YESAYA 8:16 - Susula Malalaok Hehelu Palak Ma Hehelu Beuk

¹⁶ Au ana sakolang emi, de emi muse pe'da ma makaboboi hala heheluk fo Manetualain fen neu au-a.

YESAYA 8:16 ပူးပေါင်းရင်းမြစ်များ

2RAJA-RAJA 11:12

Basa ndia boema, Yoyada no Yoas leo deak leu, boema ana tao ti'ilanga manek-ka neu Yoas langan lain, ma ana fen Manetualain susula Hoholo-lananen. Yoas nanandoo eik da'di leo manek, de ala po'a-benga dede'ak ndia, neu laun-na. Basa-basas totoko liman-nala, ma eeki-latadale lae, “So'dak ba'eneu manek-ka!”

MAZMUR 25:14

Manetualain nde been-na, hataholi kamahehelek-ka tia-lain, nafa'da dudu'a-aafin neus.

YESAYA 50:4

Manetualain Fo Mademaina, nanoli au kokolak, fo ela au hala-kokolang natetea-nahehele hataholi manasota-manguk-ka. Tunga-tunga fafain-na, Ana fafae nafo'a au dale hihiing-nga soaneu au amanene, nanolin ba'eneu au-a.

YESAYA 54:13

Basa o laum-mala, ala da'di Au ana sakolang, neukose ala hapu tetu-temak ma so'da-molek.

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

DANIAL 12:4

Boema ata nusa so'dak ndia nafa'da seluk au nae, “Danial, tatana susulak ndia besak ia leona, ma tao segel neun, fo ela nanatatanak nahele losa tepo-lelek mate'ek-ka. Neukose hataholi ba'u ala so'ba palisak matalolole hata fo ana da'di. Tehu sosoa-ndandaan ta.”

DANIAL 9:24

Teuk hituhulu la'i hitu ndia nde faik fo Manetualain naketun soaneu Ana soi-po'i o leoinam-ma, ma o kotam fo malalao-malalafuk ndia neme sala-singok ma tatao-nono'i mangalauk-ka mai. Basa sala-singok lala'en-na, neukose hapu do'o do ampon ma napadedeik natetu ndoos ma matetuk fo manaketu basa taak-ka, nalosa ninitak ma hala nafa'da elak ndia, neukose ala da'di, ma Manetualain Uman fo malalao-malalafuk ndia, neukose pake falik-kana soaneu Manetualain.

MATEOS 13:11

Boema Yesus nataa nae, “Nana Manetualain fe basa emi baba'e-babati malole, soaneu emi malelak bibila-babaak la'eneu tao leo beek fo Manetualain paleta, tehu sila soona ta.

MARKUS 10:10

Ala masok lala uma dale boema, ana mana tunga nala latane Yesus la'eneu dede'ak ndia.

MARKUS 4:34

Makanaema Yesus nanoli hataholi sila la soona, nanoli ninik nakandandaak nakandoo. Tehu makanaema no ana mana tunga nala mesa kasa soona, nafada basa sila la no mangalele'dok.

1 KORINTUS 2:14

Hataholi fo Manetualain Dula Dale na beita nai dalen dale fa, ana ta sipok hata fo Dula Dalek ndia nafa'da ka fa. Nana ba'eneu hataholi ndia, dede'a nggoak basa sila la. Hataholi sila la ta lalela kana fa, nana dede'ak sila la hataholi a bubulu kana ninik ka'da dede'a samane ka.

ULANGAN 4:45

Musa nakalala'ok paleta ndia ndek ala kalua leme Masir mai, de leme bafak manai Lee Yarden-na boboan dulu, fo nasasalematak no kota Bet-Peor-ra. Dae ndia nde been-na dae nangatuu palaak neme hataholi Amori-la manen-na na'de Sihon, fo nde makahulun-na ana paleta neme kota Hesybon-na. Musa no leoina Israel-la sengi manek ndia, nai lelek ala kalua leme Masir mai.

IBRANI 3:5

Musa lilineka da'dileo hataholi malalau-maoono nai Manetualain Uman ma nanduku-nalosak dede'a-dede'ak, fo neukose Manetualain nafa'dan nai fai manamai kala.

NINITAK 10:4

Leondiak manggulu kahituk sila la kokolak basa boema, au nau sula kana, tehu au amanene hala ka neme nusa so'da ka mai nae, “Mafuni hata fo manggulu kahituk sila la lafa'da ka. Boso sula kana!”

NINITAK 19:10

Au bala u ata nusa so'dak ndia mata na, fo au sanga sene-do'o kana, tehu nafa'da au nae, “Bosok! Boso sene-do'ok neu au te sene-do'ok neu Manetualain! Nana au boeo ata sama leo o ma sama leo basa o tolanoom fo manaho'u lahele neu Yesus sakasii na!” Nana Yesus sakasiin ndia fe koasa neu Manetualain hataholi kamahehele nala, fo ala tui-benga Manetualain hala hehelu na.

NINITAK 2:17

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu hataholi kamahehele nala! Sila fo manasengi kala, neukose Au po'i fes la'a loti manna fo nananafuni ka, ma esa-esak neukose ana sipo batu fulak esa neme Au mai. Nai batu ndia, nanasulak na'de beuk esa fo esa boeo ta bubulu kana fa, ka'da hataholi mana sipo nana.”

NINITAK 5:1

Basa boema au ita susula nanalunuk esa nai Ndia fo nangatuuk nai kandela manek ndia lima na. Susulak ndia henuk no susula liik nai boboan duas ma nananakadiditak ninik segel hitu.

NINITAK 5:5

Boema hataholi esa neme lasi-lasik sila la nafa'da au nae, “Boso kii! Mitak, Singa maneme leoina Yehuda fo Dauk tititi-nonosi matuaina na, ana sengi so! Ana sii nabe'i segel kahituk sila la de Ana buka susulak ndia.”