YESAYA 8:22 - Susula Malalaok Hehelu Palak Ma Hehelu Beuk

²² do leo dae neu, neukose ta lita hata esa boen, te ka'da to'a-taak-ka, makahatuk-ka, boema makahatuk fo neni bibii-namata'u matuaina. Neukose sila nanatu'u-tapak leo mamana makahatuk ndia neu.

YESAYA 8:22 ပူးပေါင်းရင်းမြစ်များ

AYUB 18:18

Nanausi henik neme mangale'dok-ka mai, leo makahatuk dale neu; nana-nadook neme hataholi maso'dak-ka daebafan-na mai.

KELUARAN 10:21

Manetualain nafa'da Musa nae: “So'uk o limam-ma leo lain neu leona, soona neukose makiu makahatuk-ka potin-na dae Masir-ra.”

KELUARAN 10:22

Musa so'uk liman-na leo lain neu, de nai faik telu dalen-na, makiu-makahatuk-ka poti-na dae Masir-ra lala'en-na.

AMSAL 14:32

Hataholi mangalauk-ka mopo-mate, nanahu tatao-nono'i mangalauk-ka, tehu hataholi malole-a, dale ndoon-na nasulu-nahapan.

YESAYA 30:6

Manetualain hala hehelun-na leo iak, la'eneu basa bana fo manaleo dae kona, “Basa hataholi nadedenuk-kala fua sila keledein ma ontan-nala nenik bua palsen, boema ala la'ok tunga mamanak fo henuk no soe, ma singa, menge malasok, ma buta mali'dak-ka mamana leleon-na. Ala tunu-hotu bua palsen sila-la, neu leoina esa, fo ana ta hapu tulu-fali sila fa.

YESAYA 5:30

Nai faik ndia, nai Israel-lala'en-na, lamanene nasanggati natee-natatik-ka kao-kao, sama leo lii tasi-a. Mitak, nusak ndia lala'en-na makahatuk fo neni makase'ek-ka. Mangale'dok-ka da'di makahatu kiu-kiuk.

YESAYA 50:11

Hai emi fo, nau tao soe hataholi fe'ek, neukose emi nanatao namate-namopok, hu kande emi dale tutu'u mesam-ma. Manetualain nde tao manada'dik ndia, neukose emi nanafepa-li'uk nenik fefepa-lili'u mabela.

YESAYA 50:3

Au tao-a lalai-a, da'di nggeo makahatuk, Au babaa ketun, nenik tema susa.”

YESAYA 59:9

Boema, leoina ndia, nafa'da Manetualain nae, “Besak ia, ami bubuluk, tao le'e de, O ta soi-tefa-mala ami neme hataholi fo, manatuni-ndeni ami-a fa. Ami mahani mangale'dok-ka, tehu hapu ka'da makiu-makahatuk-ka.

YESAYA 60:2

Makiu-makahatuk-ka, potin-na daebafak-ka, Makiu-makahatuk-ka, potin-na leoinak-kala; tehu Manetualain mangale'don-na, ana tii nai o lain, mandela-masa'an, nananitak nai o lain.

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

YESAYA 9:1

Leoina fo naso'da nai makiu-makahatuk-ka dalek, lita mangale'dok-ka; sila fo manaleo manai mamates-sa salaon-na dalek, mangale'dok-ka nasalaa nalas.

YESAYA 9:20

Hataholi Manasye-la ma hataholi Efraim-mala, esa sapu-na esa, boema ala sama-sama la'ban Yehuda. Tehu Manetualain bei namanasa, de Ana huku nahele.

YEREMIA 13:16

Emi muse mamatua-mamadema emi Amam Manetualain-na, te ana beita fe makahatuk-ka mai fa, emi eim-ma makatunun nai letelepak-ka, te mangale'dok fo emi mamahehenak-ka beita tao nasafali fan da'dik makiu-makahatuk fa.

YEREMIA 23:12

Hu ndia, de sila enon-na neukose talimo'dis-sa ma makahatuk-ka, de nalosa ala lo'do de la tu'u leu. Neukose Au uni soe ba'eneu sila, metemea fain-na losa soaneu huku-doki sila. Au, Manetualain nde manakokolak-ka.

MATEOS 22:13

Boema manek ndia nafa'da malalau-maoono nala nae, ‘Pa'a hataholi ia ei liman fo tapan leo deak neu, fo nai mamana makahatu ka. Nai ndia neukose ana hapu ka'da kikiik ma doidoso ka.’ ”

MATEOS 24:29

“Lelek toto'a tataa ka nate'e beita doo ka boen te, le'do a neukose makahatuk, ma bula ka ta nasalaa so'on. Neukose nduu kala, ala tu'da leme lalai mai, ma mana koasa manai lalai maloa, neukose ta latetu-landaa so'on.

MATEOS 8:12

Te see ko na hataholi fo tunga ndo na ala da'di Manetualain hataholi kamahehele nala, neukose sila nanatapahenik leo makahatuk manai dea ka leu. Nai ndia neukose ala doidoso.”

YUDAS 1:13

Sama leo lii napoponu nai tasi lai fo nafufu'de, leondiak boe, hataholi sila la tatao-nono'in nini mamaek. Sila nde bee na, sama leo bana mana leu-laa ka, fo Manetualain sadia basa mamana nala, nai makahatu ina dale, losa dodoo na.

NINITAK 16:10

Boema ata nusa so'da kalima ana po'a nggalaa na isi na leo bana ndia kandela mane na neu. Boema bana ndia nusa na da'di makahatuk ma hataholi daebafa ka ala kaa maa nala, hu ka nde lame'da he'dis.