YESAYA 9:18 - Susula Malalaok Hehelu Palak Ma Hehelu Beuk

¹⁸ Manetualain Fo Manakoasa, namanasa nanseli, ma huhukun-na sama leo ha'i manapila lo'a-lo'ak, de leoina ndia da'di neu mina dae de ha'i nana'a henin. Ta hapu hataholi esa boen sue-lai tolanoon-na fa

YESAYA 9:18 ပူးပေါင်းရင်းမြစ်များ

1RAJA-RAJA 16:21

Boema heaba'e leoina Israel-la, nanahu hapu nggelok nau fo ela Tibni fo Ginat anan-na da'di manek, tehu hapu nggelok bai soona, ala nau Omri da'di manek.

MAZMUR 37:20

Tehu hataholi mangalauk-ka, neukose mopo-maten, neukose mopo Manetualain musun-na, sama leo bunga nai mook-ka, neukose mopok-kasa, lai ha'i masuk dale.

MAZMUR 68:2

Manetualain fo'a, de Ana tao tapasasala musun-na, hataholi fo ta lahiik-kana fa, lalai leme matan-na mai.

MAZMUR 83:14

Ou Manetualain, nggenggela-ngganggalis sama leo dae sopuk-ka, ma sama leo anin-na fuu neni ha'deaik-ka.

YESAYA 1:31

Sama leo ha'ikaa anak esa, ana hotuheni ha'deaik-ka, leondiak boe, hataholi mana koasa-la, neukose sila tatao-nono'i mangalaun-nala, nde tao lamopo-lamates-sala, de ta hapu hata esa boen, bisa tao nate'e nakalulutuk ndia fa.

YESAYA 1:7

Emi nusam-ma, nanatao namopo-namatek so; emi kotam-mala, nanahotu henik. Hataholi nusa dea-la, ho'i-la emi daem-ma, de ala tao lakalulutuk la'iesak-kasa nai emi matam.

YESAYA 26:11

Manetualain, O maheheleaom, fo huku O musum-ma, tehu ala ta bubuluk fa. Nemen-na fo, ala hapu mamaek nai lelek lita O susue-lalaim ba'eneu O anam-mala. Nemen-na fo mate-mopo la'iesak-kasa, hu kande hoholo-lalanek fo O sadian ba'eneus.

YESAYA 27:4

Au ta amanasa so'on. Metema, hapu na'u do makatema dila-nggauk soona, neukose Au taoisan, ma Au hotuheni la'iesak-kasa.

YESAYA 3:5

Neukose hataholi-la, esa tuni-ndeni esa. Hataholi muli-soluk-kala ta nau lamanene lasik-kala, ma ni'iana-la ta nau lamanene hataholi matua-la fa.

YESAYA 30:30

Neukose Manetualain fe hataholi namanene hala matua-mademan, ma basa hataholi-la, neukose lame'da lita koasa matuainan-na. Neukose nasa-melun neni ha'i mana'a naputuk-ka, u'da matuaina, u'da batu, ma ani-sangu.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YESAYA 33:12

Emi sama leo batupiak fo nanahotuk, soaneu taon da'di ha'o; sama leo makatema dila-nggauk fo nanatati henik, ma nanahotu henik nai ha'i dale.

YESAYA 33:14

Hataholi masala-masingok manai Sion-na, ala dele bengge'be no bibii-namatauk-ka. Lafa'da lae, “Manetualain nakeketun-na, sama leo ha'i pilak-ka, losa dodoon-na. Ade fafa'kama, hapu hataholi nakatatakak nai ha'i fo, manatao namate-namopok ndia dalek do ta?”

YESAYA 5:24

Emi ta sipok Manetualain Fo Manakoasa nanolin-na fa, ma emi makadadaek Israel Manetualain malalao-malalafun-na paletan-na so. Hu ndia de, sama leo ha'deaik-ka ma na'u tuuk-ka putun nai ha'i dale, leondiak boe, emi okam-mala, neukose laboo emi bungam-mala lamatuu, fo anin-na fuu nenis.

