YESAYA 8:7 - Susula Malalaok Hehelu Palak Ma Hehelu Beuk

⁷ Hu ndia de, Au fo Manetualain, neukose adenu mane Asyur-ra mai no solda'dun-nala lala'ena, fo ala sapu-la Yehuda. Neukose ala tutulumatak sama leo Lee Efrat fo oen-na lua ponu-ponu fo ana faa leo felak-kala neu.

YESAYA 8:7 ပူးပေါင်းရင်းမြစ်များ

KEJADIAN 6:17

Te neukose, Au fe faa tuak-ka mai, fo ana tao namopo-namate basa mahahae maso'dak, fo laso'da nai daebafak-ka. Basa hata lala'en, fo manai daebafak-ka, neukose mate la'iesak-kasa,

2RAJA-RAJA 19:32

Manetualain nafa'da la'eneu manek Asyur-ra, nde ia, ‘Neukose, ana ta bisa masok Yerusalem, do ana kou kokou isik leo kota ndia neu fa. Solda'du manapake babaa fanak-kala, neukose ta hapu esa boen, fo ana bisa deka kota ndia fa, ma neukose, ta nadodou dae, fo da'di papala nanadamak, soaneu nakahapin-nan fa.

EZRA 4:10

boeo, neme leoina fe'ek, fo Asnapar Fo Matua-madema foo nenis, de ana fes leo lahele leme kota Samaria, ma kota-kota fe'ek manai propensi Efrat Muli dalek.

MAZMUR 46:4

leomae tasi fo'a, fo lii-la lapoponu, ma pupukuk-kala dele, hu kande fefepa-lili'un.

MAZMUR 72:8

Neukose nusan-na, namaloa neme tasi leo tasi neu, natabaa neme dulu losa muli.

YESAYA 10:16

Hu kande hataholi Asyur-ra, lamatutua-lamadedema aoinan-nala so, de neukose Manetualain Fo Manakoasa, neukose Ana fe he'di-laus-sa mai, soaneu huku malanga solda'du ao makadelek sila-la. Neukose ala hapu he'di sumaik manalope-lopek-ka, sama leo ha'ipilak-ka, nakandondoo henin.

YESAYA 10:5

Manetualain nafa'da nae, “Soe ba'eneu Asyur! Au pake Asyur da'di leo ue, ma ai kalapu'ak soaneu fepa hataholi fo Au nasa-melung tu'da la'es.

YESAYA 11:15

Neukose Manetualain tao nama'da Namo Suez-sa. Ana fe ani mato'bik-ka mai, nalosa Lee Efrat-ta ana da'di oe ba'e kaba'ok hitu, de hataholi manapake ta'bueis-sala, bisa lena tunga dalek.

YESAYA 28:15

Emi mafa'da basa, mae emi tao hehelu-balatak mo mamates-sa, ma emi mala halak mo hataholi manamatek-kala, daebafan-na. Emi mame'da mae tao leo bee-o, soe fo manamaik ndia, neukose ana ta tuni la'e emi fa, nanahu emi pake eno tipu-daik, soaneu masulu-mahapa emi aoinam-ma.

YESAYA 28:17

Au tao ndoos ma matetuk-ka, da'di tali uukuk, ma Au tao dale ndoos-sa da'di tali sipak.” Neukose u'da batu-a, ana sasapu balisi basa masapepeko-masandandalik fo, emi dalem-ma natea neun ndia. Neukose faa, ana ba'u neni emi mamana keke'kem-ma.

YESAYA 28:2

Neukose Manetualain nadenu hataholi balakaik, ma ao makadelek esa. Mamain-na sama leo sangu-a sama-sama no u'da eis-sa, sama leo u'da ina ma faa manenik-ka.

YESAYA 43:2

Metema, o lena tunga oe dale soona, neukose Au sama-sama o o, neukose, o ta bolo nai, o toto'a-tataam dale fa. Metema, o la'ok tunga ha'i dale soona, neukose ha'i-a, ta na'a naputu o fa, Soso'ba-susu'di mabelaina-la, neukose ta tao soe o fa.

YESAYA 59:19

Neukose basa hataholi-la, leme dulu losa muli, ala bii-lamata'u neu koasa ma matua-mademan. Neukose, Ana mai sama leo lee, fo oen-na naneni, fo Manetualain ani hahaen-na, nde taon-nan naneni ndia.

