YESKIAL 10:19 - Susula Malalaok Hehelu Palak Ma Hehelu Beuk

¹⁹ Au ita mahahaek sila-la, lakalalapa li'dan-nala, de ala laa leme dae lain mai, boema ala la'o, de ban-nala tunga. Boema late'e lai deka no Manetualain Uman-na lelesuinan manai boboak dulu, tehu Manetualain mandela-masa'an, nahele neme mahahaek sila-la lain.

YESKIAL 10:19 ပူးပေါင်းရင်းမြစ်များ

YESKIAL 10:1

Boema, au anganalo leo dano nanataok neme titino mangadilak manai mahahaek sila-la lain neu, de au ita hata esa, sama leo kandela manek-ka, nanataok neme batu poemata dula balau-a mai.

YESKIAL 11:1

Boema, Manetualain Duladalen-na, so'u-na au de noo au leo Manetualain Uman-na lelesuinan Dulu neu. Au ita hataholi duahulu lima lai ndia, de nai hataholi ka duahulu limak sila-la dalek, hapu mauli-malangan leoina dua lai dalek, fo nde Yaazanya, fo Azur anan-na, ma Pelaca, fo Benaya anan-na.

YESKIAL 43:1

Basa boema, touk ndia noo au leo lelesuina fo, nasale leo dulu neu,

YESKIAL 43:2

de nai ndia nde, au ita managale'do-ka, nangale'do neme dulu mai, fo ta'du-tana la'eneu Israel Manetualain mamain-na. Manetualain halan-na, nananamanenek sama leo tasi maloaina nangguu, ma daebafak-ka mangale'dok, nanahu Manetualain mangale'don-na.

YESKIAL 43:4

Mangale'dok ndia, nakababale tunga lelesuina dulu, boema neu leo Manetualain Uman dale neu.

YESKIAL 8:16

Boema, noo au leo Manetualain Uman-na, so'dan manai dalek-ka. Nai deka no lelesu masok leo kama malalao-malalafuk-ka neu, fo nai mei tunu-hotuk-ka no mangalolok-ka tala'da, hapu hataholi duahulu lima lai ndia. Langatuuk lasadea kama malalao-malalafuk-ka, de lasale leo dulu leu, fo ala sene-do'ok neu le'do-a.