YESAYA 9:13 - Susula Malalaok Hehelu Palak Ma Hehelu Beuk

¹³ Hu ndia de, ka'da nai faik esa dalen-na mesan, Manetualain huku Israel mauli-malangan ma laun-nala. Ana te'te heni langan-na ma ikon-na de Ana tapa henis.

YESAYA 9:13 ပူးပေါင်းရင်းမြစ်များ

2TAWARIKH 28:22

Nai maso'dak fo henuk no toto'a-tataak ndia dalek, Ahas boetai tao sala-singok neu Manetualain.

AYUB 36:13

Hataholi lamatua taak-ka, nape'da nasa-meluk; leomae, Manetualain hukun boe, ala ta nau loke tutulu-fafalik fa.

YESAYA 1:5

Tao le'e de, emi ka'da mase'i makandoo? Ade emi nau huku emi belak-ka seluk bai do? Emi langam-ma bisu-bisu mesan so, emi dalem-ma, ma emi dudu'a-aafim he'dis.

YESAYA 19:15

Ta hapu hataholi fo, bei ndole-ndaku nai Masir fa, nau manakoasa do laun, nau hataholi nananita-nalelak do hataholi biasa boe.

YESAYA 26:11

Manetualain, O maheheleaom, fo huku O musum-ma, tehu ala ta bubuluk fa. Nemen-na fo, ala hapu mamaek nai lelek lita O susue-lalaim ba'eneu O anam-mala. Nemen-na fo mate-mopo la'iesak-kasa, hu kande hoholo-lalanek fo O sadian ba'eneus.

YESAYA 31:1

Soe ba'eneu hataholi fo, neu noke tutulu-fafalik neme Masir mai. Dalen-nala lamatua neu Masir solda'dun-nala be'i-balakain, no solda'du manasa'e ndalan-nala, ma ndalan-nala balakaik mesa-mesan, boema kaleta makadoton-nala. Tehu ala ta lamahele Amak, fo Israel Manetualain malalao-malalafun-na fa, de ta loke tutulu-fafalin fa.

YESAYA 57:17

Sila sala-singo manatenepetan-na, nde taon-na Au amanasa, hu ndia de, Au hukus, ma Au la'oelas. Tehu, ala lalangabatu, de ala hele aon sila enon-na.

YESAYA 7:20

Neukose Manetualain se'ba mane Asyur-ra fo ana tao Israel sama leo tuka nggeu langak, fo ana nggeu heni langadoon-na, ma basa buluk manai aon-na.

YEREMIA 15:7

Nai basa kota manai nusak ia neukose Au tu'u-tapa heni emi sama leo ha'de aikak. Leomae emi nde been-na Au anang boe neukose Au tao amate-amopo emi ma emi anam-mala nanahu emi ta nau tao mahii emi so'dam-ma eno-dalan fa.

YEREMIA 29:11

Nana Au ia bubuluk Au dudu'a beek-ka ba'eneu emi? Dudu'a-dudu'ak sila-la ta soaneu tao amopo-amate emi fa, te soaneu emi tetu-temam, ma soaneu fe emi so'da fai manamaim-ma henuk no namahehenak-ka.

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

YESKIAL 22:24

“Hai hataholi daebafak fo, manasapu-manalalok-konei, mafa'da hataholi Israel-la, mae sila daen-na nanggenggeo, hu ndia de, Au amanasa de Au hukun.

YESKIAL 24:13

Hai Yerusalem, o tatao-nono'i ha'da hataholi taa-ma, tao nanggenggeo o aoinam-ma. Au so'ba, tao balisi o, tehu sosoa-ndandaan ta, nana o manggenggeok mahele. Neukose, o ta balisi seluk so'on, losa Au kalua Au nasa-melung neu o.

DANIAL 9:13

Susa-soe fo nanasulak nai Musa susula hoholo-lalanen lala'en-na dalek, O mapalunis neu ami so. Tehu leomae leondiak boe, ou Manetualain fo ami Manetualaim, ami ta nau sipok-kana fo tao mamahoko O dalem-ma fa. Ami ta nau la'oela ami sala-singom makandondook fa, boeo ami ta nau taoafik neu O nanolim-mala fa.

HOSEA 5:15

Neukose, Au la'oela Au anang-ngala, losa doi-doson-nala dai, nanahu sala-singon-nala, boema ala mai sanga Au. Fafa'kama, nai doi-doson-nala dalek, neukose ala sanga enok, fo latongo loo Au.”

HOSEA 7:10

Hataholi Israel-la, koao-ndaeaon nananitak no mangale'dok, de ana da'di buti neu sila salan-nala. Leomae basa sila-la ala da'di so, te ala ta sanga Au boen, do ala fali leo Au, fo Manetualain, fo sila Aman Manetualain fa.

HOSEA 7:16

Ala tunga lahele ka'da lamatua daebafak fo ta lanuu koasa hata-hata fa. Ta bisa namahena fas, nana sila sama leo kokouk fo tali-na nakama'a. Sila mauli-malangan kokolak no koao-ndaeaok, hu ndia de, neukose taonisas nenik tafaina, fo hataholi Masir-rala hikas.”

AMOS 4:10

Au haitua he'di-laus leo emi neu, sama leo Au haituan leo Masir neu. Au taoisa emi hataholi muli-solum-mala nai natee-natatik dale, ma ala loso-la emi ndalam-mala. Au tao ahenu emi lalaa temam-ma nenik mamates, fo emi ta makataka boon-na fa. Leomae leondiak boe, emi ta nau fali leo Au mai boen.

AMOS 4:6

Au nde fe la'a-ndoes neu basa emi kotam-mala, tehu emi ta nau fali leo Au mai fa.

ZEFANYA 1:6

Neukose, Au tao amopo-amate sila, fo ala ta mai leo Au mai fa, do loke Au hehela-nonoleng, ma sila fo manala'o ela Au, ma ala ta nau tunga Au so'on.”

ULANGAN 4:29

Boema, neukose emi sanga emi Manetualaim-ma, fo metema emi sangan no emi dale katematuam-ma soona, neukose emi hapun.