YESAYA 8:10 - Susula Malalaok Hehelu Palak Ma Hehelu Beuk

¹⁰ Tutu'u enok leona, tehu basa-basan neukose manada'di tak. Ho'i nakeketuk leona, tehu sosoa-ndandaan ta, nana Manetualain no ami.

YESAYA 8:10 ပူးပေါင်းရင်းမြစ်များ

KEJADIAN 21:22

Nai lelek ndia, Mane Abimelek-ka, ma Pikhol, fo solda'dun-nala malanga manai lain-na, ala mai leo Abraham mai, de lafa'dan lae, “Manetualain tulu-fali o, nai basa hata lala'en, fo o taok-ka.

2 SEMUEL 15:31

Lelek Dauk hapu halak nae Ahitofel boeo ana tunga sama-sama nai Absalom nakabua makahatun-na dalek boema, Dauk hule-haladoi nae leo ia, “Ou Manetualain, sa'di leo been-na, fe Ahitofel nanoli-nafa'dan manada'di tak!”

2 SEMUEL 17:23

Lelek Ahitofel bubuluk nae ala ta tunga ndia nanoli-nafa'dan fa boema, ana bela ne'a sa'e ndalan-na neu keledein lain, de ana fali ne'un leo ndia kotan-na neu. Ana pe'da-fua matalolole hata-heton lala'en-na boema, ana lonaaon de maten, de latoin nai teidalen-nala loo-laten.

2 SEMUEL 17:4

Absalom no basa mauli-malanga Israel-la sipok nanoli-nafa'dak ndia no malole.

2RAJA-RAJA 6:12

Neme malanga solda'du manai lain sila-la, malangan esa nata nae, “Ta hapu hataholi esa boen Ama Manek. Nabi Elisa nde da'di dopesina! Ndia nde nafa'da mane Israel-la, hata fo Ama manek kokolak-kana, leomae dede'ak ndia nananafa'dak nai kama susunguk dale boe.”

2TAWARIKH 13:12

Ami mauli-malangam nde bee na Manetualain mesak-kana ma basa imam manai ia-la. Ala laheheleaon basa soaneu puu trompet-ta, da'di leo ta'du-tana ba'eneu ami soaneu sapu-ma emi. Hai hataholi Israel-la lemin, boso la'ban Amak fo emi bei-ba'i kaim Manetualain-na! Emi ta bisa sengi fa!”

AYUB 5:12

Ana taon-na hataholi malela keke'dik-ka, dale tutu'un-na, ta da'di fa, nakahihi'ik-kana, de Ana ho'un-na hataholi malelak ma manatee-tenok-ka, nalosa sila sasanga enon lala'en-na, ta da'di fa, ma sila dudu'a-aafin, ke'di seluk-kasa.

MAZMUR 21:12

Metema ala tutu'u enok soaneu la'ban manek-ka soona, sila eno tipu-dain ndia, neukose ta neni buna-boak fa.

MAZMUR 46:1

Teidalek Korah kokoa-kikion-na. Soaneu mauli-malanga nakameek. No Alamot nakameen-na.

MAZMUR 46:11

Nafa'da nae, “Natee-nata'tik-ka, nate'e leona; bubuluk leona, te au ia Manetualain, Au matua-madema nai leoina-la tala'da matua-madema nai daebafak-ka lala'ena.”

MAZMUR 46:7

Manetualain nanggulu, boema daebafak-ka nakalulutuk; leoina-la lakalupu, nusak-kala lakalulutuk.

MAZMUR 46:8

Manetualain Fo Manakoasa nonook ita, Yakob Manetualain-na, nasulu-nahapa ita.

AMSAL 21:30

Ta hapu malelak, dodole maneu ma manatee-tenok fo, bisa nakatatakak nai Manetualain matan fa.

YESAYA 14:27

Manetualain Fo Manakoasa, naketu basa, soaneu tao leondiak. Ana so'uk liman-na, soaneu Ana huku, de hataholi esa boen, ta hapu kena-ka'i fan.

