YESAYA 61:4 - Susula Malalaok Hehelu Palak Ma Hehelu Beuk

⁴ Neukose ala lafofo'a kota-kota fo, lakalulutuk dook-ka so ma lapadedeik mamanak fo nee-nee lino-linok dook-ka so.

YESAYA 61:4 ပူးပေါင်းရင်းမြစ်များ

EZRA 9:9

Nai lelek, ami bei nai mamana ata, O ta la'oela ami fa. O taom-ma mane Persia-la sue-lai ami, ma ala fe ami loak maso'da, fo ami mafofo'a falik O Umam fo, ela ka'da ai-batu mana tapasasalak ndia so. O masulu-mahapa ami nai ia, boema nai Yehuda ma nai Yerusalem.

MAZMUR 46:8

Manetualain Fo Manakoasa nonook ita, Yakob Manetualain-na, nasulu-nahapa ita.

MAZMUR 74:3

La'ok ndondolo mamanak fo, ala da'di ai-batu madodouk so; Musu-a tao nakalulutuk basa hata lala'en, manai O Umam-ma so.

YESAYA 52:9

Eeki-matadale leon, hai Yerusalem ai-batu manatapasasak-kala lemin, nana Manetualain kokoe-nanasi anan-nala, ma ana soi-po'i Yerusalem.

YESAYA 58:12

Kota fo, ndefahenin dook-ka so, neukose emi mafofo'a falik-kana, nai batu nete palaan lain. Neukose loke emi soona lae, ‘Leoina fo, manamafofo'a falik papala nanadamak-kala, ma manatao lahii uma makalulutuk-kala.’ ”

MIKHA 7:11

Hai Yerusalem! Fain-na losa so, soaneu emi mafofo'a falik emi kotam-ma papala nanadaman-nala. Nai faik ndia, neukose emi nusam-ma nanatao namaloak.

ZAKHARIA 1:17

Ata nusa so'dak ndia, nadenu au anduku-alosak hala heheluk-ka nde ia boe, nae, “Manetualain Fo Manakoasa, naheluk nae, neukose Ndia kotan-nala lalole-lanapu falik, ma nae Ana tulu-fali Yerusalem la'iesa seluk, ma Ana manakun da'di leo Ndia pusaka mesan.”