YESAYA 7:20 - Susula Malalaok Hehelu Palak Ma Hehelu Beuk

²⁰ Neukose Manetualain se'ba mane Asyur-ra fo ana tao Israel sama leo tuka nggeu langak, fo ana nggeu heni langadoon-na, ma basa buluk manai aon-na.

YESAYA 7:20 ပူးပေါင်းရင်းမြစ်များ

YESAYA 1:5

Tao le'e de, emi ka'da mase'i makandoo? Ade emi nau huku emi belak-ka seluk bai do? Emi langam-ma bisu-bisu mesan so, emi dalem-ma, ma emi dudu'a-aafim he'dis.

YESAYA 10:15

Tehu Manetualain nafa'da nae, “Ade hapu taka namatutua-namadedema aon-na, soaneu hataholi manapaken-nana do? Ade hoholok-ka nanapaluuk lena neme hataholi manapaken-nana mai do? Ai kalapu'ak-ka ta nde so'uk hataholi-a fa, tehu hataholi-a nde so'uk ai kalapu'ak-ka.”

YESAYA 11:15

Neukose Manetualain tao nama'da Namo Suez-sa. Ana fe ani mato'bik-ka mai, nalosa Lee Efrat-ta ana da'di oe ba'e kaba'ok hitu, de hataholi manapake ta'bueis-sala, bisa lena tunga dalek.

YESAYA 36:1

Hizkia, mane Yehuda paleta neu teuk-ka sanahulu haan-na boema, Sanherib, fo mane Asyur-ra, sapu-na kota-kota Yehuda fo, makota musuk-kala, de ana sengis.

YESAYA 8:7

Hu ndia de, Au fo Manetualain, neukose adenu mane Asyur-ra mai no solda'dun-nala lala'ena, fo ala sapu-la Yehuda. Neukose ala tutulumatak sama leo Lee Efrat fo oen-na lua ponu-ponu fo ana faa leo felak-kala neu.

YESAYA 9:13

Hu ndia de, ka'da nai faik esa dalen-na mesan, Manetualain huku Israel mauli-malangan ma laun-nala. Ana te'te heni langan-na ma ikon-na de Ana tapa henis.

YEREMIA 2:18

Nanalak hata, o muu leo Masir muu? Fo sanga minu Lee Nil-la oen-na? Nanalak hata, o muu leo Asyur muu? Fo sanga minu Lee Efrat-ta oen-na?

YESKIAL 29:18

“Hai hataholi daebafak fo, manasapu-manalalok-konei, Mane Nebukadnezar-ra, neme Babel mai, neu sapu-na Tirus. Ana nadenu solda'du-la, ala lepa lelepa mabelaina, nalosa langan-nala da'di polik, ma kosuheni alu loun-nala, tehu nau manek-ka, do solda'du-la boe, ala ta hapu hata esa boen, neme sila sosota-mamangun ndia mai fa.

YESKIAL 29:20

Au fe dae Masir-ra leo Mane Nebukadnezar-ra neu, da'di leo baba'ek esa neu tatao-nono'i malolen-nala, nana solda'dun-nala, ala tao-no'i soaneu Au. Au, Manetualain Fo Mademaina, nde manakokolak-ka.