YESAYA 9:7 - Susula Malalaok Hehelu Palak Ma Hehelu Beuk

⁷ Manetualain naketu basa nusa Israel-la, huhukun-na so.

YESAYA 9:7 ပူးပေါင်းရင်းမြစ်များ

2 SEMUEL 7:16

Neukose, o tititi-nonosim, ta ketu-basa fan, ma neukose, Au tao-a o nusam-ma, nakatatakak losa dodoon-na. Neukose, o tititi-nonosim esa, ana paleta da'di leo manek losa dodoon-na.’ ”

2RAJA-RAJA 19:31

Nai Yerusalem, ma nai Lete Sion-na lain, neukose hapu hataholi-la laso'da, nanahu Manetualain naketu basa, nae neukose, dede'ak ndia, ana da'di.

MAZMUR 2:8

Moke leona, soona Au fe o, basa leoina lala'en-na, ma Au tao daebafak-ka lala'en-na, da'di o nuum.

YESAYA 11:1

Mane Dauk-ka, tititi-nonosin sama leo ai nanalo'o henik-ka so. Tehu sama leo ai nanalo'o henik ndia huun-na nape'du beu, leondiak boe, neukose manek esa ana to'da mai neme Dauk tititi-nonosin mai.

YESAYA 16:5

Basa soona, hataholi esa neme Dauk tititi-nonosin mai, neukose ana da'di manek, ma neukose ana paleta leoinan no susue-lalaik ma lilinekak. Neukose napadedeik natetu ndoos ma matetuk-ka, ma no lai-laik, ana tao hata fo ndoos-sa.)

YESAYA 2:4

Neukose naketu-nala'di nai leoina-la tala'da, ma naketu dede'ak nai leo-leo ma leoina-la tala'da. Neukose tafaina nanatutuk da'di tata'tis, ma tee-a taon da'di dope keke'di na'u. Leoina-la, esa ta sapu-na esa so'on, boeo ta laheheleao sanga latee-lata'ti fa.

YESAYA 26:11

Manetualain, O maheheleaom, fo huku O musum-ma, tehu ala ta bubuluk fa. Nemen-na fo, ala hapu mamaek nai lelek lita O susue-lalaim ba'eneu O anam-mala. Nemen-na fo mate-mopo la'iesak-kasa, hu kande hoholo-lalanek fo O sadian ba'eneus.

YESAYA 37:32

Neukose hapu hataholi maso'dak nai Yerusalem, ma nai Lete Sion-na lain, nana Manetualain Fo Manakoasa naketu basa, nae dede'ak ndia, neukose ana da'di.

YESAYA 40:10

Mitak, Manetualain Ana mai no koasa soaneu Ana tao no makadelek. Hataholi fo, Ana soi-po'i basak-kala tunga loon.

YESAYA 42:13

Manetualain tutulumatak, de natee-natati sama leo palani tatibatu esa, sama leo solda'du esa, manggate nanseli natee-natatik-ka. Ana so'uk eeki natee-natatik-ka, ma natu'du balakain-na neu musu non-na.

YEREMIA 23:5

Manetualain nafa'da nae, “Neukose losa fain-na te, Au so'u-a manek esa fo ndoos ma matetuk neme Dauk tititi-nonosin-na mai. Manek ndia neukose ana paleta no ndolu ma malelak, ma ana tao beek soona, ndoos ma matetuk nai basa nusak-kala.

DANIAL 2:35

Nai hatematak ndia boe, dodoki-dudulak ndia lala'en-na nakalulutuk, de ana da'di besi manadoudouk, dae ulek, liti, lilofulak, ma lilopilas fo noe henin sama leo afu nai keke'di gandum-ma mamanan-na, nai fai hanan-na. Anin-na fuu madoudouk ndia de ana lapu, nalosa ta la'oela leen faa anak boe. Tehu batu manatao natu'u dodoki-dudulak ndia namatua, boema ana da'di lete matuaina de henu basa daebafak-ka lala'en-na.

DANIAL 2:44

Nai lelek manek sila-la paleta, Manetualain manai nusa so'dak-ka, neukose napadedeik nusak esa fo neukose nakatatakak losa dodoon-na, ma neukose leoina bee boe ta hapu sengi fan. Nusak ndia neukose tao nakalulutuk basa nusa fe'ek sila-la lala'en-na.

DANIAL 7:14

Ndia nanafe ha'da-holomata ma koasa, da'dileo manek-ka, nalosa hataholi-la leme basa leoina, ma dede'ak lala'en-na mai, lamahele neun. Koasan-na nakatata'kak losa dodoon-na, ma paletan-na neukose ta nanaloli henik fa.

DANIAL 7:27

Basa nusak manai daebafak-ka lala'en-na koasan ma matua-mademan, neukose nanafek leo Manetualain Fo Mademaina anan-nala neu. Neukose sila koasan soaneu paleta, ta nate'e fa, ma basa manakoasa manai daebafak-ka neukose lamaheles ma ala tungas.”

HAGAI 2:9

Neukose Au Uma beung-nga lole-napun, lena heni makahulun-na, fo nai mamanak ia nde, neukose Au fe mole-dame ma su'i-betes neu Au leoina nga.” Manetualain Fo Manakoasa nde manakokolak-ka.

MATEOS 1:23

“Ana fe'oana mata tema esa, neukose nailu fo ana bongi na ni'iana touanak esa. Ala foi ni'iana ndia na'de, Imanuel.” Imanuel ndia, metema tunga dede'a Ibrani soona sosoa na nae, “Manetualain no ita”.

YOHANIS 12:34

Boema hataholi makadotok sila la lafa'dan lae, “Tunga ami Susula Hoholo-lalane ma nafa'da na soona, Mane Mana Fe So'da ka neukose naso'da losa dodoo na. Naa, tao leo beek de O mafa'da mae, Ana Hataholi ka muse nananamatutua-namadedemak nai daebafak ia poi na? See Ana Hataholik ndia?”

IBRANI 1:8

Tehu neu Anan ndia, Manetualain nafa'da nae, “O nde bee na Manetualain, ma neukose O paleta da'dileo Manek neme doon losa dodoo na! Neukose O nde koasa ma paleta no matetu na.

IBRANI 7:24

Tehu Yesus naso'da losa dodoo na, da'di nangatutuun da'dileo ima ma, ta lali leo hataholi fe'ek neu fa.

NINITAK 19:11

Basa boema, au ita nusa so'da ka natahuka, boema au ita ndala fulak esa. Manasa'e ka na'de, Fo Mana Lilinekak ma Ndoos. Ana tao tunga ndo na, nai naketu huhuku ka dalek ma nai natee-natati ka dalek.