YESAYA 61:11 - Susula Malalaok Hehelu Palak Ma Hehelu Beuk

¹¹ Sama leo bini-ngges fo, nanasele-nggalik-ka, neukose ana moli, fo ana da'di bubu'u-palusa, leondiak boe Manetualain nakamomolik so'da-molek-ka, de basa leoinak-kala, neukose koa-kion.”

YESAYA 61:11 ပူးပေါင်းရင်းမြစ်များ

KEJADIAN 1:11

Manetualain kokolak seluk nae, “Ela leo been-na, dae-a, ana kalua basa hata manamolik lala'en-na, fo nde ai fo, naboa ai de'e mata-matak-kala, ai maboa mata-matak-kala.” Boema, ana da'di leona.

MAZMUR 72:16

Ela leo been-na, gadum-ma sasi kao-kao nai nusak-ka lala'ena, ma pupukun-nala henuk no daebafak-ka buna-boan. Ela leo been-na daen-na nalole sama leo Letelepak Libanon-na, ma laun manai kotan-na lamaba'u sama leo na'u manai mook-ka.

MAZMUR 72:3

Ela leo been-na, ami nusam-ma tetu-temak ma so'da-molek, ma hapu ndoos ma matetuk ba'eneu leoina lala'ena.

MAZMUR 85:11

Susue-lalaik ma lilinekak-ka, neukose latongo, ndoos ma matetuk-ka, ma mole-dame-a, neukose lahoholuao.

KIDUNG AGUNG 4:16

Hai anin kii, fo'a leona, hai anin kona, mai leona! Filo-filo nai au osing dale, nemen-na, fo naboomeni. Sa'di tao leo bee fo au inaana susueng-nga neu leo osin dale neu, fo na'a ai boa mala'da hiin-nala.

YESAYA 4:2

Neukose losa fain-na te, Manetualain tao basa bubu'u-palusa, ma ai-la moli fo lamatua, fo nusak ia mana'ahiik. Nai faik ndia, neukose hataholi Israel fo maso'dak-kala, neukose lamahoko-setelee ma dalen-nala lamatua, nanahu dae-oen buna-boan-nala.

YESAYA 45:23

Au helu basa so, de Au hehelung-nga, neukose ta hela falik-kana fa; Au soo inik Au na'deng-nga: Basa hataholi-la, neukose ala senek nai Au matang, ma laheluk nai sila dede'an-na dalek, soaneu lilineka neu Au.

YESAYA 45:24

Neukose hataholi-la, lafa'da lae, ‘Ndoos ma matetuk-ka, ma be'i-balakaik, ka'da neme Manetualain mai!’ Basa hataholi fo, ta lahiik Au fa, neukose ala mai leo Au mai, fo ala hapu mamaek.

YESAYA 45:8

Au akona sesengik-ka, neme lalai mai, sama leo u'dan-na, daebafak-ka nakapepela liman-na, soaneu ana sipok-kana, boema, Au akamomolik so'da-molek ma ao loak-ka; Au Manetualain fo manamakadada'dik basa sila-la.”

YESAYA 46:13

Neukose Au fe fai soi-po'ik-ka, ana deka, so'da-molek fo Au fe-ka, ta nakano'dok fain-na so'on. Neukose Au soi-tefa Yerusalem, ma Au fe ha'da-holomata neu Israel.”

YESAYA 48:18

Leouni'ka, o taoafik neu Au paletang-ngala, soona o ua-nalem sama leo lee manama'da tak-ka, ma o ua-nale malolem-ma, sama leo lii nai tasi lai, fo ana ta hahae nita fa.

YESAYA 58:11

Neukose, Au hela-nole emi tataas esa, ma Au fe emi makabete nai, dae tokotik-ka; Neukose Au anea emi, fo ela emi so'da-la'dak ma balakaik mahele. Neukose emi sama leo osi fo, oen-na dai, sama leo oemata fo, ta manama'dak fa.

YESAYA 60:18

Neukose ta hapu seluk halak, la'eneu naseti-nalakak nai o nusam-ma fa, la'eneu nakalulutuk, ma manandefak nai o dae baba'em-ma fa, Neukose Au asulu-ahapa o, sama leo papala nanadamak-ka, fo neukose, o koa-kio Au, da'di leo o manasoi-manatefam.

YESAYA 60:21

O laum-ma lala'en-na nde been-na, hataholi ndoos neukose lanuu nusak-ka, losa dodoon-na. Sila sama leo, ai ndana fe'ek-ka, nananakadiditak neu ai fe'ek, fo Au nde selen-nana, soaneu nafa'da Au matua-mademang.

YESAYA 62:1

Hu kande Yerusalem, de neukose au kokolak, hu kande Sion, de neukose au ka'da denge-denge, losa nanasoi-tefak ma sesengin-na, nangale'do sama leo obol, nai fai le'odaen-na.

YESAYA 62:2

Hai Yerusalem, leoinak-kala, lita o sesengim-ma, mane-manek-kala mete o matua-mademam. Neukose loke o, nenik na'de beuk, fo Manetualain nde fe na'dek ndia.

YESAYA 62:7

Sila ta bole po'ilotak Manetualain, ka'da denge-denge fa, metema, Ana beita nafofo'a falik Yerusalem fa, ma Ana taon da'di nananita-nalelak nai basa daebafak-ka lala'en-na.

MATEOS 13:23

Ma bini-ngges fo mana tu'da nai dae maisi-mamina ka, nakasasama na leo hataholi fo namanene halak ndia, de ana tao tungan. Boema labuna laboa ba'u ka, de nalosa nggelok hapu buna-boak natun esa, nggelok hapu neehulu, ma nggelok ala hapu didikuk la'i telu hulu.”

MATEOS 13:3

Boema Yesus nanolis dede'ak makadotok ninik nakandandaak. Nae, “Hataholi mana tao tina-osi esa, neu nggali bini-ngge.”

MATEOS 13:8

Tehu hapu nggelok tu'da lai dae maisi-maminak lain, boema labuna-laboa; Neu fai keketu-kokolun boema, ala hapu nggelok natun esa, nggelok nee hulu ma nggelok ala hapu didikuk la'i telu hulu.”

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.