YESKIAL 1:24 - Susula Malalaok Hehelu Palak Ma Hehelu Beuk

²⁴ Metema ala laa fo lakalalapa li'dan-nala soona, au amanene; liin-na sama leo oe manalili'dok-ka liin-na, ma sama leo solda'du bubua matuaina esa, ei ndu'un-nala, sama leo Manetualain Fo Manakoasa halan-na. Metema ala laa late'e soona, ala diku li'dan-nala,

YESKIAL 1:24 ပူးပေါင်းရင်းမြစ်များ

2RAJA-RAJA 7:6

Nana, Manetualain tao-na hataholi Siria-la, lamanene maliik-ka, sama leo solda'du manasa'e ndala, ma manasa'e kaleta bubuaina esa, ala mai sapu. Hataholi Siria sila-la, laedaenga, mane Israel-la, se'ba basa mane Het-ta, ma mane Masir-ra loo solda'dun-nala, fo ala mai sapu-la sila.

AYUB 37:2

Hai emi basa-basam-ma lemin, mamanene Manetualain halan-na; mamanene mangguluk, fo ana kalua neme bafan-na mai.

MAZMUR 18:13

Ko'as, u'da eis, ma ha'i-a, ala kalua leme ndelas manai matan-na mai.

MAZMUR 68:33

Makamee ba'eneu Manetualain leona, hai basa nusak-kala lemin, makamee nakamee kokoa-kikiok ba'eneu Manetualain,

YESKIAL 10:5

Mahahaek sila-la, lakalalapa li'dan-nala, de lamanenen losa uma so'dan manai deak-ka, sama leo Manetualain Fo Manakoasa, halan-na.

YESKIAL 3:13

Au amanene mahahaek sila-la li'dan-nala, esa koila'e esa de lakalapa, ma ban sila-la benggoto, sama leo daebafak-ka nanggengo.

YESKIAL 43:2

de nai ndia nde, au ita managale'do-ka, nangale'do neme dulu mai, fo ta'du-tana la'eneu Israel Manetualain mamain-na. Manetualain halan-na, nananamanenek sama leo tasi maloaina nangguu, ma daebafak-ka mangale'dok, nanahu Manetualain mangale'don-na.

DANIAL 10:6

Aon-na nangale'do sama leo poemata, mata-panan mangale'don-na sama leo ndela'sa mangale'don-na, ma matan-na pila lo'a-lo'a sama leo ha'i-a. Alun-na ma ein-na nangale'do sama leo liti nanalosek-ka, ma halan-na nene'nen soona sama leo hataholi makadotok halan-na.

NINITAK 1:15

ei na pila lo'a-lo'a sama leo liti nanahotu ka. Hala na sama leo oe lili'do matuaina ngguu na.

NINITAK 19:6

Boema au amanene hala ka sama leo hataholi makadotok lalo bebou. Halak ndia napane'e nanseli sama leo lii matuaina ngguu na, ma sama leo manggulu ka nanggulu. Au amanene lafa'da lae, “Koa-kio Lamatua ka! Nanahu ita Manetualain Fo Mana Koasa ndia Ana da'di Manek so!