YESKIAL 10:2 - Susula Malalaok Hehelu Palak Ma Hehelu Beuk

² Basa boema, Manetualain nafa'da hataholi manapake tema abalutu ndia nae, “Muu leo mahahaek sila-la dae, fo masok leo ban-nala tala'da, fo ho'i-ma ha'ikaak nafanggetek esa. Soona nggali ha'ikaa sila-la leo kota lain neu.” Boema ana tunga, ma au mete ahelek.

YESKIAL 10:2 ပူးပေါင်းရင်းမြစ်များ

2RAJA-RAJA 25:9

Nebuzaradan hotu heni Manetualain Uman-na, manek-ka, uma manen-na, ma basa hataholi nananita-nalelak manai Yerusalem-mala, uman-nala.

MAZMUR 140:10

Boso po'ilotak au musung-nga sengi; nemen-na fo, ala kokolak dede'a-kokola mangalauk-kala, sa'e-na sila fo, manakokolak langgenggeo au na'deng-nga.

MAZMUR 18:10

Ana fa'a ba'e lalai-a, boema Ana kona no ko'a makahatuk-ka nai ein-na dae.

KELUARAN 25:18

Taom-ma kerub dua neme lilopilas nanatutuk-ka mai,

YESAYA 30:30

Neukose Manetualain fe hataholi namanene hala matua-mademan, ma basa hataholi-la, neukose lame'da lita koasa matuainan-na. Neukose nasa-melun neni ha'i mana'a naputuk-ka, u'da matuaina, u'da batu, ma ani-sangu.

YESKIAL 1:13

Nai mahahaek sila-la tala'da, hapu hatak esa, meten soona, sama leo ha'ikaak-ka, do obol manapilak-ka, fo ala ta hahae nakababalek-ka fa. Ha'i ndia, ana pila nasalolo'de sama leo ndelas-sa tuti-nato.

YESKIAL 9:11

Basa boema, hataholi manapake tema abalutu ndia, ana fali ma'in, de nafa'da Manetualain nae, “Au akalala'ok basa, Manetualain paletan lala'en-na so.”

DANIAL 7:9

Lelek au bei mete akandoo te, lapadedeik kandela manek de'ubee. Boema Ndia fo so'dan-na manaketu basa taak-ka, nangatuuk nai kandela manek sila-la esa lain. Bua papaken-na ma langadoon-na fula balisi sama leo a'bas-sa. Kandela manen-na no kandelan-na ein-na pila lo'a-lo'a, nanahu ha'i pilak-ka,

NINITAK 8:5

Basa boema, ata nusa so'dak ndia ho'i na mango tutunu boominik ndia de, ana ho'i ha'i manai mei tutunu-hohotuk ndia lai na de, ana taon leo dalek neu, boema ana tapan leo daebafa ka neu. Tutika ta'ta sa boeo nata'ta lain, ma ndela sa tuti-nato, boema dae manggengo ka da'di.