YESAYA 50:11

Hai emi fo, nau tao soe hataholi fe'ek, neukose emi nanatao namate-namopok, hu kande emi dale tutu'u mesam-ma. Manetualain nde tao manada'dik ndia, neukose emi nanafepa-li'uk nenik fefepa-lili'u mabela.

YEREMIA 9:3

ma laheheleaon tataas esa, fo lasapepeko-lasandandali. Ndoos-sa ta koasan-nai nusak-ka lala'en-na fa, nakalenak puta-paik feo nusak-ka. Manetualain nafa'da nae, “Au anang-ngala, ta hahae tao tatao-nono'i mangalauk fa, Ala ta manaku Au, da'di leo sila Manetualain fa.”

HOSEA 13:3

Hu ndia de, neukose hataholi sila-la sapu-lalo, sama leo ko'dendenuk-ka do dinis-sa nai fafai anan-na. Neukose, sila sama leo anin-na fuu gandum aik-ka afun-na, nai mamana fefepa gandum ma, ma sama leo ha'imasuk fo ana kalua neme pipa dale mai.

YOEL 2:20

Neukose Au usi heni, lamak bubua matuaina, manamaik leme kii mai-a, Au usi heni seli leo moo solokaek-ka leu. Au akaseti dalak manai uluk-ka, leo Tasi Pilas-sa neu. Au tipa dalak manai dea, leo Tasi Tala'dak-ka leu. Mates de neukose laboo. Neukose Au tao amopo-amates, nana ala tao doi-doso emi so.

YOEL 2:3

Ala tao lisa basa bubu'u-palusa lala'en-na, sama leo ha'i na'as de putus. Makahulun-na, nusak ndia sama leo Eden, fo Manetualain osin-na, Basa ndia boema, nalupa leo mo solokaek fo na'u-aiana ta moli fan. Ta ela hata esa boen, ta hapu hata esa boen, fo naladeak neme lamak sila mamain-na fa.

AMOS 7:4

Au hapu ninitak esa seluk neme Manetualain Fo Mademaina mai. Au ita naheheleaon, fo Ana huku anan-nala nenik ha'i. Ha'i ndia na'a heni tasi manai daebafak-ka buin-na ma ana mulai na'a heni tina-la.

OBAJA 1:18

Neukose Au anang Israel sama leo ha'i, fo na'a heni basa Esau tititi-nonosin, sama leo ha'i na'a heni ha'deaik-ka nai tina. Ta hapu hataholi esa boen neme Esau tititi-nonosin mai, neukose naso'da. Au, Manetualain nde manakokolak-ka!

NAHUM 1:10

Neukose o nanahotuk sama leo ha'deai tuuk-ka sama leo dila-nggauk fo lafefeoao.

NAHUM 1:6

Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

MATEOS 25:41

Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

ULANGAN 32:22

Neukose, Au nasa-melung lua ponu-ponu sama leo ha'i fo na'a losa daebafak-ka buin-na, Ha'i ndia na'aheni daebafak-ka no basa oe-isin lala'en-na, ma na'a losa letek-kala buin-na.

IBRANI 6:8

Tehu metema dae ndia nabuna-naboa fii, ma na'u ai ana madila-nggauk, soona dae ndia sosoa-ndandaan ta, de mahani te, neukose Manetualain soo-supan, fo mate'e na, nanahotu henik.

NINITAK 14:11

Ha'imasuk maneme ha'i fo manatao doidoso hataholi sila la, neukose namasu poka-poka nakandondoo henin losa dodoo na. Lele'do-le'odaen ha'imasuk ndia ta hahae tao doidoso fas, fo nde sila fo manasene-do'ok neu bana ndia no lupa ao nanadoki dula na, ma basa hataholi fo ana hapu bana ndia ta'du-tanan.”