YESAYA 66:24 - Susula Malalaok Hehelu Palak Ma Hehelu Beuk

²⁴ Lelek ala la'o, neukose lita hataholi manalena-la'ban Au-a, popolan-nala. Neukose, ta mate ulek fo mana'a hataholi sila-la, popolan-na fa, ma neukose ta mate ha'i fo, mana'as-sala fa; naniluk esa, neni bibii-namatau matuaina, ba'eneu basa hataholi-la.”

YESAYA 66:24 ပူးပေါင်းရင်းမြစ်များ

MAZMUR 110:6

Neukose, Ana huku leoina-la, nalosa popolan-nala tonggela. Neukose, Ana tao namopo-namate basa manakoasa, manai daebafak-ka poin-na lala'ena.

YESAYA 1:28

Tehu hataholi masala-masingok fo manalena-la'ban Ndia paletan-na, neukose Ana tao namopo-namates, ma basa manala'o ela Manetualain-na, neukose Ana tao namopo-namates.

YESAYA 1:31

Sama leo ha'ikaa anak esa, ana hotuheni ha'deaik-ka, leondiak boe, hataholi mana koasa-la, neukose sila tatao-nono'i mangalaun-nala, nde tao lamopo-lamates-sala, de ta hapu hata esa boen, bisa tao nate'e nakalulutuk ndia fa.

YESAYA 14:11

Makahulun-na o nanafe ha'da-holomata nenik sasanu kecapi, tehu besak ia, o nai mamana nee-nee lino-linok, fo nde hataholi manamatek-kala daebafan-na. Ulek-kala da'di o mamana pepe'um-ma, ma kalatik-kala da'di o lafa nalu'em-ma.’

YESAYA 24:20

Daebafak-ka naleu-lilok, sama leo hataholi manamafuk-ka, ma naleuk sama leo moa nai sangu dale. Daebafak-ka hea neu, nanahu sala-singon belan-na. Ana nakalulutuk, de neukose, ana ta fo'a falik so'on.

YESAYA 26:11

Manetualain, O maheheleaom, fo huku O musum-ma, tehu ala ta bubuluk fa. Nemen-na fo, ala hapu mamaek nai lelek lita O susue-lalaim ba'eneu O anam-mala. Nemen-na fo mate-mopo la'iesak-kasa, hu kande hoholo-lalanek fo O sadian ba'eneus.

YESAYA 34:10

Lele'do le'odaen, manapilak ndia, ta mate fan, ma ha'imasuk-ka masu-masu neme ha'i pilak ndia dalek mai, losa dodoon-na. Neukose dae ndia nanala'o elak, fo louk, ma ana da'di dae tuuk neme bobongik leo bobongik neu, ma neukose ta hapu hataholi esa boen, la'ok tunga ndia fa.

YESAYA 34:3

Neukose popolan-nala, ta nananatoi-natonok fa, tehu ka'da nanapo'ilotak, fo ela pulus fo laboo. Letek-kala neukose pilas, nanahu sila daan-na, ana faa la'es.

YESAYA 48:22

Ba'eneu hataholi mangalauk-ka, ana ta hapu so'da-molek fa,” Manetualain nafa'da nae leondia.

YESAYA 5:25

Manetualain namanasa leoinan-na. Naheheleaon basa, soaneu Ana hukus so. Neukose letek-kala langgengo; hataholi manamatek-kala popolan-nala besenggela-besenggali sama leo kadafuk-ka nai enok-kala lain. Tehu Manetualain bei namanasa, de neukose ka'da Ana huku.

YESAYA 51:8

Neukose, ala mate-mopo, ma mopok-kasa, sama leo andae-a, na'a temak-ka, ma andae-a, na'a tema bi'ilopo bulu-a. Tehu, Au fe so'da-molek-ka, nahele losa dodoon-na, Au sesenging-nga, la'ok nakandoo, losa bobongik leo bobongik neu.”

YESAYA 65:15

Au hataholi heheleng-ngala, neukose ala pake emi na'dem-ma, da'di leo soo-supak lae: ‘Ela leo been-na, Manetualain Fo Mademaina, taonisa emi, sama leo sila!’ Tehu hataholi fo, manatunga neu Au-a, neukose Au fen na'de beuk.

YESAYA 66:16

Nana Ana hapu-na, basa hataholi-la lasala, de neukose Ana hukus nenik ha'i ma tafaina, ma nanahuku nisak makadotok.

DANIAL 12:2

Hataholi manamate basak sila-la ba'uk-ka, neukose laso'da falik; neukose nggelok hapu so'da manaketu basa taak-ka, ma neukose nggelok bai soona, nananakadadaek ma ala hapu toto'a-sosota matuaina fo manaketu basa taak-ka boe.

ZAKHARIA 14:12

Neukose Manetualain fe he'di-laus mangalauk, neu basa leoina fo latee-lata'ti basa loo Yerusalem so. Hataholi sila matan-nala, ma maan-nala, nakalenak basa aoinan-nala lala'en-na, neukose laboo, te bei kaso'dak-kala.

MATEOS 3:12

Ana ho'u ooko a nai liman dale, fo ana da'i-eeko gandu ma losa balisi. Nadai gandum neu kala leo sokan dale neu, tehu gandum nala kala soona, ana hotuhenis nai ha'ipila manamate ta ka dalek.”

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”