YESKIAL 1:26 - Susula Malalaok Hehelu Palak Ma Hehelu Beuk

²⁶ Hapu hata esa nai dano ndia lain, lupan-na leo kandela manek fo nanataok neme batu poemata mai, ma hata esa lupan-na, sama leo hataholi daebafak-ka, nangatuuk nai lain.

YESKIAL 1:26 ပူးပေါင်းရင်းမြစ်များ

1RAJA-RAJA 22:19

Mikha nafa'da seluk nae, “Besak ia, mamanene hata fo Manetualain nafa'dan! Au ita Manetualain nangatuuk nai kandela Mandela-masa'an lain nai nusa so'dak-ka, ma basa ata nusa so'da nala lapadeik deka loon.

MAZMUR 45:6

O kou-kou isi matanem-ma, ana tola o musum-ma bade'en-na, leoina-na tu'u leu nai o ei tata'bu daem-ma.

KELUARAN 24:10

de lita Israel Manetualain-na napadeik nai hata esa lain, sama leo uma latek fo nanataok neme batu nilam-ma mai, ma mangale'dok sama leo lalai-a namaneu.

YESAYA 54:11

Manetualain nafa'da nae, “Hai Yerusalem, kota fo ua-nale ta malole fa, o be'i-balakaim ta, ma o manakokoe-nanasim ta. Neukose Au pe'da falik o batu netem-mala, nenik batu kabelik-kala.

YESAYA 6:1

Nai teuk fo mate Manek Uzia dalek, au ita Manetualain. Nangatuuk nai kandela manen madema ma mandela-masa'an lain. Ba'du manalun-na, poti ketu Manetualain Uman-na lala'en-na.

YESKIAL 1:22

Nai mahahaek sila-la langan lain, hapu hatak esa sama leo dano esa nanataok neme titino mangadilak-ka mai.

YESKIAL 1:5

Nai ko'as ndia tala'da heon, au ita mahahae nusa so'dak (kerub) fo lupan-na leo hataholi daebafak-ka,

YESKIAL 10:1

Boema, au anganalo leo dano nanataok neme titino mangadilak manai mahahaek sila-la lain neu, de au ita hata esa, sama leo kandela manek-ka, nanataok neme batu poemata dula balau-a mai.

YESKIAL 43:6

Lelek touk ndia bei napadeik nai au boboang-nga, au amanene Manetualain nafa'da au, neme Manetualain Uman dale mai, nae,

YESKIAL 43:7

“Hai hataholi daebafak fo, manasapu-manalalok-konei, Au kandela maneng-nga nde ia. Neukose Au leo nai ia, fo nai hataholi Israel-la tala'da heon, fo Au paletas losa dodoon-na. Nau sila, do sila manen-nala boe, neukose ala ta tao langgenggeo seluk Au na'de malalao-malalafung-nga, nenik sene-do'ok neu sosongo-tatangok, do nenik latoi-latono sila manen-nala popolan-na, nai mamanak ia.

YESKIAL 8:2

Au anganalo leo lain neu, de au ita hatak esa, lupan-na leo hataholi daebafak-ka. Meten neme tala'dan-na leo dae neu soona, sama leo ha'i-a, ma neme tala'dan-na leo lain neu soona, mangadilak sama leo liti nanalosek-ka.

DANIAL 10:18

Boema ana koila'e au la'i esa seluk, boema au ame'da au balakaing-nga, ana popo-tama.

DANIAL 7:14

Ndia nanafe ha'da-holomata ma koasa, da'dileo manek-ka, nalosa hataholi-la leme basa leoina, ma dede'ak lala'en-na mai, lamahele neun. Koasan-na nakatata'kak losa dodoon-na, ma paletan-na neukose ta nanaloli henik fa.

ZAKHARIA 6:13

Neukose, ndia nde nafofo'a falik Au Umang-nga ma ana sipo ha'da-holomata, sama leo manek esa, de neukose ana paleta laun-na. Neukose imam esa non, fo lalau-laoono leuesa no mole-dame.’

MATEOS 25:13

Boema Yesus kokolak nate'e nakandandaak ndia nae leo ia, “Hu ndia de manea leona, nanahu emi ta bubuluk fai na do li'u na fa.”

MATEOS 28:18

Boema Yesus neu nangatuuk deka nos de nafa'das nae, “Basa koasa manai nusa so'da ka ma manai daebafa ka nanafe basak neu Au so.

IBRANI 1:8

Tehu neu Anan ndia, Manetualain nafa'da nae, “O nde bee na Manetualain, ma neukose O paleta da'dileo Manek neme doon losa dodoo na! Neukose O nde koasa ma paleta no matetu na.

IBRANI 12:2

Ela leo bee na ita mata memete na nasale leo Yesus neu, nana Ndia nde nafofo'a ita namahehele na, ma nakaboboin neme makasososa na losa mete'e na. Yesus nakatatakak doidoso ka neme ai nggangek lain! Ana ta nafaduli nae, mate nai ai nggangek lain ndia nde bee na, hata esa fo nini mamaek. Ka'da nafandele neu namahokok fo neukose name'da nitan nai fai makabuin. Besak ia, nangatuuk nai Manetualain kandela mane na boboa kona na, ma Ana paleta sama-sama non.

IBRANI 8:1

Basa hala kokolak ia la lala'e na, huu na nde ia: Ita tanuu Imam Matua Ina fo leondia ka nangatuuk paleta sama-sama no Manetualain, fo Mana Koasa matua ina nai nusa so'da ka.

YOSUA 5:13

Faik esa boema, Yosua nai mamanak esa, deka no Yerikho. Kaiboik, nita touk esa, napaadeik nai matan-na, no tafainan-na nai liman dale. Yosua neu deka no hataholi ndia, de natanen nae, “O ia, tia-laik do musu?”

1 PETRUS 3:22

Ana kae falik leo nusa so'da ka neu so. Besak ia, Ana koasa sama-sama no Manetualain, ma Ana paleta basa ata nusa so'da kala, basa mana koasa lala'ena, boema basa be'i balakaik lala'ena.

NINITAK 1:13

Nai banu eik sila la tala'da heon, hataholi esa napadeik fo meten soona, sama leo Ana Hataholi ka. Ana pake ba'du manalu fo nalu na losa ei na. Nai fana na Ana pake babaa fana lilopilas.

NINITAK 14:14

Basa boema au ita, ko'a fulak bubuak esa to'da mai. Nai ko'as ndia lain, hataholi esa meten soona sama leo Ana Hataholi ka nangatuuk nai lain. Bulamoli lilopilas esa nai langan lain, ma ana ho'u dope keke'tu-kokolu matane esa.

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.

NINITAK 3:21

Sila fo manasengi kala, neukose Au fes loak langatuuk leu Au kandela mane nga sama-sama lo Au, sama leo Au boeo sengi so, de besak ia Au angatuuk sama-sama o Au Amang nai kandela manen lain.

NINITAK 5:13

Boema au amanene basa mahahaek manai lalai, manai daebafa ka, manai daebafa ka bui na, manai tasi dale la lakamee. Dede'a keke'u na, basa mahahaek manai daebafa maloa ia lae, “Ndia fo nangatuuk nai kandela manek lain ma Bi'ilopo Ana ndia, nde bee na, nanakoak-nanakiok, ma maha'da-holomata boema matua-madema ma manakoasa losa dodoo na!”