YESAYA 66:19 - Susula Malalaok Hehelu Palak Ma Hehelu Beuk

¹⁹ Neukose Au pe'da ta'du esa neu sila tala'da heon. Neukose Au soi-tefa-ala sila lumanak, nai sila dalek. Neukose Au adenus leu leo leoina manai nusa dook, fo beita lamanene lita, la'eneu Au, ma lita Au matua-mademang ma Au koasang-nga: leo Spanyol, Libia, ma Lidia no manakou malelan-nala leo Tubal ma Yunani leu. Neukose ala tui-benga Au matua-mademang nai leoina sila-la tala'da.

YESAYA 66:19 ပူးပေါင်းရင်းမြစ်များ

KEJADIAN 10:13

Masir tititi-nonosin nde, laun manaleo nai Lidia, Anamim, Lehabim, Naftuhim,

KEJADIAN 10:2

Yafet anan-nala nde Gomer, Magog, Madai, Yawan, Tubal, Mesekh ma Tiras.

KEJADIAN 10:22

Sem anan-nala nde Elam, Asyur, Arpakhsad, Lud ma Aram.

KEJADIAN 10:4

Yawan tititi-nonosin nde, laun manaleo nai Elisa, Spanyol, Siprus ma Rodes.

KEJADIAN 9:27

Sa'di leo been-na, Manetualain popo-tama seluk baba'e-papalak neu Yafet nenik tao namaloa mamana leleon-na. Sa'di leo been-na, tititi-nonosin leo sama-sama loo Sem tititi-nonosin. Neukose, Kanaan da'di ata neu Yafet.”

1 TAWARIKH 1:11

Masir tititi-nonosin nde: hataholi Lidia, Anamim, Lehabim, Naftuhim.

1 TAWARIKH 1:7

Yawan tititi-nonosin nde: hataholi Elisa, Spanyol, Siprus ma Rodes.

1 TAWARIKH 16:24

Tui matua-mademan neu leoinak-kala ma tatao-nono'in fo matuainan na neu hataholi daebafak ka.

MAZMUR 72:10

Mane-manek Tarsis-sala ma pulu-pulu-la leni tunu-hotuk soaneun Mane-manek Arab ma Etiopia-la ala mai fo leni bea.

YESAYA 11:12

Neukose Manetualain nasa'e dedeo esa, soaneu leoina-la. Ta'du-tanan nde ndia, foo nae Ana tao nakabubua falik leoina Israel ma Yehuda, fo manatapasasalak lai daebafak-ka bu'un lala'en-na, fo no falik-kasa.

YESAYA 18:3

Hai, emi fo manaleo daebafak-ka lemin! Taoafik leona, metema dedeo-la nananasa'ek lai letek-kala poin-na! Mamanene leona, metema pupuk-kala nanapuuk!

YESAYA 18:7

Neukose fain-na losa, tunu-hotuk-kala nanananduku-nalosak neu Manetualain Fo Manakoasa, neme nusak ndia, fo lee-la tunga tala'da, neme leoinan fo mabe'i-balakaik ma makadelek, neme hataholin fo mademaina-la, ma lou mangana'uk, ma basa daebafak-ka lala'en-na bii-lamata'us. Neukose ala mai leo Pupukuk Sion-na, leo mamanak fo Manetualain Fo Manakoasan nanasene-do'ok.

YESAYA 2:16

Ofaha'ik matuaina ma mana'ahiik-kala, neukose ala bolo.

YESAYA 29:24

Hataholi nggoak-ka, neukose nanoli fo nalelak, ma hataholi fo mumu-mumu tataas esa, neukose namahoko sipo nanolik.”

YESAYA 42:12

Malole lenak, ala lamatutua-lamadedema Manetualain, ma taom-ma na'den-na nananita-nalelak, nai nusa dook-kala.

YESAYA 42:4

dalen-na ta naba'e, do ketu namahehenan-na fa, losa ndoos ma matetuk-ka, napadeik natetu nai daebafak-ka. Nusa dook-kala, lahiik nanolin-na.”

