YESAYA 66:2 - Susula Malalaok Hehelu Palak Ma Hehelu Beuk

² Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.

YESAYA 66:2 ပူးပေါင်းရင်းမြစ်များ

1RAJA-RAJA 21:29

“O mita basa, tao leo beek fo Ahab nakaloe-nakadae ao na nai Au matang so hetu? Hu ndia de, neukose Au ta fe soe mai, nai lelek bei naso'da. Neu anan-na tepo-lelen besak-ka Au fe soe a tuni-ndeni-na teidalen-nala.”

2RAJA-RAJA 22:10

Basa boema, Safan nafa'dan nae, “Hilkia fe au susulak ia-la.” Boema Safan lees fe manek-ka, susulak sila isi-liin.

2RAJA-RAJA 22:11

Manek-ka namanene susulak sila isi-liin boema, ana sii-sii lulu'i bua papaken-na, nanahu dalen-na he'dis-sa.

EZRA 10:3

Mai fo ata soo-supa neu Manetualain, tae neukose ita usiheni basa ina fe'ek sila-la, sama-sama loo anan-nala. Neukose ami tunga o nanoli-nafa'dam lala'en-na, ma hataholi fe'ek, fo ala fe ha'da-holomata neu Manetualain paletan-nala, Neukose ami tunga Manetualain Hoholo-lalanen.

EZRA 9:4

Au angatuuk ka'da leondiak ahele, losa li'u tunu-hotu tutunu-hohotu le'donosok-ka. Basa boema, hataholi-la mai okofefeo-la au. Ala bii lanseli, nanahu lafandele Israel Manetualain-na, Ana fe nasanene'da kahelek, neu hataholi manafali ma'is leme mamana tu'u-tapak ndia mai, sala-singon-nala.

MAZMUR 119:120

Au dele ngge'be-ngge'be nanahu au bii-amata'u neu O, au daleng-nga dele, la'eneu O nakeketum-ma.

MAZMUR 119:161

Hataholi manakoasa-la, usi au no ne'ek ta, tehu au bii-amata'uk-ka, ka'da nde O hoholo-lalanem.

MAZMUR 138:6

O mamanam-ma, deman-na seli, tehu O taoafik neu hataholi, matasi'da-matasaek-ka boe; hataholi manakoao-ndaeaok-ka, ta hapu nafuni neme O mai fa.

MAZMUR 34:18

Metema hataholi manatao ndoos-sa, naloo bou-bou soona, Manetualain namanenen, ma Ana soi-tefa-nas, neme toto'a-tataak lala'ena mai.

MAZMUR 51:17

Ou Manetualain, tulu-fali au kokolak, soona neukose au koa-kio O.

MAZMUR 51:19

Tutunu-hohotuk fo ba'eneu Manetualain-na, nde been-na dalek fo nakalulutuk, dalek fo nakatele ma tuka tei-sale dalek-ka O ta tipa fan.

AMSAL 28:14

Fe ha'da-holomata tataas esa neu Manetualain, soona neukose o maua-manale. Metema, o la'ban-nana soona, o hapu soe.

AMSAL 29:23

Hataholi fo namatutua-namadedema aoinan-na, neukose nananakadadaek; hataholi dale taidaek-ka, neukose nanakoa-kiok.

YESAYA 40:26

Manganalo leo lalai mu, fo taoafik leona! See kande, nakadada'dik nduuk-kala? Ndia nde ito-atos sama leo solda'du-la. Ana bubuluk, basa-basas dede'un-nala, ma naloo esa-esak, nenik na'den-na. Ta mopo esa boen, nanahu Manetualain koasan-na, ba'un-na seli!

YESAYA 41:20

Soona basa hataholi-la litan, ma ala bubuluk lae Au, Manetualain nde manataok-ka. Neukose ala taoafik, ma lamahele Israel Manetualain malalao-malalafun-na, nde manamakadada'ik-kana.”

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 61:1

Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

YESAYA 66:5

Mamanene hata fo, Manetualain nafa'dan, hai emi fo, manabii-mamata'u, ma tunga neun, “Hu kande emi lilineka neu Au boema, nai emi leoinam-ma dalek, hapu nggelok lakamuu-lakadau emi, ma ala ta nau leo-lapalasa lo emi fa. Ala hakinonoli emi, nenik lafa'da lae, ‘Nemen-na fo, Manetualain natu'du matua-mademan, fo ela ami mita, o namahoko-seteleem.’ Tehu sila mesak-kasa nde hapu mamaek-ka.

HOSEA 11:10

Manetualain nafa'da nae, “Metema, Au angao sama leo singa soona, neukose Au anang-ngala tunga Au, fo Au tao-a musu noon-na, dele ngge'be-ngge'be. Neukose no lai-laik, Au anang-ngala mai leme muli mai, fo ala sene-do'ok neu Au.

MIKHA 6:8

Ta! Manetualain nafa'da basa ita, hata malole so. Fo noken neme ita mai-a nde, fo ela ita tao tunga ndoos ma matetuk, tao-no'i susue-lalaik tataas esa, ma no dale taidaek, taso'da da'di esa to ita Manetualain.

HABAKUK 3:16

Au amanene ndia boema au daleng-nga dele ma au difadoong-nga dele ngge'be-ngge'be. Au aong-nga none-na'u, de balakaik ta so au la'ok su'di nai bee boe, au eing-nga nakatunu. Neukose au ahani no dale tesa-tamak Manetualain huhukun-na neu hataholi manamusu no ami.

MATEOS 12:6

Hu ndia de, taoafik neu hata fo Au afa'dak ia: nai ita ia, hapu nggelok ba'u lena Manetualain Uma na.

HATAHOLI 7:50

Ade Au ta nde akadada'dik basa lala'ena fa do?’ Manetualain nae leondia.

HATAHOLI 9:6

Tehu besak ia fo'a leona, fo mu leo kota dale mu. Nai ndia, neukose o bubuluk hata fo o muse tao-no'in.”

FILIPI 2:12

Hu ndia, tolano susue-lalai ngala lemin, sama na leo emi tunga mahele au, nai lelek fo au be'i o emi a, lena-lenak besak ia, nai lelek ita komododoon, ela leo bee na emi tunga mahele au. Manetualain soi-tefa nala emi so, hu ndia de sanga enok makandoo fo ela emi so'da ma, natetu-nandaa. Tao-no'i basa dede'ak sila la no ha'da-holomata, ma tunga neu Manetualain,

KOLOSE 1:17

Basa hata lala'ena beita da'di fa te, Kristus da'di nakahuluk so. Ma hu ka nde de, basa hata lala'e na, esa-esak neu mamana na.