YESAYA 61:1 - Susula Malalaok Hehelu Palak Ma Hehelu Beuk

¹ Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

YESAYA 61:1 ပူးပေါင်းရင်းမြစ်များ

MAZMUR 102:20

Manetualain mete neme mamana mademan-na mai, Ana dongek leo daebafak-ka, neme nusa so'dak-ka mai,

MAZMUR 147:3

Ana tao nalea-nahai hataholi fo, dalen-na he'dis-sa, ma Ana popoti-papalu bisun-nala.

MAZMUR 149:4

Manetualain dalen-na nahiik anan-nala; Ana fe hataholi dale taidaek-ka, ana sengi.

MAZMUR 2:6

nae, “Nai Sion, fo Au pupuku malalao-malalafung-nga, Au ndo ei basa manek fo Au helek-ka.”

MAZMUR 22:26

Nai O anam-mala nakabubuan-na tala'da, au koa-kio O, nana basa hata lala'en fo O tao-no'in so. Nai hataholi kamahehelek-kala matan, au tunu-hotu tutunu-hohotuk fo au heluk-ka.

MAZMUR 25:9

Manetualain hela-nole hataholi manamakaloe-makadae aok-ka, ma nanolis hihii-nanaun-na neus.

MAZMUR 34:18

Metema hataholi manatao ndoos-sa, naloo bou-bou soona, Manetualain namanenen, ma Ana soi-tefa-nas, neme toto'a-tataak lala'ena mai.

MAZMUR 45:7

Manetualain fe o koasa soaneu paleta, o koasam-ma nakatatakak losa dodoon-na; no ndoos ma matetuk, o paleta o laum-ma.

MAZMUR 51:17

Ou Manetualain, tulu-fali au kokolak, soona neukose au koa-kio O.

MAZMUR 68:7

Manetualain sadia mamana leleok fe hataholi fo, maleu-malak-ka: Ana soi-po'i hataholi nanahukuk-kala, nalosa ala laua-lanale. Tehu hataholi manala'ban Manetualain-na, muse ana leo nai dae tokotiik.

MAZMUR 69:32

Nai Manetualain mata memeten-na ndia nde malole lena tutunu-hohotu sapi mane, ma tutunu-hohotu sapi mane anak.

KELUARAN 28:41

Pake bua papakek ndia neu o ka'am Harun no anan-nala. Lose mina setun neus; fo no enok ndia, sila nana ndo eik ma nanahele hehelik soaneu lalalau-laoono Au da'dileo imam.

KELUARAN 29:7

Boema ho'i-ma mina feta fo po'an neu langan lain ma lose neu aon-na.

YESAYA 29:19

Hataholi nuu taa-hata taak-kala, ma matasi'da-matasaek-kala, neukose ala hapu falik tetu-temak fo, Israel Manetualain malalao-malalafun-na, fek-ka.

YESAYA 30:19

Hai emi fo, manaleo manai Yerusalem-mala lemin, neukose emi ta kii makandoo fa. Manetualain madale susue-lalaik, de no lai-laik nataa emi, metema emi maloo bou-bou moke tutulu-fafalik neun.

YESAYA 30:26

Neukose bulak-ka mangale'don-na, sama leo le'do-a mangale'don-na, ma le'do-a namaneu la'i hitu neme biasan-na mai, ma le'do mangale'don-na, sama leo mangale'dok faik hitu dalen-na. Basa sila-la, neukose ala da'di nai lelek Manetualain popoti-papalu, ma nakahahaik anan-nala bisun fo, lakahinak-kala so.

YESAYA 32:7

Boema hataholi manatipu-daik esa, ana dudu'a-dodoo hata fo mangalauk. Ana sanga enok, soaneu tao soe hataholi nuu taa-hata taak-ka, nenik dede'a-kokola pepekok, ma ana kena-ka'is soaneu hapu sila haak-ka.

YESAYA 40:9

Kae leo lete madema lain meu, fo po'a-benga hala malole-a neu Yerusalem! Maloo bou-bou mapane'e, fo po'a-benga hala malole-a neu Sion! Mafa'da kota-kota manai Yehuda-la, mae sila Manetualain-na, neukose Ana mai!

YESAYA 42:1

Manetualain nafa'da nae, “Au atang fo, Au tia-to'ban-na, nde ia, Au hataholi heheleng fo nandaa no Au daleng-nga. Au fe basa Au koasang-nga neun so, soaneu neni ndoos ma matetuk-ka, ba'eneu leoinak-kala esa-esak.

YESAYA 42:7

Soaneu fe hataholi pokek-ka nita, ma soi-po'i hataholi manai bui makahatuk-ka dalek.

YESAYA 48:16

Mai deka mo Au, fo mamanene leon, neme makahulun-na mai, Au kokolak no le'do-le'dok; ma Au tao Au hala-kokolang, da'di nananitak tataas esa.” Besak ia Manetualain nadenu au, de Ana fe koasan-na neu au.

YESAYA 49:9

Au adenu hataholi nanahukuk-kala kalua; fo manai mamana makahatuk-ka, Au os leo mangale'dok-ka mai. Nakalena, manai pupuku na'u tak-ka, ala to'a-taa fa, nana'ak-ka, nanasadiak su'di enok-ka nanalun-na.

YESAYA 52:7

Namahokok nanseli, mete hataholi nadedenuk-ka, mamain-na; ana la'ok la'di letelepak-ka de neni hala malole, hala so'da-molek, hala so'da-molek ba'eneu Sion; nae, “O Manetualaim-ma Manek!”

