YESAYA 61:2 - Susula Malalaok Hehelu Palak Ma Hehelu Beuk

² Ana nadenu au, fo au tui-benga ae Manetualain fai soi-tefan-na, ana deka so; soaneu kokoe-nanasi basa manadale he'dik-kala, ma balas sila musun-nala;

YESAYA 61:2 ပူးပေါင်းရင်းမြစ်များ

YESAYA 1:24

Hu ndia de Manetualain Fo Manakoasa, fo Israel Manetualain-na, nafa'da nae, “Hai, Au musung-ngala lemin, neukose Au balas emi nenik nape'da dalek, fo emi ta tao susa Au so'on.

YESAYA 13:6

Kii-makaleleu leona, nana Manetualain fain-na deka so, fo nde Manetualain fe fai momopo-mamatek-ka.

YESAYA 2:12

Nai faik ndia, Manetualain Fo Manakoasa, neukose nakadadaek basa hataholi fo namatutua-namadedema aoinan-na, ma Ana huku basa hataholi manakoao-ndaeaok-ka, ma mananamatutua-namadedema aok-ka.

YESAYA 25:8

Manetualain Fo Manakoasa, neukose tao namate-namopo mamates-sa, losa dodoon-na! Neukose Ana loseheni luuoe-a neme basa mata-panak lala'en-na mai, ma nadook nakamumulu-nakamamaek fo, anan manai daebafak-ka lala'en-na, lu'a-lepak-ka. Manetualain kokolak basa so, de tao leo bee-o, dede'ak ndia ana da'di.

YESAYA 34:2

Manetualain namanasa basa leoinak-kala, ma basa solda'dun-nala lala'en-na. Neukose Ana huku, ma Ana tao namate-namopos.

YESAYA 34:8

Fain-na nde ndia, fo Manetualain nasala'e Sion, ma Ana balas nape'da dalen-na neu musun-nala.

YESAYA 35:4

Mafa'da hataholi fo, dale ba'ihanak-ka mae, “Matetea-mahehele o dalem-ma, ma boso bii, te O Manetualaim-ma mai soaneu huku musu-la, Ana mai soi-tefa-nala emi.”

YESAYA 40:1

O Manetualaim-ma, nafa'da nae leo ia, “Kokoe-nanasi, kokoe-nanasi, au leoinang-nga leona!

YESAYA 49:8

Manetualain nafa'da nan-nala nae, “Nai lelek, Au daleng-nga nau soona, neukose Au ataa; nai Au fai soi-tefang-nga, Au tulu-fali emi. Au asulu-ahapa, ma Au anea emi, ma Au tao emi da'di, hehelu-balataak ba'eneu leoinak-kala Au ta abebeu nusak mananee-nee lino-linok-ka da'di dae pusaka fo nanaleok.

YESAYA 51:12

Manetualain nafa'da nae, “Au nde kokoe-nanasi emi-a. Tao le'e de, o bii-mamata'u neu hataholi daebafak fo, manasapu-manalalok-ka, neu hataholi daebafak fo, nanatapa henik, sama leo na'u-a?

YESAYA 57:18

Au ita basa sila ha'da-tataon so, tehu, neukose Au tao alea-ahais boe. Neukose Au hela-noles ma tulu-falis, ma kokoe-nanasi hataholi fo, dalen-na he'dis-sa.

YESAYA 58:5

Metema emi okaaom-ma soona, emi fepa-li'u emi aoinam-ma; emi makatele emi langam-ma, sama leo na'u-a doon-na. Emi bela si'di lafa lapik, fo emi nggali afu leo lain neu, fo emi mangape'uk meu lain. Soona, emi mafa'da mae, okaaok-ka nde ndia do? Emi maedaenga, Au amahoko unik emi tatao-nono'im ndia do?

YESAYA 60:10

Manetualain nafa'da Yerusalem nae, “Hataholi nusa dea-la, neukose lafofo'a falik o papala nanadamam-ma, ma mane-manek-kala, neukose lalalau-laoono o. Makahulun-na, Au huku o, nai Au nasa-melung dale, tehu besak ia, Au nau sue-lai o

YESAYA 66:14

Emi mita ndia soona, neukose emi mamahoko-setelee, ma emi da'di balakaik, ma so'da-la'dak sama leo na'u nulak-ka. Boema Au atang-ngala, neukose ala la'ola'di Au koasang-nga ma Au musung-ngala, neukose ala lame'da lita Au nasa-melung.”

YEREMIA 31:13

Neu faik ndia te anafe'o anak-kala neukose ala lolonge-dadape no dale namahokok. Hataholi lasik-kala ma hataholi mulik-kala neukose laua-lanale beno'u, nana neukose Au tao amahokos. Sila dale he'din-nala Au tao asafalin da'di namahokok, ma pinu i'duk-ka Au tao asafalin da'di maua-manalek.

YEREMIA 46:10

Tehu au, Yeremia afa'da ae, ia soona Manetualain Fo Mademaina ma Manakoasa fain ia; neu faik nde te, ana tao babalak neu basa musunom-mala lala'en-na. Neukose tafan-na na'as losa lakabete, ma ninu daan-nala losa ana doak. Faik ia Manetualain Fo Manakoasa do'do tutunu-hohotun-nala nai ki, nai lee Efrat ndia su'un-na.

MIKHA 3:8

Tehu la'eneu au aoinang ia soona, Manetualain tao duladalen ma koasan-na nai dalek. Ana fe au malelak la'eneu ndoos ma matetuk, ma napalanik boe, fo au afa'da hataholi Israel-la tao basa sala-singok-kala so.

MATEOS 5:4

Maua-manalek neu hataholi fo dale na he'di sa; nanahu neukose Manetualain kokoe-nanasis!

LUKAS 4:19

ma tui-benga Lamatua ka fai mamai na fo soi-tefa hataholi kamahehele nala.”

LUKAS 6:21

Maua-manalek neu emi, fo mamala'a besak ia; neukose emi nakabetek! Maua-manalek neu emi, fo emi kii-makaleleu besak ia; neukose emi hika!

2 KORINTUS 6:2

Nai Susula Malalaok dale Manetualain nafa'da nae, “Nai faik fo Au ahii kana, Au amanene basa o so, ma nai fai so'da-mole ka, Au tulu-fali basa o so.” Mafandendelek matalolole, te besak ia nde faik fo Au ahiik ndia! Besak ia nde faik soaneu emi nanasoi-tefak!

1 TESALONIKA 2:16

Lena-lenak, ala sanga enok fo lapanggengge ami, fo ami boso meu tui-benga fe nggileo bobongi ta Yahudi la, halak fo manini so'dak fes ala. No enok ndia de, hataholi Yahudi sila la, boe tama lakandoo sala-singo nala, de nalosa sala-singo nala, dede'u na lamadai. De besak ia, neu mate'e na, ala hapu Manetualain nasa-melun!