YESAYA 7:17

Neukose Manetualain fe mane Asyur-ra mai, fo o ma basa o teidalem-mala, boema o laum-mala, neukose lame'da lita fai-faik fo henuk no hahae makase'ek fo lena henin, neme hata fo emi mame'da hain, ndek lelek heaba'e nusa Israel-la ma nusa Yehuda.

YESAYA 7:20

Neukose Manetualain se'ba mane Asyur-ra fo ana tao Israel sama leo tuka nggeu langak, fo ana nggeu heni langadoon-na, ma basa buluk manai aon-na.

YEREMIA 47:2

Manetualain nafa'da nae, “Mete mitak, oe-a faa neme kii mai ma ana lua ponu-ponu sama leo lee-a faan-na de ana lokan-na basa nusak-ka no basa oe isin lala'en-na, kotan-nala no basa laun-nala. Neukose hataholi-a nggasi loke tutulu-fafalik ma basa laun-nala kii-lamatani.

YEREMIA 51:42

Tasi oe lua leo Babel neu; lii-na fo'a sa'e la nusak ndia.

YESKIAL 26:19

Manetualain Fo Mademaina, nafa'da nae, “Au tao o da'di kota fo, nee-nee lino-linok, sama leo kota fo, laun ta. Neukose Au fe oe-a neme tasi maloaina buin-na mai, fo ana poti-na o.

DANIAL 11:10

Boema manek nusa kii-a anamanen-nala laheheleao soaneu latee-lata'ti, de ala hoka basa solda'du-la de da'di bubua matuaina esa. Solda'du sila-la esa neu sapu nakahuluk sama leo faa oek-ka. Ana sapu-nalas neu kala'i dua-na boema, ana kae kota musu-a.

DANIAL 11:22

Basa solda'du lala'en-na, ala la'ban-nana, hei leomae Imam Matuaina boeo, neukose ana sapu balisis ma ana taonisas.

DANIAL 9:26

Nai tepo-lelek ndia mate'en-na, mauli-malangan fo Manetualain helek sila-la, neukose nanataonisak, te se'kona salan ta. Soona mane mabe'i-balakaik esa solda'dun-nala mai, boema ala tao lakalulutuk kota Yerusalem-ma ma Manetualain Uman-na. Neukose tepo-lelek ndia mate'en-na, ana mai sama leo faa matuaina, fo neni natee-natatik, ma nakalulutuk, sama leo Manetualain naketu basan so.

AMOS 8:8

Neukose daebafak-ka dele, ma basa hataholi-la dalen-nala susa. Basa nusak-ka lala'en-na nanggengo ma ko'ba-ka'bo sama leo Lee Nil-la.

AMOS 9:5

Daebafak-ka nanggengo, de laun-nala dalen-na susa, nanahu Manetualain Fo Mademaina ma Manakoasa koi la'es. Sama leo Lee Nil-la luu mai, ma ana ma'da neu, leondiak boe, ala kae leo lain leu boema ala tu'da.

MIKHA 1:9

Nana Samaria bisun-nala ta hapu hai fa, ma neukose ua-nalek fo sama, tuni-ndeni-na Yehuda. Susa-soe losa Yerusalem, fo au leoinang-nga dae-oen lelesuinan-na so.

MIKHA 5:4

ma neukose Ana fes mole-dame. Metema solda'du Asyur-ra sapu-la ita nusan-na, fo ala hona lakalulutuk ita kota musun-na soona, neukose ita tadenu ita mauli-malangan mabe'i-balakain-nala fo latee-lata'ti los. Ita mauli-malangan sila-la, neukose ala sengi Asyur no be'i-balakai tafa-sisilo, fo soi-tefa-na ita neme sila liman mai.

NAHUM 1:8

Sama leo faa matuaina ana mai, Ana tao nakalulutuk musun-nala. Sila fo lapalani la'ban-nana, Ana hotu fes nenik mamates-sa, nalosa mopo-mates.

LUKAS 6:48

Hataholi ndia sama leo tuka fo lelek nafofo'a uma na, ana kali nan dema na seli, boema ana tao fanderen na neu batu lain. Nai lelek faa tua ka ana mai, fo lee oe na sa'e na uma ndia soona, ta nakababale faa anak boen, nana nafofo'a basan nai netes matea lain so.

NINITAK 17:15

Ata nusa so'dak ndia boeo nafa'da nae, “Oe fo o mitak ndia nde bee na mamanak fo manasosoa piaok ndia nangatuuk, fo nde leoina la, lau nala, nusaina la, ma dede'a kala.