YESAYA 52:9

Eeki-matadale leon, hai Yerusalem ai-batu manatapasasak-kala lemin, nana Manetualain kokoe-nanasi anan-nala, ma ana soi-po'i Yerusalem.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 57:18

Au ita basa sila ha'da-tataon so, tehu, neukose Au tao alea-ahais boe. Neukose Au hela-noles ma tulu-falis, ma kokoe-nanasi hataholi fo, dalen-na he'dis-sa.

YESAYA 59:21

Au tao hehelu-balataak o emi ae: Au fe emi, Au koasang-nga, ma Au nanoling-nga, losa dodoon-na. Manolin neu emi anam-mala, fo ela sila boeo, hapu lanolin neu sila tititi-nonosin, mulai besak ia, losa dodoon-na.”

YESAYA 66:2

Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.

YEREMIA 34:8

Manek Zedekia ma Yerusalem laun-nala tao nakeketuk soaneu soi po'i

YEREMIA 52:33

Ala fen loak fo ana nggati bua-lo'a nanapake neme bui dale mai, ma losa dodoon-na neme fai naso'dan ndia ana hapu na'a nai uma manek, ma ala fen doik tunga faik fo ana asa neu ndia palun-nala nai fai sa'dan-na.

DANIAL 9:24

Teuk hituhulu la'i hitu ndia nde faik fo Manetualain naketun soaneu Ana soi-po'i o leoinam-ma, ma o kotam fo malalao-malalafuk ndia neme sala-singok ma tatao-nono'i mangalauk-ka mai. Basa sala-singok lala'en-na, neukose hapu do'o do ampon ma napadedeik natetu ndoos ma matetuk fo manaketu basa taak-ka, nalosa ninitak ma hala nafa'da elak ndia, neukose ala da'di, ma Manetualain Uman fo malalao-malalafuk ndia, neukose pake falik-kana soaneu Manetualain.

HOSEA 6:1

Hataholi Israel-la lafa'da lae, “Mai fo ata fali leo Manetualain Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

IMAMAT 7:35

Neme nana'ak fo nanatunu-hotuk ba'eneu Manetualain-na, baba'ek ndia nde Ana fen neu Harun no anan-nala, nai faik fo nanandoo eik da'di imam.

MIKHA 3:8

Tehu la'eneu au aoinang ia soona, Manetualain tao duladalen ma koasan-na nai dalek. Ana fe au malelak la'eneu ndoos ma matetuk, ma napalanik boe, fo au afa'da hataholi Israel-la tao basa sala-singok-kala so.

MATEOS 11:5

Hataholi poke kala lita, hataholi lu'u kala la'ok, hataholi he'di lou mangalau kala lea-hai; hataholi pake kala lamanene, hataholi mate sala laso'da falik, ma Manetualain Hala Malole na, nanatui-bengak neu hataholi nuu taa-hata ta kala.

MATEOS 3:16

Yohanis salani basa Yesus tutika ana kalua neme oe dale mai. No kaiboik, lalai a natahuka de Yesus nita Manetualain Dula Dale na ana kona neme nusa so'da ka mai sama leo kalua sina de ana kona neu lain.

LUKAS 7:22

Da'di Yesus nataa nae, “Fali leo Yohanis meu, fo mafa'dan basa hata fo emi mamanenen ma mitan: hataholi poke ka nita, hataholi lu'u ka la'ok, hataholi he'di lou mangalau ka lea-hai, hataholi pake ka namanene, hataholi manamate ka naso'da falik, ma Hala Malole maneme Manetualain mai a, nanatui-bengak neu hataholi nuu ta-hata ta kala.

YOHANIS 1:41

Tutika Anderias lai-lai neu sanga Simon, fo tolanoo na, de nafa'dan nae, “Ami matongo mo Mesias so!” (Mesias sama leo Kristus, fo nde: Mane Mana Fe So'da ka.)

YOHANIS 3:34

Hu ka nde hataholi fo Manetualain nadenun fo ana tui-benga Manetualain dede'a-kokola na, Manetualain fe la'iesak Dula Dale na neu hataholi ndia so.

HATAHOLI 10:38

Emi bubuluk mae, Manetualain hele basa Yesus fo Hataholi Nazaret ndia, boema Ana fen Dula Dale na, ma koasa na. Emi bubuluk basa boe, Yesus ndia, neu leo mamanak lala'ena, fo Ana tao malole; Ana tao nahai basa hataholi fo Nitu koasa nalas, nana Manetualain no kana.

HATAHOLI 26:18

fo tao ma mata nala lalaak, fo daenga ala kalua leme makahatuk dale leo mangale'do ka dalek, ma latapo'i leme Nitu dudungu-papaun mai, fo ela Manetualain koasa nalas. Fo no namahehelek neu Au ndia, Au fe do'o do ampon neu sala-singo nala, fo ala da'di Manetualain hataholi kamahehele nanahelek.’ ”

HATAHOLI 4:27

Nana memak Herodes no Pontius Pilatus tao nakabubuak lo hataholi fo ta lalelak Lamatua ka ma hataholi Israe la, leme kota ia dalek. Latongo fo ala la'ban O atam Yesus fo malalao-malalafuk ndia, fo O so'u basan da'di Mane Mana Fe So'da ka.

2 KORINTUS 3:17

Naa, Manetualain nde bee na Dula Dalek. Ma nai bee Manetualain Dula Dale na nai ndia soona, nai ndia boeo hapu ao loa ka.

2 KORINTUS 7:6

Tehu ami moke makasi ba'u ka, nana Manetualain tao natea-hahele hataholi manaketu namahehena kala dale nala tataas esa; Ana tao na ami dale ma loa-loak mesan ninik Titus mamai na.

IBRANI 1:9

O nau tunga matetu na, ma O mamanasa tipu-dai ka; Hu ndia de Au, O Manetualai ma, Ana hele O, Ma Ana fe O ha'da-holomata fo nini namahokok, lenaheni O nonoo mala.”