YESAYA 66:4 - Susula Malalaok Hehelu Palak Ma Hehelu Beuk

⁴ Hu ndia de, Au boeo, neukose tao tunga Au dale hihii-nanau mesang-nga, de Au fes ala bii-lamata'u neu soe-la, tuni-ndeni nalas. Nana lelek Au aloo, ta hapu manamataa fa; lelek Au kokolak, ta hapu manamamanenek fa. Ala lahiik ka'da lena-la'ban Au, ma ala tao tatao-nono'i mangalauk.”

YESAYA 66:4 ပူးပေါင်းရင်းမြစ်များ

2RAJA-RAJA 21:2

Manasye nasala-nasingo neu Manetualain, nanahu ana tunga ha'da-tatao mangalauk-ka, neme leoina fo Manetualain usihenis leme Kanaan mai, nai lelek, hataholi Israel-la masok nusak ndia.

2RAJA-RAJA 21:6

Ana tunu-hotu anan-na, da'di leo tutunu-hohotuk nanatunuk. Manasye boeo, ana tao tunga hataholi malelak-kala, manasiula-tongonok-kala tatao-nono'in, ma noke natutu'duk neme dula dalek-kala mai. Nasala-nasingo nanseli neu Manetualain, nalosa ana tao nafo'a nasa-melun.

MAZMUR 81:12

Tehu Au anang-ngala, ta nau lamanene Au fa, Israel ta nau tunga neu Au fa.

AMSAL 1:24

Au aloo basa emi so, tehu emi tipa au hala naloloong-nga, ma emi ta nau taoafik neu fan.

AMSAL 10:24

Hataholi dale ndoos-sa, hapu hata fo nahiik-kana; hataholi mangalauk-ka, hapu hata fo, ana bii-namata'u nanseli neun.

YESAYA 50:2

Tao le'e de, neme Au anang-ngala mai, hataholi esa boen, ta hapu nataa, nai lelek, Au mai aloos? Ade, ka'da ala bedenge, nanahu laedaenga. Au ta soi-po'i, ma soi-tefa abe'i fas do? Te'e-te'e, no Au paletang-nga, de tasi ma'dan, Au tao lee-la, da'di moo solokaek, nalosa i'ak-kala mates, de laboo mami.

YESAYA 59:15

Ta hapu hataholi dale ndoos so'on, ma see kande, nadook aoinan-na neme tao-nono'i mangalauk-ka mai soona, ndia nde da'di tatao-nono'i mangalauk-ka, paa nana'an-na.” Manetualain nita basan so, de Ana ta namahoko, nae ta hapu ndoos ma matetuk so'on.

YESAYA 59:7

Emi tutu'u tatao-nono'i mangalauk nakandondoo henin, de emi mahiik taon no lai-laik. Emi ta bii-mamata'u, soaneu taomisa hataholi sala tak-ka. Emi meu su'di leo bee meu soona, emi la'oela nakalulutuk-ka, ma mamate-momopok-ka nai ndia.

YESAYA 65:12

Neukose emi basa-basam-mala mate, da'di leo tutunu-hohotu laka-nakasetik. Nana lelek Au aloo, emi ta mataa fa, ma lelek Au kokolak, emi ta mamanene fa. Emi nau ka'da lena-la'ban Au, ma tao hata fo mangalauk.

YESAYA 65:2

Au aheheleaong tataas esa, soaneu sipok Au anang-ngala, tehu ala nau lalenalanga-lasa'basoo. Leoina ndia, ana tao hata fo mangalauk, ma ana tunga dale tutu'u mesan-na.

YESAYA 65:3

Ala tao-la Au, amanasa akandondoo henin, nanahu ala tunu-hotu tutunu-hohotuk fe lamatua daebafak-kala, nai osi-la dalek ma ala tunu boomenik nai mei tunu-hotun-nala lain.

YESAYA 65:7

nanahu sila sala-singon, ma sila bei-ba'i kain-nala sala-singon. Ala lakadadaek Au, nenik ala tunu fe lamatua daebafak-kala boomenik, nai mamana sosongo-tatangok-ka nai pupukuk lain. Neukose Au balas sila, nandaa no sila tatao-nono'in, nai tepo lelek maneuk-ka.”

YEREMIA 35:17

Hundia, de Au, Manetualain Fo Manakoasa, fo Israel Manetualain-na, neukose uni fe emi hataholi Yehuda-la ma Yerusalem-mala – basa totoa-tataak fo Au aketu basan soaneu emi, sama leo hata fo Au afa'dak-ka. Au afa'da dede'ak ndia nanahu emi ta nau mamanene, metema Au kokolak o emi, ma emi ta nau mataa fa metema Au alo emi.”

YEREMIA 7:13

Leomae Au kokolak o emi la'inono'ik boe, tehu emi ta nau mamanene Au fa. Emi tao basa sala-singok sila-la, de metema Au aloo soona, emi ta nau mataa fa.

YEREMIA 7:30

Hataholi Yehuda-la, tao basa tatao-nono'i mangalauk so. Sila sosongo-tatangon fo, Au ta ahiik sila-la, ala pe'das lai Au Umang dale, nalosa Au Umang-nga nanggenggeo.

YESKIAL 11:8

Ade, emi bii-mamata'u neu tafaina do ta? Neukose, Au adenu hataholi neni tafaina, fo ana sapu-na emi.

YESKIAL 14:4

Hu ndia de, mafa'da mae Au, Manetualain Fo Mademaina, helu nai leo ia, ‘Ba'eneu hataholi Israel fo, ana nase'o basa so'dan-na neu sosongo-tatangok-ka so, ma ana po'ilotak aoinan-na tu'da leo sala-singok-ka dale neu, boema ana mai noke nanoli-nafa'dak neme nabi esa mai soona, neukose Au nde ataan nenik natataak fo nandaa, ba'eneu sosongo-tatangok makadotok sila-la!

YESKIAL 20:25

Basa boema, Au fes hoholo-lalanek ta malole, ma paleta-paleta fo, ta neni fes maso'dak fa.

MATEOS 24:24

Nanahu, neukose mana soi-tefa pepeko kala, ma nabi pepeko kala ala to'da mai. Fo neukose ala tao tatao-nono'i matua ina la ma manda'di beu kala soaneu sanga tao leondia fo ala ke'di-ndiu la Manetualain hataholi kamahehele nala.

SEMUEL SUSULAK-KA ESAN-NA 8:19

Tehu leoina ndia, ta nau taoafik neu Semuel hala-kokolan fa, lena-lenak lafa'da lae, “Nemen-na! Leomae leo beek boe, ami mahiik hapu manek.