YESAYA 7:13 - Susula Malalaok Hehelu Palak Ma Hehelu Beuk

¹³ Boema Nabi Yesaya nafa'da nae, “Metema leondiak soona, mamanene leon, hei Manek Dauk-ka tititi-nonosin-na nei! Ade, emi fola hataholi daebafak-ka hahae nalun-na, de beita dai fa, nalosa emi fola au Manetualaing-nga hahae nalun-na boe do?

YESAYA 7:13 ပူးပေါင်းရင်းမြစ်များ

KEJADIAN 30:15

Lea nataa nae, “O ho'i-ma au saong-nga so, de beita dai fa do? Besak ia, nakalenak o so'ba ho'i-ma mo'do-akidook fo au anang-nga nenik-ka bai.” Boema Rahel nataa nae, “Metema, o nau fe o anam-ma mo'do-akidoon ndia leo au mai soona, le'odaek ia, o bole sungu moo Yakob.”

2TAWARIKH 21:7

tehu Manetualain ta nau tao namate-namopo manek fo neme Dauk tititi-nonosin-na mai fa, nanahu Ana helu-balataa basa nae Dauk tititi-nonosin neukose ala paleta lahele.

MAZMUR 45:5

Tutulumatak no napalanik leo tetu-temak-ka muu, matee-mata'ti soaneu hapu ndoos-sa, ma ndoos ma matetu mangana'uk-ka; no o be'i-balakaim, loso-ma sesengik matuaina!

YESAYA 1:24

Hu ndia de Manetualain Fo Manakoasa, fo Israel Manetualain-na, nafa'da nae, “Hai, Au musung-ngala lemin, neukose Au balas emi nenik nape'da dalek, fo emi ta tao susa Au so'on.

YESAYA 22:22

Neukose Au pe'da Dauk uman-na, nggoen-na neu alun lain: Fo metema ana soin soona, ta hapu manakena fa; ma metema ana kenan soona, ta hapu manasoi fa.

YESAYA 25:1

Manetualain, O nde au Manetualaing-nga, au amatutua-amadedema O, ma au koa-kio O na'dem-ma nana O tatao-nono'im, dodoo doak-kana nanseli; O tutu'u basan, neme makahulun-na mai so, ma O tao matetun no lilinekak.

YESAYA 43:24

O ta asa boomenik kaboomenik, soaneu Au fa, o ta tao mamahoko Au daleng-nga, nenik o tutunu-hohotum minan-na fa. Nasafalin-na, o fe Au lelepa mabela, nenik o sala-singom-mala, o tao susa Au, nenik o salam-mala.

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.

YESAYA 7:12

Ahas nataa nae, “Au ta nau oke ta'du-tana fa. Au ta nau so'ba Manetualain fa.”

YESAYA 7:2

Lelek manek Yehuda namanene lae solda'du Siria-la masok nusa Israel-la, da'di leo tia-laik boema, ndia no leoinan-na bii-lamata'u lanseli, nalosa ala dele bengge'be, sama leo anin-na fafaek ai-la.

YEREMIA 44:22

Manetualainta nakatataak so'on Ana mete emi tunu-hotu tutunu-hohotukneu lamatua daebafak fe'ek-kala. Emi tatao-nono'im ndia mangalauk-ka ma sosoa-ndandaan ta. Emi masala-masingo basa neu Manetualain so, ma ta nau tunga neu paletan-nala fa. Hundia de besak ia emi nusa namom nakalulutuk so, de nalosa tapu leon fa, ma na'den-na nanapakek da'di leo soo-supak. Hataholi fo litan lame'da langgenggengo ao.”

YEREMIA 6:11

O nasa-melum neu sila, ana pila lo'a-lo'a nai au aoinang dale boe, Manetualain! Ta hapu nakatatakak nala fan.” Boema Manetualain nafa'da nae, “Kalua nasa-meluk ndia, neu ni'iana manai okofoo-la lain, ma neu hataholi muli-soluk fo manamakabubuak-kala. Neukose ina-touk nanaho'un-na k, ma hataholi lasik-kala boeo, ta hapu laladeak fa.

YESKIAL 16:20

Basa boema, o tunu-hotu ita anan-nala, ina touk da'di tutunu-hohotuk soaneu sosongo-tatangok. O ta lilineka neu Au-a, beita dai fa do?

YESKIAL 16:47

Ade, o dalem-ma tesa-tama, tunga sila ei tata'bun-na, ma o na'da sila tatao-nono'in nanamaluak ndia de, dai so do? Beik! Ta dook-ka so'on te, nalutu o lena heni sila bai.

YESKIAL 34:18

Nai emi dalek hapu nggelok, metema la'a ka'da na'u malole-a soona, beita dai fa, de ala muse heheta-aa'i nalutu na'u fo, ta la'a fan-na! Sila linu oe neuk, boema ala tao kelupua oe fo, sila ta linu fan-na!

YESKIAL 6:9

nai naa, ala laso'da nai mamana tu'u-tapak dalek. Boema, neukose ala lafandele neu Au, boema ala bubuluk, lae Au huku sila, ma Au akamumulu-akamamaek sila, nana sila dalen-nala, ta lilineka loo Au fa. Ala la'oela Au, de ala hele sosongo-tatangok-ka nggati Au so. Boema, neukose ala malua seluk aoinan-nala, nanahu basa tatao-nono'i mangalaun lala'en-na, ma tatao-nono'i ta kandaan-nala fa.

AMOS 3:13

Manetualain Fo Manakoasa, ma Mademaina nafa'da nae, “Besak ia taoafik leona, fo fe nasanene'dak neu Yakob tititi-nonosin-nala.

MALEAKHI 2:17

Emi taom-ma Manetualain malua emi kokolam-ma. Tehu emi matane mae, “Da'di tao leo beek, de ami taom-ma Manetualain malua?” No emi mafa'da mae, “Basa hataholi manatao mangalauk-kala, Manetualain, nafa'da nae malole, ma nahiik-kasa.” Do no natatanek, “Manetualain manatao tunga ndoos ma matetun-na ndia, nai bee?”

BILANGAN 16:13

O moo ami kalua meme dae Masir fo maoe-maisik ndia mai, soaneu taomisa ami nai moo solokaek ia, de ndia beita dai fa do? Ade o muse paleta ami boe do?

BILANGAN 16:9

Ade emi maedaenga, dede'a anak ia, de emi mae nai hataholi Israel-la dalek, Israel Manetualain-na hele emi, fo ela emi bole deka moon, ma emi malalau-maoono nai Lalaa Teman dale, boema emi maue-male'di soaneu hataholi Israel-la, ma malalau-maoonos do?

LUKAS 1:69

Ana fe ita manasoi-tefa balakai lea, Dauk fo ata na tititi-nonosin.

HATAHOLI 7:51

Tolanoo kala langa batu manseli, ma tea na seli soaneu emi tunga Manetualain! Emi di'idoo mala pake nanseli neu Manetualain dede'a-kokolan! Emi mo emi bei ba'ikai mala matak esa! Emi la'ban Manetualain Dula Dale na tataas esa!

IBRANI 3:10

Hu ndia de, Au amanasas boema Au ae, ‘Ala ta lilineka neu Au tataas esa, ma ala ta tunga Au paleta ngala fa.’