YESAYA 7:3 - Susula Malalaok Hehelu Palak Ma Hehelu Beuk

³ Boema, Manetualain nafa'da Yesaya nae, “Moo o anam Syear Yasyub fo meu matongo mo Manek Ahas-sa. Neukose o matongo mon nai lifu manai lain-na, oelolon-na pe'dan-na, fo babu-la mamana safe-san.

YESAYA 7:3 ပူးပေါင်းရင်းမြစ်များ

2RAJA-RAJA 16:1

Mane Pekah fo Remalya anan-na, paleta Israel neu teu ka 17-na boema, Ahas, fo Yotam anan-na, da'di mane Yehuda.

2RAJA-RAJA 18:17

Tehu, mane Asyur ndia, haitua solda'du bubua matuaina esa, neme Lakhis mai, fo leu sapu-la Yerusalem. Malanga solda'du manai lain 3, lauli-lalanga solda'du bubuak ndia, fo nde malanga solda'du manai lain esa, malalu-maoono nininuk esa ma esa neme, manek-ka manamanean-nala, malangan-na mai, Lelek, ala losa kota ndia, boema ala ho'i mamanak nai tina, fo loken lae Tina Penatu, fo ana deka no, oelolok fo manafaa neme lifu manai lain-na mai.

2RAJA-RAJA 20:20

Tutu'i fe'ek la'eneu manek Hizkia, la'eneu tatao-nono'i malolen-na neme palani ta'ti batun-na mai, ma tao leo beek de, ana tao lifu ma oelolok, fo oe-a faa leo kota dale neu, basa-basan nanasulak, nai Mane-manek Yehuda-la, susula Tutu'in dale.

KELUARAN 7:15

Hu ndia de, fafaianak soona, meu matongo moon, nai lelek neu leo Lee Nil-la neu. Ho'i meni aitete'ek fo nasafali da'di menge ndia, fo mahani mamain-na, nai lee su'un-na.

YESAYA 10:21

Bei ela leoina Israel-la hataholi lumanan-nala, neukose ala tukatei-saledale neu Manetualain fo ao makadelek ma palani.

YESAYA 22:11

emi kali lifu nai kota dale, fo lifu palaak-ka oen-na, ana faa leo dalek neu. Tehu emi ta taoafik neu Manetualain, fo Ana tutu'u basa sila-la dook-ka so, ma Ndia nde taon-na basa sila-la, ala da'di.

YESAYA 36:2

Basa ndia boema, nadenu malanga solda'du matuainan-na, no solda'du makadotok nanseli, leme Lakhis leo Yerusalem leu, fo lakaseti Hizkia, fo ela nakatele neu ndia. Ala losa kota ndia boema, ala ho'i mamanak nai tina fo, loken lae, Tina Penatu, deka no oelolok fo oen-na ana faa neme lifu manai lain-na mai.

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

YESAYA 6:13

Nakalenak, metema nai hataholi sanahulu dalek, bei hapu hataholi esa leo nai nusak ndia soona, neukose ndia boeo nanatao namopo-namatek boe. Tehu sama leo ai keka, metema lo'o henin soona, bei ela huun-na, leondiak boe, neukose bei ela leoina ndia, fo ana da'di hataholi malalao-malalafu makasososak.”

YEREMIA 22:1

Manetualain nadenu au u leo manek Yehuda fo Dauk tititi-nonosin uma manen neu, soaneu anduku-alosak Manetualain hala hehelun neu manek no basa manana'a ngga'di ma Yerusalem laun-nala. Manetualain hala-kokolan neu sila leo ia,

ROMA 9:27

Nabi Yesaya kokolak no halabelak la'eneu leoina Israel nae, “Leomae leoina Israe la dede'u na de'u solokaek manai tasi su'u ka, tehu ka'da lumanak mesa kana neukose laso'da;