YESAYA 61:7 - Susula Malalaok Hehelu Palak Ma Hehelu Beuk

⁷ Nanahu, emi hapu basa mamaek, diku la'i dua so, ma na'de manggenggeok-ka, boema nananakadadaek-ka, ana da'di emi baba'em so, hu ndia de, emi hapu pusaka didikuk la'i dua, nai emi nusam-ma ma emi manuu namahoko manaketu basa taak-ka.

YESAYA 61:7 ပူးပေါင်းရင်းမြစ်များ

2RAJA-RAJA 2:9

Ala losa lee selik boema, Elia nafa'da Elisa nae, “Moke hata fo, o mahiik-kana neme au mai leona, beidai Manetualain beita so'u au, fo au la'oela o fa!” Boema Elisa nataa nae, “Makona Ama koasan-na leo au mai, fo ela au nggati Ama.”

AYUB 42:10

Ayub hule-haladoi basa ba'eneu tia-lai ka telun-nala boema, Manetualain taon-nan, namasu'i seluk. Ana fen namasu'i diku la'i dua, neme su'i makahulun-na mai.

MAZMUR 126:5

Ela leo bee-na, hataholi manasele-nggali no kikiik-ka, ana ketu-kolu no eeki-natadalek.

MAZMUR 16:11

O matu'du au, enok manaleo maso'dak-ka neu; nai O dalek, au hapu namahoko-seteleek fo, manasasi kao-kaok-ka, ma ua-nalek-ka losa dodoon-na.

YESAYA 35:10

Hataholi fo, Manetualain soi-po'ik-kala, neukose ala fali; ala masok kota Yerusalem-ma, nenik eeki-natadalek, mata-panan-nala lapena, nanahu namahoko-setelee manaketu-basa taak-ka. Neukose lamahoko-setelee, ma hika-latadale; toto'a-tataak ma hoo-nggu'uk, mopok-kana so.

YESAYA 40:2

Matetesa-matatama, hataholi Yerusalem-mala dalen-nala, mafa'das leon, mae ala ta da'di ata so'on. Sila salan-nala hapu do'o do ampon so. Au huku basa sila sala-singon, didikuk la'i dua so.”

YESAYA 51:11

Boema hataholi fo, Manetualain soi-po'ik-kala, neukose ala fali, ala masok Yerusalem, no ala eeki kao-kao, mata-panan-nala, lapena, nanahu lamahoko manaketu-basa taak-ka. Ala lamahoko-setelee, nanahu toto'a-tataak ma hoo-nggu'uk-ka, mopok-kana so.

YESAYA 54:4

Boso bii, te neukose o ta nananakamumulu-nakamamaek fa; neukose ta nananakadadaek ma o na'dem-ma, ta nanggenggeo fa. Neukose o mafandele heni o manalilinekam-ma, nai lelek o bei muli-solum-ma; o mafandele heni, o nee-nee lino-linom, fo nai lelek o inafalu-a.

YESAYA 60:15

Neukose, o ta nanala'oelak, ma ta nananakamuu-nakadauk fa, ma ta nanapo'ilotak da'di nee-nee lino-linok fa. Au tao o da'di dalen-namatutuak fo manaketu basa tak, mamana namahoko-setelek losa dodoon-na.

YESAYA 60:21

O laum-ma lala'en-na nde been-na, hataholi ndoos neukose lanuu nusak-ka, losa dodoon-na. Sila sama leo, ai ndana fe'ek-ka, nananakadiditak neu ai fe'ek, fo Au nde selen-nana, soaneu nafa'da Au matua-mademang.

YESAYA 65:13

Te'e-te'e, hataholi fo manasene-do'ok neu Au-a, neukose na'a, tehu emi mamala'a. Neukose ala linu, tehu emi maa ma'da. Neukose ala lamahoko-setelee, tehu emi hapu mamaek.

ZEFANYA 3:19

Neukose fain-na losa, Au tao akalulutuk hataholi manatuni-ndeni emi-a, ma Au fe hataholi ei helak-kala maso'dak. Au hela-nole falik, basa hataholi nanatapa henik-kala. Au tao asafali matasi'da-matasain-nala, da'di maha'da-holomatak; su'di nai bee boe, nakalenak nai basa daebafak-ka lala'en-na, neukose sila nananamatutua-namadedemak ma nanakoa-nanakiok.

ZAKHARIA 8:12

Neukose ala sele-nggali bini-ngges no mole-dame. Sila ai angon-na laboa, neukose dae-a fe buna-boan, ma neukose u'dan-na ba'uk-ka. Au fe basa baba'e-papalak sila lala'en-na, neu leoina ia hataholin bei maso'dan-nala.

ZAKHARIA 9:12

Fali leon, hai hataholi nanafook-kala lemin, besak ia, emi manuu namahehenak so. Fali me'um-ma leo emi mamana nasulu-nahapam meu, Neukose Au ba'e-pala ahele emi. Mamanene leona: Neukose Au ba'e-pala emi diku la'i dua nanahu basa doidosok lala'en, fo emi la'ola'din.

MATEOS 25:46

Soona neukose hataholi sila la nanahukuk ninik huhuku mana ketu basa ta ka, tehu hataholi mana tao tunga Manetualain hihii-nanau na, neukose ala hapu maso'da matetu ka, ma mana ketu basa ta ka.”

2 KORINTUS 4:17

Ma to'a-tataa bibianak fo ami la'ola'din soaneu ba'ihanak mesa kana ia, neukose nabuna-naboa fe ami ua-nale matuaina nanseli ma manaketu basa tak. Ua-nalek ndia ba'u lena nanseli, metema takasasama kana no toto'a-tataak ndia.

ULANGAN 21:17

Ana muse ba'e hata-heton, fo ana fe baba'ek dua leo ana uluk-ka neu, leomae ana uluk ndia, saoina susuen-na, anan ta ndia fa. Tunga nakeketuk-ka, de aman muse tao natetu, ana uluk-ka baba'en-na, de ana muse fe baba'e ana uluk-ka leo ni'iana ndia neu.”

2 TESALONIKA 2:16

Ela leo bee na, ita Lamatuan Yesus Kristus ma ita Aman Manetualain, fe emi kokoe-nanasik, ma natetea-nahehele emi dale ma, fo ela emi hapu tao-no'i ma tui-benga hata fo malole. Hu ka nde Manetualain sue-lai ita, ma hu ka nde dale malole na de, Ana tao na ita tatea-tahele, boema ita tamahena ka'da hata fo malole.