YESAYA 7:1 - Susula Malalaok Hehelu Palak Ma Hehelu Beuk

¹ Manek Ahas-sa nde been-na, Yotam anamanen-na, fo Uzia upun-na. Lelek ana paleta Yehuda, natee-natatik-ka da'di. Boema Rezin, fo manek Siria, ma Remalya fo manek Israel-la anamanen Pekah, ala mai sapu-la Yerusalem. Tehu ala ta hapu loso-la kota ndia fa.

YESAYA 7:1 ပူးပေါင်းရင်းမြစ်များ

2RAJA-RAJA 15:25

Malanga solda'du manai lain esa, fo nde Pekah, fo Remalya anan-na, ana tao nakabubua makahatuk no hataholi 50, leme Gilead mai. Boema, ala taolisa Pekahya, sama-sama no hataholi fe'ek 2, fo nde Argob ma Arye, neme kama esa dalek, fo nai uma manek manai Samaria. Basa boema, Pekah da'di manek nggati Pekahya.

2RAJA-RAJA 15:27

Mane Uzia, paleta Yehuda neu teu ka 52-na boema, Pekah, fo Remalya anan-na, da'di mane Israel. Ana paleta nai Samaria, teuk 20 dalen-na.

2RAJA-RAJA 16:1

Mane Pekah fo Remalya anan-na, paleta Israel neu teu ka 17-na boema, Ahas, fo Yotam anan-na, da'di mane Yehuda.

2RAJA-RAJA 16:5

Nai tepo-lelek ndia, mane Edom-ma, koasa seluk kota Elat-ta, de ana usiheni hataholi Yehuda fo, manaleo lai ndia. Basa boema, hataholi Edom-mala mai, de ala leo lahele nai kota ndia, losa faik ia. Nai tepo-lelek ndia boe, Rezin, fo mane Siria, ma Pekah, fo mane Israel-la, ala sapu, de lakahapi-la, Yerusalem, tehu ala ta sengi Ahas fa.

YESAYA 1:1

Susulak ia isin-na, hala heheluk la'eneu Yehuda ma Yerusalem, fo Manetualain nafa'dan neu Yesaya, fo Amos anan-na, nai lelek Uzia, Yotam, Ahas ma Hizkia, ala paleta lai Yehuda.

YESAYA 8:6

nae, “Leoina ia, ta nau sipok Leeanak Syiloah oen fo mananee-nee lino-lino ndia fa, ma dalen-na nahiik no Mane Rezin ma Mane Pekah.

YESAYA 9:11

Leoina Siria nai dulu, ma leoina Filistin-na nai muli, de ala kalo Israel. Tehu Manetualain bei namanasa, de Ana huku nahele.

YESKIAL 27:16

Basa manadangan fo maleme nusa Siria mai, ala asa bua dangam-mala, ma o bua-lo'a makadotom sila-la. Ala bae lenik batu poemata fo dulan-na momo'dok, tema pila balanggeok, tema nanaseu-sook nenik bunga, tema abalutu, batu poemata koral, ma batu pilas dalima.

HOSEA 1:1

Ia nde hala heheluk, fo Manetualain fen neu Hosea, fo Beeri anan-na, nai lelek manek Uzia, Yotam, Ahas boema Hizkia, paleta beiko loo nusa Yehuda, ma Yerobeam, fo Yoas anan-na paleta nusa Israel-la.

MIKHA 1:1

Mikha neme kota anak esa na'de Moresyet. Nai lelek Manek Yotam, Ahas ma Hizkia ala paleta beiko nai nusa Yehuda. Mikha sipo Manetualain hala-hehelun la'eneu Samaria ma Yerusalem.