen, losa besak ia, ami fo O anam-mala, masala-masingo neu O. Hu ndia de, mane nusa fe'ek-kala sengi ami, moo basa ami manem-mala, boema basa ami imam mala. Ala taolisa ami, ma bonga ami umam-mala, ma foo loo ami da'di leo hataholi nanafook. Lakamumulu-lakamamaek langge'a ami, sama leo nai faik ia.

NEHEMIA 9:33

O nakeketum-ma ndoos ma matetuk, O huku ami fo masala-masingok; O lilineka mahele, leomae ami henuk no bu'u-ba'ek.

NEHEMIA 9:34

Ami bei-ba'i kaim, manek, imam, ma basa lasi-lasik-kala, la'o lena O hoholo-lalanem boema ami heheta-aa'in. O fe basa paleta ma hala kaka'ik lala'en-na ma ta nanataoafik, boeo ta nananamanenek fa.

MAZMUR 78:10

Ala la'olena Manetualain hehelu-balataan no sila, ma ala ta nau tunga hoholo-lalanen fa.

YEREMIA 10:2

Manetualain nafa'da nae, “Boso na'da leoina fe'ek-kala ha'da tataon, ma mita ta'du tana nai lalai-a, fo leoina sila bii-mamata'u soona boso nggenge.

YEREMIA 6:16

Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”

YESKIAL 11:21

Tehu hataholi fo, ana nau sene-do'ok neu sosongo-tatangok fo, ta kandaak ma nanamaluak-ka, neukose Au hukus, nanahu sila ha'da-tatao mangalaun ndia.” Manetualain Fo Mademaina, Ana kokolak nae leondia.

YESKIAL 18:8

Ana ta fe hataholi manatonak-kala, fe bunak fa. Ana ta nau tao, tatao-nono'i mangalauk fa, ma naketu tunga ndoon-na, nai basa nale'a-napilik lala'en-na dalek.

YESKIAL 18:9

Ana tunga Au paletang-ngala, ma ana tao tunga Au hoholo-lalaneng-ngala. Hataholi leondiak-ka, nde hataholi fo manatao tunga ndoon-na, de neukose naso'da nahele. Au, Manetualain Fo Mademaina, nde manakokolak-ka.

YESKIAL 20:16

Au kokolak nasanene'da mahelek ndia, nanahu ala ta taoafik neu Au paletang-ngala fa, ala la'olena Au hoholo-lalaneng, ma ala tao langgenggeo fai Sabat-ta. Ala hii ka'da sene-do'ok neu sila sosongo-tatangon-nala.

YESKIAL 20:21

Tehu, bobongi makabuik sila-la boeo, ala la'ban Au. Ala la'olena Au hoholo-lalaneng, ma ala ta taoafik neu Au paletang-ngala fa, fo metema hataholi-a, ana tao tungan soona, naso'da nahele. Ala tao langgenggeo fai Sabat-ta. Hu ndia de, Au sadia basa, sanga kalua Au nasa-melung soaneus nai moo solokaek, fo Au taoisa la'iesak-kasa.

YESKIAL 20:24

nanahu ala ta taoafik neu Au paletang-ngala, ala la'olena Au hoholo-lalaneng, ala tao langgenggeo fai Sabat-ta, ma ala sene-do'ok lahele neu sila bei-ba'i kain-nala, sene-do'ok neu lamatua daebafak-kala.

YESKIAL 5:6

Tehu, Yerusalem ta sipok Au paletang-nga fa, te se'kona ndia mangalaun-na lenaheni leoina fe'ek-kala, lena-lenak langabatun-na lenaheni basa nusaina manai boboa-kaisun-na. Yerusalem la'olena Au paletang-ngala, ma ana ta nau tunga Au hoholo-lalaneng fa.”

YESKIAL 8:10

Tutik-ka, au u leo dalek u de au mete. Boema au ita bana manalo'do-laek mata-matak-kala, bana fe'e-fe'ek fo nanamaluak-kala, ma leoina Israel-la sosongon-tatangon-nala, nanadokik nai papala-la.

YESKIAL 8:14

Boema, noo au leo Manetualain Uman-na lelesuinan kii neu, de natu'du au, inak-kala kii-makaleleu Lamatua daebafa Tamus-sa mamaten-na.

YESKIAL 8:16

Boema, noo au leo Manetualain Uman-na, so'dan manai dalek-ka. Nai deka no lelesu masok leo kama malalao-malalafuk-ka neu, fo nai mei tunu-hotuk-ka no mangalolok-ka tala'da, hapu hataholi duahulu lima lai ndia. Langatuuk lasadea kama malalao-malalafuk-ka, de lasale leo dulu leu, fo ala sene-do'ok neu le'do-a.

DANIAL 9:10

Ami ta mamanene O halam-ma fa, ou Manetualain, fo ami Manetualaim-ma, nai lelek O madenu ami maso'da tunga O fe ami hoholo-lalanek-kala tunga nabi-nabi fo O atam sila-la.

IMAMAT 18:3

Emi boso na'da dulak, sama leo hata fo hataholi manai dae Masir-ra tao-no'in. Masir fo makahulun-na emi leo hai meme naa so, do hataholi manai Kanaan-nala, fo besak ia Au sanga o emi leo naa meu.

IMAMAT 26:40

Tehu emi tititi-nonosim, neukose manaku sila sala-singon, ma sila bei-ba'i kain fo manalena-la'ban Au, ma lalena langa neu Au paletang-nga, sala-singon-nala,