YESAYA 64:2 - Susula Malalaok Hehelu Palak Ma Hehelu Beuk

² sama leo ai-a, tao napila ha'i-a, de tao-na oe nakadoto. Fe O musum-mala, lita O koasam-ma, nalosa leoinak-kala dele nai O matam-ma.

YESAYA 64:2 ပူးပေါင်းရင်းမြစ်များ

MAZMUR 106:8

Tehu Manetualain soi-tefa-nalas, hu kande na'den-na, fo ela napalanin-na, da'di nananitak.

MAZMUR 46:10

Ana tao nate'e natee-natatik-ka nai daebafak-ka lala'ena, Ana tao nakalulutuk kokouk-kala ma tee-dongi, Ana hotu heni babaa fana bobongok-kala.

MAZMUR 79:10

Boso po'ilotak leoina fe'ek-kala bekola la'eneu ami lae, “Sila Manetualain-na, nai bee?” Nemen-na fo, ami mita O balas leoina fo, manataolisa O atam-mala.

MAZMUR 83:13

nanahu lafa'da basa lae, “Mai fo tangatuu-ta dae fo, Manetualain mamana leleon-na.”

MAZMUR 9:20

Fo'a leon Manetualain fo maketu-mala'di leoina-la, boso po'ilotak hataholi daebafak-ka koao-ndaeao.

MAZMUR 99:1

Manetualain nde bee-na, Manek; leoina-la dele-bengge'be. Ana nangatuuk nai kandela manek lain, fo nai mahahae mali'dak nusa so'dak-ka lain (kerub), daebafak-ka nanggengo.

KELUARAN 14:4

Neukose, Au tao-an da'di langa batuk, fo neu usi emi. Tehu neukose, Au atu'du Au koasang-nga neu manek Masir-ra, ma solda'dun-nala, fo neukose ala bubuluk, lae Au nde Manetualain.” Boema hataholi Israel-la taon, sama leo hata fo Manetualain paleta neus.

YESAYA 28:21

Neukose Manetualain fo'a, sama leo nai Letek Perazim-ma. Neukose Ana ulepo'de, sama leo nai Bafak Gibeon-na, soaneu nakalala'ok dale tutu'un-na, dale tutu'un fo, hataholi daebafak-ka, dodoo doak-kana! Neukose, Ana nakalala'ok tatao-nono'in fo hataholi daebafak-ka, dodoo doak-kana ndia.

YESAYA 37:20

Ou, ami Manetualain po'i ami neme hataholi Asyur sila-la mai, fo ela basa leoina manai daebafak-ka lala'en-na, ala bubuluk lae ka'da O mesa-mesam-ma nde Manetualain-na.”

YESAYA 63:12

Manetualain fo, manasama-sama no Musa, fo no lima mabe'i-balakain-na, de Ana fa'a ba'e oe-a nai sila matan, fo ela na'den-na nanakoa-nanakiok losa dodoon-na, nai bee?

YEREMIA 33:9

Yerusalem neukose ana da'di namahokok ma Au matua mademang. Basa leoina manai daebafak ia neukose ala da'di manabiik ma mamata'uk, ma ala ta fe ha'da-holomata mai Au, metema lamanene la'eneu basa malole-mana'a fo Au taon soaneu Yerusalem laun-nala, ma la'eneu tetu-temak fo Au fen neu kota ndia.”

YEREMIA 5:22

Au nde Manetualain-na; te tao le'e de, emi ta bii-mamata'u neu Au fa? Tunga ndoon-na, emi muse dele ngge'be-ngge'be neu Au! Au nde tao tasi su'un-na, da'di tasi too-lanen, fo ta hapu la'o lena fan, losa dodoon-na. Tasi fo'a, fo lii-la napoponu, tehu ana ta hapu lena dae too ndia fa.

AMOS 4:12

Hu ndia, hai hataholi Israel-la lemin, neukose Au huku emi. Da'di maheheleaom leona, fo masasalematak moo huhukuk fo neukose Au fen tuni-na emi!”

MIKHA 1:4

Letek-kala noe henis nai ei tata'bu daen-na sama leo lilik-ka nai ha'i manapilak dale; daen-na ndefa, de ana tu'da leo bafak-kala dalek neu, sama leo oe faa neme pupukuk lain leo dae neu.

ZAKHARIA 14:4

Nai faik ndia, neukose napadeik nai Lete Sion-na, nai Yerusalem boboan dulu. Boema neukose, heaba'e Lete Setun-na hu kande bafa maloaina, mulai neme dulu losa muli. Neukose, letek ndia seli nakababale leo kii neu, ma seli leo kona neu.

ULANGAN 2:25

Neme faik ia, neukose Au tao-a leoina fo manaleo su'di lai bee boe, ala bii-lamata'u neu emi. Metema lamanene emi na'dem-ma soona, ala dele-bengge'be, nana bibii-namata'uk-ka.’ ”