YESAYA 8:20 - Susula Malalaok Hehelu Palak Ma Hehelu Beuk

²⁰ Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

YESAYA 8:20 ပူးပေါင်းရင်းမြစ်များ

EZRA 10:3

Mai fo ata soo-supa neu Manetualain, tae neukose ita usiheni basa ina fe'ek sila-la, sama-sama loo anan-nala. Neukose ami tunga o nanoli-nafa'dam lala'en-na, ma hataholi fe'ek, fo ala fe ha'da-holomata neu Manetualain paletan-nala, Neukose ami tunga Manetualain Hoholo-lalanen.

MAZMUR 119:130

Metema nafa'da mangalele'do O nanolim-ma soona, neni mangale'dok, ma ana fe malelak neu hataholi taidaek-ka.

MAZMUR 78:5

Ana fe hoholo-lalanen neu leoina Israel-la, ma Ana fe paletan-na, neu Yakob tititi-nonosin. Ana nadenu ita bei-ba'i kain-nala lanolin neu sila anan-nala,

AMSAL 4:18

Hataholi mangalauk-ka enon-na makahatuk, sama leo makahatuk-ka nai fai le'odaen-na. Ala lakatunu, fo ala tu'u leu, tehu ala ta bubuluk fa. Nasafalin-na, enok fo hataholi malole-a la'ok tungak-ka nde been-na, sama leo le'do-a tii mai; ana boetai mangale'dok-ka, losa mate'en-na, mangale'don-na namatua.

YESAYA 1:10

Yerusalem, basa mauli-malangan, ma emi leoinam-ma, da'di sama leo hataholi Sodom ma Gomora so. Mamanene hata fo, Manetualain nafa'dan neu emi; taoafik neu hata fo, ita Manetualain-na, nanolin neu ita.

YESAYA 8:16

Au ana sakolang emi, de emi muse pe'da ma makaboboi hala heheluk fo Manetualain fen neu au-a.

YESAYA 8:22

do leo dae neu, neukose ta lita hata esa boen, te ka'da to'a-taak-ka, makahatuk-ka, boema makahatuk fo neni bibii-namata'u matuaina. Neukose sila nanatu'u-tapak leo mamana makahatuk ndia neu.

YEREMIA 6:16

Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”

YEREMIA 8:9

Basa hataholi manatee-tenok, fo manai emi tala'da heom-mala, neukose nananakamamaek. Neukose mopo manatee-tenon-nala, fo lala hihi'ik dale. Ala ta nau sipo Au nanoli-nafa'dang fa; besak ia, sila bei lanuu manatee-tenok beek-ka bai?

HOSEA 6:3

Hu ndia de, mai fo ata sanga enok, soaneu te'e-te'e talelak Manetualain. Tao leo bee-o, neukose Ana mai leo ita mai, sama leo le'do-a tii mai, ma sama leo u'dan-na tao nakadoe daebafak-ka nai faik u'dan-na nate'e.”

MIKHA 3:6

“Hai nabi, emi faim-ma, hihii nae basan so; emi le'dom-ma sanga tenak so. Neukose emi ta hapu seluk ninitak fo nafa'da Au dale tutu'ung-ngala so'on. Neukose emi ta hapu mafa'da memak hata-hata so'on.”

MALEAKHI 4:2

Tehu ba'eneu emi fo manatunga Au-a, Au koasang fo manasoi-tefak-ka, neukose ana tii mai, sama leo le'do-a, de haan-na neni nakahahaik. Neukose emi matapo'i ma mamahoko, sama leo sapiana fo besak-ka ana kalua neme lalae dale mai.

MATEOS 22:29

Boema Yesus nataa nae, “Emi sala manseli, nanahu emi ta malelak Susula Malalao ka isi liin, ma Manetualain koasa na fa.

MATEOS 6:23

Tehu metema emi mata ma keluha'bu ka soona, emi ao paa ma makiu-makahatuk. Da'di metema banuk manai emi ao paa ma dalek ndia, makahatuk soona, makahatuk ndia ba'u na seli!”

MARKUS 10:3

Boema Yesus nae, “Musa fe paleta beek neu emi so?”

LUKAS 10:26

Yesus nataa nae, “Ala sulak beek nai Susula Malalaok dale? O hahapu ma leo beek la'eneu dede'ak ndia?”

YOHANIS 5:39

Emi maedaenga emi manoli Susula Malalao ka, fo no enok ndia emi hapu maso'da matetu ka, ma manaketu basa tak ndia. Boema Susula Malalaok ndia nde fe sakasii la'eneu Au.

HATAHOLI 17:11

Hataholi manai Berea la hii lamanene Paulus no Silas tutui-bebengan, lenaheni hataholi Tesalonika la. Lamanene Lamatuak Yesus dede'a-kokolan no namahokok, ma tunga faik ala lees Susula Malalao ka fo ala bubuluk, ade Paulus nanolin sila la tete'e ka do ta.

ROMA 1:22

Lafa'da lae, sila hataholi manatee teno kala, te se'ko na nggoa nala seli.

2 PETRUS 1:19

Hu ndia de, ami boetai mamahele Manetualain hala hehelun fo, basa nabi la tui-benga kala. Malole lenak, emi taoafik neu hala heheluk ndia, nana hala heheluk ndia, sama leo banu manapilak esa, nasalaa nai mamana makahatu ka, fo ana pila nahele losa dulu fula, boema sama leo nduu timu a, fo nasalaa nai emi dalem dale.

2 PETRUS 1:9

Tehu hataholi fo ana ta nanuu ha'da-tataok sila la fa soona, hataholi ndia dale na ma dudu'a-aafin poken, de nalosa nafandele heni sala-singo makahulu nala, nanatao balisik so.