YESAYA 7:8 - Susula Malalaok Hehelu Palak Ma Hehelu Beuk

⁸ nanahu Siria balakain-na, ta lena neme Damsyik fo Aram nusan-na polon-na, ma Damsyik balakain-na, ta lena neme Manek Rezin-na mai fa. Te se'kona nai teuk neehulu lima dalen-na, neukose Israel heaba'en, nalosa ana ta hapu nakatatakak da'di leo leoina so'on.

YESAYA 7:8 ပူးပေါင်းရင်းမြစ်များ

KEJADIAN 14:15

Nai ndia, Abram ba'e hataholin-nala neu bubuak de'ubee, boema leu sapu-la musu-a la'e fai le'odaek, de ala sengis. Ana usis losa Hoba, fo nai kota Damsyik-ka boboan kii.

2 SEMUEL 8:6

Basa boema, Dauk napadedeik solda'du-la lalaa ofun-nala nai hataholi sila nusan dale, de lakatele neu Dauk, boema ala bae bea leo Dauk neu. Manetualain fe Dauk sengi, su'di nai mamanak bee fo natee-nata'ti.

EZRA 4:2

Hu ndia de, leu latongo loo Zerubabel ma mane leo-la, de lafa'da sila hahapun-na lae, “Fe ami loak, fo ami tunga mafofo'a Manetualain Uman ndia, nana ami boeo sene-do'ok neu tolanook-kala Manetualain-na, sama-na leo tolanook-kala boe. Ami fen tutunu-hohotuk tataas esa ndek Esar-Hadon, fo Asyur manen-na, no ami leo ia mai-a.”

YESAYA 8:4

Nana ni'iana ndia beita kokolak nalelak ‘Ama’ ma Ina fa, te basa Damsyik su'i-beten lala'ena, ma basa bua kakalok Samaria-la, neukose nanaso'uk leo mane Asyur-ra neu.”

YESAYA 9:11

Leoina Siria nai dulu, ma leoina Filistin-na nai muli, de ala kalo Israel. Tehu Manetualain bei namanasa, de Ana huku nahele.

YESAYA 9:9

“Uma matuaina fo papala nanadamak batu cetak-kala tu'u leu so, tehu neukose, ami tao uma batu beuk neme batu-a mai. Ai kaak-kala nanalo'o basak so, tehu neukose ami nggatis nenik ai kaiou Libanon neulauk.”

YEREMIA 49:23

Manetualain nafa'da nae leo ia neu Damsyik. “Laun manai kota Hamat ma Arpad-tala bii lanseli hu ka nde lamanene hala mangalauk. Dalen-nala he'dis ma nalena langa pikok sama leo lii nai tasi lain.

YESKIAL 27:18

Laun Damsyik-kala, ala asa o bua dangam-mala, ma dae-oem buna-boan, fo ala bae lenik angol neme Helbon mai, bi'ilopo bulu neme Sahar mai, besi tutu, ma bumbu-bumbu.

HOSEA 13:1

Makahulun-na leo Efraim nanafe ha'da-holomata, nalosa metema hapu paleta neme leo ndia mai soona, leo-leo fe'ek manai Israel-la, bii-lamata'u. Tehu leo Efraim-ma nasala-nasingo, nanahu ana sene-do'ok neu Baal-la, hu ndia de, neukose ana sapu-lalo.