YESAYA 28:18

Emi hehelu-balataam mo mamates-sa, ma emi mala halak mo hataholi manamatek-kala daebafan-na, neukose ta da'di fa, nalosa, metema soe-a ana mai soona, emi lutu-lutu, nanahu nanaheheta-aa'ik.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 43:5

Boso bii, nana Au asulu-ahapa o. Neme dulu ma neme muli mai, Au adenu o upu-anam, mai lakabubua.

YESAYA 7:14

Besak ia, neukose Manetualain nde fe o ta'du-tana. Anafe'oana kailus esa, neukose ana bongi-na ni'iana touanak esa, fo ana foin na'de Imanuel.

YESAYA 8:8

Neukose ala sa'e-la Yehuda, sama leo faa fo dedeman-na losa botolik, de ana lifu-na basa hata lala'ena.” Manetualain no ita! Nakapepela li'dan-na, fo nasulu-nahapa ita nusan-na.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

YEREMIA 42:11

Bosobai bii neu manek Babel ndia. Hapu Au nai emi tala'da soaneu tulu-fali ma soi-po'i emi neme ndia koasan-na mai.

YEREMIA 46:28

Da'di boso bii-mamata'u, hai Au anang-ngala lemin: neukose Au mai soaneu soi po'i emi. Mamanak fo Au tao tapasasala emi nai leoina-la, neukose Au tao amate-amopo la'i esak-kasa, tehu Au ta tao emi tao leondiak fa. Memak emi ta maladeak neme huku-doki-ka mai fa, tehu Au huhuku-dodoking neu emi-a ndebeen-na ndos ma matetuk nanda no makeketun-na.” Au Manetualain nde manakokolak-ka.

RATAPAN 3:37

Metema Manetualain nape'da dale nasak hata esa fa soona, tao leo bee-o, hataholi daebafak-ka ta hapu tao hata-hata soaneu dede'ak ndia fa.

YOEL 3:9

Po'a-benga paleta ia neu leoina-la mae, Maheheleaom fo meu matee-mata'ti ma makasusu'di balakaik! Hoka basa meo-la ma palani ta'ti batu-la; tao makabubua basa solda'du-la fo tutulumatak!

HAGAI 1:13

Boema, Hagai nanduku-nalosak Manetualain hala hehelun-na neu laun-nala, nae Manetualain naheluk basa, nae neukose nasulu-nahapas.

BILANGAN 14:9

Boso la'ban Manetualain, ma boso bii-mamata'u neu hataholi manaleo manai nusak ndia, nana neukose ita sengis, no mu'dak. Nana manamasulu-mahapas-sala, ana la'oelas so, de Manetualain nook ita. Da'di boso bii-mamata'u.”

MATEOS 1:23

“Ana fe'oana mata tema esa, neukose nailu fo ana bongi na ni'iana touanak esa. Ala foi ni'iana ndia na'de, Imanuel.” Imanuel ndia, metema tunga dede'a Ibrani soona sosoa na nae, “Manetualain no ita”.

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

ROMA 8:13

Nana metema emi maso'da tunga hataholi daebafa ka ha'da-paliin soona, neukose mate basa-basa mala, tehu metema emi maso'da tunga Manetualain Dula Dale na koasa na soona, neukose emi tao makamate emi tatao-nono'i masala-masingo mala tataas esa, fo emi hapu maso'da ka.

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?

ULANGAN 20:1

“Metema emi meu matee-matati fo, la'ban emi musum-mala, fo emi mita musu-a kaleta musun-nala, ndalan-nala boema solda'dun-nala de'ulena emi soona, boso bii. Te emi Manetualaim-ma, fo manasoi-po'i emi meme Masir mai-a, neukose Ana tulu-fali emi boe.

YOSUA 1:5

Ta hapu hataholi esa boen, neukose bisa sengi o fa Yosua, nai o fai maso'dam-ma dalek. Nana neukose Au nai o boboam-ma tataas esa, sama leo makahulun-na, Au nai Musa boboan-na. Neukose, Au ta la'oela o fa.

1 YOHANIS 4:4

Tehu, ana ngala lemin! Manetualain nuun emi so. Hu ndia de, emi sengi nabi pepeko kala nana, emi Dula Dale ma koasa na ba'u lena heni, daebafa ka hataholi nala dula dale na.