YESAYA 8:9 - Susula Malalaok Hehelu Palak Ma Hehelu Beuk

⁹ Hai basa leoina-la lemin, Makabubua no nggenggengek leona! Mamanene leon, hai daebafak-ka pe'dan-nala lemin! Maheheleaom leona, fo matee-mata'ti, tehu no dalek fo manadele ngge'be-ngge'bek! Hei, maheheleaom leona, tehu no dalek fo, manadele ngge'be-ngge'bek!

YESAYA 8:9 ပူးပေါင်းရင်းမြစ်များ

1RAJA-RAJA 20:11

Mane Ahab-a nataa nae, “Mafa'da Mane Benhadad-a mae boso mamatutua dalem-ma nai lelek natee-natati be ta, tehu mamatutua dalem-ma nai lelek basa natee-natatik-ka.”

AMSAL 11:21

Hataholi mangalauk-ka, tao leo bee-o, ana hapu huhukuk; tehu hataholi malole-a, neukose naso'da.

YESAYA 28:13

Hu ndia de, neukose emi mamanene Manetualain hala-kokolan-na, nae leo ia: “Muse ia, muse ndia, muse leoiak, muse leondiak, muse popo-tama ia, muse popo-tama ndia!” Ma nai lelek emi la'ok, emi tu'u malelenga la'da, nalosa emi makahina, mala hihi'ik dale ma nanafook.

YESAYA 37:36

Le'odaek ndia boe, Manetualain ata nusa so'dan-na, ana mai leo hataholi Asyur-rala ofun-na neu, de ana taonisa solda'du lifun natun esa faluhulu lima. Balahaa fafaianak te, popolan-nala lalefu-le'ak.

YESAYA 54:15

Metema o nanasapu-nak soona, Au ta nde adenu-a fa, su'di see fo, ana sapu-na o soona, neukose ana tu'da.

YEREMIA 42:11

Bosobai bii neu manek Babel ndia. Hapu Au nai emi tala'da soaneu tulu-fali ma soi-po'i emi neme ndia koasan-na mai.

YEREMIA 46:3

“Soloda'du Masir-rala eeki lapane'e neu sila soloda'du matee-matatin-nala lahehele aon-nala, ‘Tao matane tee-la! Pake ba'du besik ma topi bai! Siap ba'du baba fanak fo mu lo balisan dale mu! Emi, soloda'du matee-matatik manasa'e ndala-la, makak lapa neu ndala-la bafan-nala! Sa'e emi ndala-mala, tutulu matak fo matee-matati!’

YEREMIA 51:20

Manetualain nafa'da nae, “Babel sama leo ai fefepak, Au sisilong-nga soaneu nate-natatik. O nanapake fo soaneu sapu-la leoinak-kala ma nusan-nala.

YESKIAL 38:7

Madenun fo naheheleaon, ma fe paleta neu basa solda'du fo, manatunga loon-na, fo ela laheheleaon tunga paletan-na.

YESKIAL 38:8

Bei teuk de'ubee seluk bai soona, neukose Au paletan fo, neu sapu-na nusak esa no laun fo, nanatao nakabubua falik leme leoina makadotok tala'da mai, fo basa boema, ala leo lai nusak ndia, no nee-nee lino-linok. Neukose Gog nangatuu-na Israel leten-nala, fo nee-nee lino-linok dook-ka so, ma henuk no ai batu manatapasasalak-kala, tehu besak ia, laun fo bei maso'dak-kala, ala leon no nee-nee lino-linok.

YOSUA 11:5

Basa manek sila lakabubua, de basa-basas mai ofu deka loo Lee anak Merom-ma, fo ala sapu-la Israel.