YESAYA 43:6

Au paleta kii ma kona, fo ela po'is no lai-laik. Nemen-na fo, o ana toum-mala fali ma'is leme dook-ka mai, ma o ana inam-mala, fali leme daebafak-ka bu'u-bu'un-nala mai.

YESAYA 49:1

Mamanene au, hai nusa dook-kala lemin, taoafik neu dede'a-kokolang. Manetualain naloo au, te beita bongi au fa, Ana hele au, neme lelek, au inang nailu au-a.

YESAYA 49:12

Au anang-ngala, mai beosu leme dook-ka mai, leme kii, muli ma Sinim fo nai kona.”

YESAYA 49:22

Manetualain Fo Mademaina, nafa'da anan-nala nae, “Neukose Au fe leoinak-kala, ta'du-tana, fo neukose, ala fe falik o anam-mala; neukose ala ko'ok o anatoum-mala, ma o anainam-mala, nananasaak, nai aluk lain.

YESAYA 51:5

So'da-molek fo Au fek-ka, ana deka so; nai lelek Au sesenging-nga, hihiinae losa. Neukose Au mesang-nga, nde paleta leoinak-kala Nusa dook-kala, lahani talu-talu lo Au, ma lamahena Au tatao-nono'i matuainang-nga.

YESAYA 52:10

Manetualain natu'du koasan-na, nai basa leoina lala'en-na, matan-na. Boema basa daebafak-ka lala'en-na, sakasii so'da-molek-ka, neme ita Manetualain-na mai.

YESAYA 52:15

Tehu besak ia, ana taon-na leoina makadotok dodoo doak-kana, mane-manek-kala, ta lahahala fa, nanahu ala dodoo doak-kana. Neukose ala lita, ma lalelak, hata fo makahulun-na, ala ta bubuluk-kana fa.”

YESAYA 55:5

Neukose emi maloo leoina nusa dea-la, fo no lai-laik, ala mai leo emi mai, hu kande Au, fo emi Manetualaim-ma, Israel Manetualaim malalao-malalafun-na, nana Au amatutua-amadedema basa emi so.”

YESAYA 60:9

Ndia nde, ofa-ofak fo ala mai see, fo loo falik Manetualain anan-nala, leme nusa dook mai. Leni lilofulak, ma lilopilas, boema koa-kio emi Manetualaim-ma; ba'eneu Israel Manetualain Fo Malalao-malalafuk, fo manataon-na anan-nala, nanafe ha'da-holomata.

YESAYA 62:10

Laun Yerusalem-ma, ala kalua tunga lelesuina, fo sadia enok, ba'eneu hataholi manafalik-kala. Tao okofoo, fo soliheni batun-nala, falak dedeo-la leu, soaneu leoinak-kala.

YESAYA 65:1

Manetualain nafa'da nae, “Au aheheleaong, ataa Au anang-ngala, tehu ala ta hule-haladoi neu Au fa. Au sadia, soaneu ala mai latongo lo Au, tehu ala ta sanga Au fa. Leoina ndia, ta naloo Au fa, leomae Au aheheleaong soaneu Au ataa ae, Au nde ia!

YEREMIA 46:9

Malaik leon-na hai ndala-la lemin! Makababalek ao leon-na hai kaleta-la lemin! Tutulu matak leon-na hai palani tati batu fo mananeni ba'du baba fanak fo maneme Sudan ma Libia-la lemin. Boema emi fo manakou malelak maneme nusak Lidia-la lemin!’ ”

YESKIAL 27:10

Solda'du-la, ala mai leme Persia, Lidia, ma Libia mai, fo lakabubua loo o solda'dum-mala. Ala lolo'e sila babaa fanan-nala, ma topi bai-nala, leu o kotam-ma, papala nanadaman-nala. Ala tulu-fali o, de ala sengi musu-la, boema o na'dem-ma boetai nanakoa-nanakiok.

YESKIAL 27:13

O dangan nai Yunani, nai Tubal ma nai Mesekh, fo o tuka o bua dangam-mala nenik sila atan-nala, ma bua-lo'as-sala, nanataok neme liti-a mai.

YESKIAL 30:5

Nai natee-natatik ndia dalek, ala taolisa solda'du nanase'ba-baek-kala leme Sudan, Lidia, Libia, Arab, Kub ma nakalenak, neme Au leoinang-ngala mai boe.”

YESKIAL 32:26

Mesekh ma Tubal maten de latois nai naa, de solda'dun-nala loo-laten okokfefeo-lan. Sila basa-basas mate lai natee-natatik-ka dale, tehu nanasunat bei tak-kala. Lelek bei laso'da, leni bibii-namata'uk nai daebafak-ka.

YESKIAL 39:1

Manetualain Fo Mademaina, nafa'da nae, “Hai hataholi daebafak fo, manasapu-manalalok-konei, fe nasanene'da mahelek neu Gog, fo mane matuaina neme nusa Mesekh ma Tubal mai, ma mafa'dan mae Au ia, ndia musun-na.

YESKIAL 39:6

Neukose Au fe ha'i-a na'a nai dae Magog-ka, ma nai tasi su'uk-kala, fo nai bee, laun-na laso'da no tetu-temak. Soona besak-ka ala bubuluk, lae Au nde Manetualain-na.

DANIAL 11:18

Basa ndia boema, neukose neu sapu-na leoina manai tasi su'uk-kala, de ana sengi ba'uk-ka. Tehu mauli-malanga nusa fe'ek esa, neukose ana tao nakamate nakamumulu-nakamamaek fo ana taon ndia, nakalenak neukose ana balas-sana nenik nakamumulu-nakamamaek ndia seluk.

ZEFANYA 2:11

Neukose, Manetualain tao-nalas ala bii-lamata'u lanseli. Neukose Ana tao nakalulutuk, lamatua daebafak manai daebafak-kala. Boema, basa leoina lala'en-na, neukose ala sene-do'ok neu Manetualain, nai esa-esak nusan-na.

ZEFANYA 3:10

Nakalenak, Au anang fo manatapasasalak manai Sudan fo nai dook-ka ndia, neukose ala mai, fo ala tunu-hotu tutunu-hohotuk fe Au.

MALEAKHI 1:11

Basa leoina manai daebafak-ka lala'en-na, ala fe ha'da-holomata neu Au. Ala tunu boomenik, su'di nai bee-bee boe, fo ala fe ha'da-holomata neu Au na'deng-nga, ma ala tunu-hotu tutunu-hohotuk-ka nandaa, nana basa leoina-la, ala fe ha'da-holomata neu Au!

MATEOS 28:19

Hu ndia de meu leo basa leoina manai daebafa ka lala'ena, fo taos da'di Au ana mana tunga ngala. Salanis ninik Ama ka na'de na, Ana ka nade'na, ma Manetualain Dula Dale na na'de na.

MARKUS 16:15

Boema Yesus nafa'das nae, “Meu leo basa daebafa ka lala'ena meu, fo tui mamaloloa Manetualain Hala Malolen ndia neu basa hataholi daebafa ka lala'ena.

LUKAS 2:34

Simeon fes baba'e-papalak, boema nafa'da Maria, fo Ni'iana ndia inan nae, “Ni'iana ia, Manetualain hele basan soaneu Ana tao namopo-namate, ma Ana soi-tefa na hataholi Israel ba'u ka. Neukose Ana da'di ta'du esa neme Manetualain mai, ma neukose hataholi ba'u ka ala la'ban nana,

ROMA 15:21

Nai Susula Malalaok dale nanasulak nae, “Hataholi fo beita sipo halak la'eneu Lamatua ka, neukose litan; ma sila fo beita lamanene neukose lalela kana.”

EFESUS 3:8

Nai basa Manetualain hataholi kamahehele nala dalek, au nde nai dae anak naan seli a. Tehu Manetualain fe au baba'e-babati hehelik ia fo nde: bela ba'uk soaneu tui-benga neu hataholi ta Yahudi la, Hala Malole la'eneu Kristus su'i-beten fo mana basa taa ka fa;